Morgunblaðið - 05.11.2009, Blaðsíða 2

2 FréttirINNLENT
MORGUNBLAÐIÐ FIMMTUDAGUR 5. NÓVEMBER 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björn
Jóhann Björnsson, fréttastjóri, bjb@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Andra Karl
andri@mbl.is
„AUÐVITAÐ er leiðinlegt þegar svona gerist
en það verður eitthvað undan að láta. Það
mætti kannski segja að þetta væri fyrirboði
þess sem koma skal ef þessar niðurskurðar-
kröfur verða að raunveruleika,“ segir Helgi I.
Jónsson, dómstjóri Héraðsdóms Reykjavíkur,
um dóm Hæstaréttar í gær en rétturinn felldi
úr gildi gæsluvarðhaldsúrskurð yfir karlmanni
sem var í júlí síðastliðnum dæmdur í fjögurra
og hálfs árs fangelsi fyrir hrottalega nauðgun.
Maðurinn gengur laus en sætir farbanni til 22.
desember nk.
Hæstiréttur taldi óhæfilegan drátt hafa orðið
á afgreiðslu dómsgerða til ríkissaksóknara en
án þeirra kemst áfrýjunarmálið ekki á dagskrá.
Helgi segir að allur gangur sé á hversu lang-
an tíma taki að afgreiða dómsgerðir, oftast einn
til tvo mánuði en geti þó tekið lengri tíma.
Dómritarar sjá um vinnuna, sem er m.a. end-
urritun allra yfirheyrslna yfir ákærða og vitn-
um. Að mestu voru dómsgerðir unnar í yf-
irvinnu en yfirvinnubann er í gildi hjá
héraðsdómstólum vegna kröfu um niðurskurð.
Helgi segir dómstólana leggja mikið á sig til
að halda uppi skilvirkri málsmeðferð. Ástandið
sé hins vegar þannig að ekkert megi út af bera.
„Ég hygg að við sjáum aðeins toppinn á ísjak-
anum. Við erum ekki farin að sjá neitt ennþá.“
Spurður hvort hann telji mat Hæstaréttar
rétt, þ.e. að fjórir og hálfur mánuður sé óhæfi-
legur dráttur, segir Helgi að „ef hagsmunir
dæmds nauðgara vega þyngra en almannahags-
munir þá er það mat Hæstaréttar“.
Dæmdur nauðgari laus
 Hæstiréttur felldi gæsluvarðhald úr gildi vegna dráttar á afgreiðslu gagna
 Dómstjóri Héraðsdóms Reykjavíkur segir álagi á dómstólinn um að kenna
Verktakafyrirtækið Ístak hefur látið smíða 19
metra langan borpramma. Hann fékk í gær
nafnið Þrymur.
Pramminn verður notaður við hafnarfram-
kvæmdir í Stamsund, austan við Lófóten í
norðanverðum Noregi, og er búist við að
hann verði sendur af stað á næstu vikum.
Hann er um 12 metrar að breidd, á honum
eru 20 metra langir stálfætur sem hér sjást
vísa til himins. Fótunum verður stungið niður
í sjávarbotninn til þess að tryggja að borinn
guli, sem sést fyrir miðju, sé stöðugur á pall-
inum. Smíðin tók nokkrar vikur og fór að
mestu fram á járnsmíðaverkstæði Ístaks á
Tungumelum í Mosfellsbæ.
BORPRAMMINN ÞRYMUR Í VÍKING
Morgunblaðið/Árni Sæberg
BÆJARSTJÓRN Álftaness sam-
þykkti í gær tillögu meirihlutans um
að senda eftirlitsnefnd með fjár-
málum sveitarfélaga tilkynningu um
slæma fjárhagsstöðu sveitarfélags-
ins. Nefndin mun í kjölfarið láta fara
fram rannsókn á fjárreiðum og
rekstri. Samkvæmt lögum getur hún
svo ráðlagt samgönguráðuneytinu,
sem fer með sveitarstjórnarmál, að
veita Álftanesi styrk eða lán úr Jöfn-
unarsjóði sveitarfélaga.
Skiptar skoðanir voru um málið á
fundinum. Fulltrúar minnihlutans
töldu að um uppgjöf væri að ræða og
réttast væri að skipa nýjan meiri-
hluta í sveitarfélaginu, með öllum
fulltrúum sem gætu unnið málið
saman.
Þá gagnrýndu fulltrúar minnihlut-
ans það sem þeir nefndu óábyrgar
yfirlýsingar í fjölmiðlum um málefni
sveitarfélagsins. Þær hefðu truflað
vinnu við að leysa úr vandanum og
gefið viðskiptabanka sveitarfé-
lagsins tilefni til að stöðva fyrir-
greiðslur til þess, en það gerðist
fyrir hálfum mánuði.
Langtímaskuldir og skuldbind-
ingar sveitarfélagsins eru áætlaðar
2,8 milljarðar króna og eru skamm-
tímaskuldir áætlaðar 1,2 milljarðar.
Álftanes
til eftirlits
Ákvörðun Fundurinn var í gær.
Morgunblaðið/Heiddi
Eftir Sigurð Boga Sævarsson
sbs@mbl.is
„SKYTTURNAR þurfa að koma úr felulitunum,“ seg-
ir Ólafur Helgi Kjartansson, sýslumaður á Selfossi.
Rjúpnavertíðin hófst um síðustu helgi og strax þá
komu upp nokkur tilvik þar sem rjúpnaskyttur týnd-
ust þó að ekki þyrfti að bregðast við með víðtækri
leit, eins og oft hefur þó hent.
Sýslumaður telur hins vegar nauðsynlegt að nú
nálgist veiðimenn málin með nýjum hætti og klæðist
skærgulum eða appelsínulitum endurskinsvestum þeg-
ar gengið sé til rjúpna. Slíkt dragi úr líkum á því að
skyttur týnist og auðveldi jafnframt leit björg-
unarsveitarmanna ef til þess komi.
„Þetta er ekki bara mál veiðimannanna sjálfra. Ef
þeir týnast varðar það fjölskyldur þeirra sem og
hjálparsveitirnar og þá sjálfboðaliða sem þær skipa.
Stundum fara þúsundir vinnustunda í einstök leitar-
verkefni og því verðum við að nálgast þetta með fyrir-
byggjandi aðgerðum,“ segir Ólafur Helgi. Hann vísar
í þessu sambandi meðal annars til leitar að rjúpna-
skyttu sem týndist á Skáldabúðaheiði í uppsveitum
Árnessýslu síðastliðið haust og fannst ekki fyrr en á
vordögum.
Hvort hljómgrunnur sé fyrir þessari hugmynd telur
Ólafur Helgi svo vera. Hugarfar veiðimanna sé að sín-
um dómi breytt frá því sem var; magnveiðar séu úr
sögunni og nú gangi menn til rjúpna sér einkum og
helst til skemmtunar og því ætti þá að fylgja meiri og
betri vitund fyrir sjálfsögðum öryggisatriðum.
Vill skytturnar í skæra liti
Auðveldar björgunarmönn-
um leit að týndum skyttum
Morgunblaðið/Ingó
Skytta Taka skærir litir við af felulitunum?
EUGENIO Daudo Silva Chipa, sem er þrítugur,
var dæmdur í fjögurra og hálfs árs fangelsi fyr-
ir að hafa veist að konu í húsasundi við Trönu-
hraun í Hafnarfirði í maí síðastliðnum og
nauðgað henni hrottalega. Í dóminum segir að
hann hafi leikið konuna illa líkamlega en öllu
verr andlega.
Hann er nú í farbanni. Fjölmörg dæmi eru um
að menn í farbanni hafi komist úr landi, t.d.
pólskur karlmaður sem sakfelldur var fyrir
nauðgun á Hótel Sögu seint á síðasta ári. Þá
sluppu fimm menn í farbanni úr landi árið
2007.
Lék fórnarlamb sitt afar illa
NORSKI at-
hafnamaðurinn
Endre Røsjø mun
ekki leggja fram
1.400 milljónir
króna í MP-
banka, að sögn
Viðskiptablaðsins
í dag. Heimildar-
menn blaðsins
segja að Røsjø
hafi viljað kaupa enn stærri hlut eða
jafnvel allan bankann en það hafi
aðrir hluthafar ekki verið sáttir við.
Haft er eftir stjórnarformanninum
Margeiri Péturssyni í blaðinu að það
sé grundvallaratriði að eignaraðildin
sé dreifð.
Røsjø verð-
ur ekki með
Margeir Pétursson