Morgunblaðið - 05.11.2009, Page 16

16 Daglegt líf
MORGUNBLAÐIÐ FIMMTUDAGUR 5. NÓVEMBER 2009
Eftir Kristínu Heiðu Kristinsdóttur
khk@mbl.is
Ég er ekkert að glápa ámeistarabréfið mitt áhverjum degi þó þaðhangi hér innrammað
uppi á vegg, en sonur minn kom í
heimsókn í sumar og rak augun í ár-
talið 1959 á þessu plaggi. Hann
krafðist þess að ég gerði eitthvað í
tilefni þess að nú eru víst orðin heil
fimmtíu ár frá því ég varð formlega
klæðskerameistari,“ segir Fær-
eyingurinn Árni Gærdbo sem hefur
undanfarin fjögur ár rekið klæð-
skerafyrirtækið Skraddarann á
horninu við Lindargötu. Hann ætlar
auðvitað að hlýða syni sínum og
verður með opið hús föstudaginn 13.
nóvember klukkan sex. „Allir eru
velkomnir til að fagna með okkur en
þetta verður tvöfalt afmæli, því sjálf-
ur verð ég 78 ára á veisludaginn,“
segir Árni sem er fjarska hress og
jákvæður. „Ég er eins og blómi í
eggi, ég held ég yngist bara með
hverju árinu. Ég hef gaman af lífinu
og nú sem aldrei fyrr. Ég er búinn
að læra að njóta hvers dags af því
hann kemur aldrei aftur. Ég get
ekki kvartað, ég hef það bara gott,
ég á mitt eigið fyrirtæki og skulda
engum neitt. Ég er þakklátur fyrir
að geta unnið á hverjum degi. Ég lét
skipta um augastein í öðru auganu í
haust og fljótlega á að gera það
sama við hitt augað. Það var mikil
bót af því fyrir mig, ég var hættur að
sjá nógu vel til að þræða nálarnar á
saumavélunum.“
Fæ mér staup á hverju kvöldi
Árni segist ekki vita hverju hann
megi þakka að hann hafi svo góða
heilsu sem raun ber vitni, hann seg-
ist ekki hafa farið neitt sérstaklega
vel með sig um ævina. „Ég reykti
bæði sígarettur og vindla og tók í
nefið á tímabili, en þegar ég lét víkka
út æðarnar í hjartanu þá steinhætti
ég að reykja. Danskur læknir sagði
fyrir mörgum áratugum að ég væri
allur útataður í krabbameini en ég
fór aldrei í neina meðferð. Í hvert
sinn sem ég fer til Danmerkur þá
heilsa ég upp á lækninn sem gaf mér
þessa sjúkdómsgreiningu, svona
rétt til að minna hann á að ég lifi
enn,“ segir Árni og hlær og bætir við
að hann fái sér ævinlega eitt eða tvö
staup af sætum líkjör á hverju kvöldi
áður en hann fer að sofa.
Er orðinn meiri Íslendingur
Árni hóf klæðskeranámið árið
1952 hjá Andrési Andréssyni á
Laugavegi 3. „En ég var löngu far-
inn að sauma áður en ég fór að læra.
Þessi hálfa öld sem ég hef verið
klæðskeri hefur verið góður tími,
auðvitað stundum upp og stundum
niður eins og gengur. Ég byggði
verkstæði árið 1979 í Færeyjum og
hafði mikið umleikis, var með tutt-
ugu manns í vinnu. Mér fannst það
allt of mikið, ég nennti þessu ekki og
lokaði sjoppunni. Seinna opnaði ég
litla saumastofu á Káta horninu í
miðbænum í Þórshöfn og kunni bet-
ur við það.“
Árni skrapp í eina viku í sumar
heim til Færeyja og finnst alltaf
gaman að koma þangað. „En nú
finnst mér ég eiginlega vera orðinn
meiri Íslendingur en Færeyingur.
Ég bjó hér í um þrjá áratugi, var
giftur íslenskri konu og eignaðist
með henni þrjá syni. Tveir þeirra
búa hér en einn í Svíþjóð og nú á ég
líka nokkur barnabörn,“ segir Árni
sem fer tvisvar í mánuði að dansa
færeyska dansa hjá Færeyinga-
félaginu á Íslandi. „Ég vil halda við
þessari gömlu kunnáttu.“
Þakka Guði að ég seldi ekki
Það er brjálað að gera hjá Árna og
hefur aukist mikið síðan kreppan
skall á. Hann hefur vart undan en
nýtur aðstoðar ungrar stúlku sem er
klæðskeri og vinnur hjá honum
hluta úr degi nokkrum sinnum í
viku. „Ég ætlaði að selja fyrirtækið
mitt rétt fyrir kreppu, en ég þakka
Guði að ég hætti við það. Ég er eini
karlmaðurinn í félagi klæðskera hér
á landi og kann því vel að vera með
stelpunum, þær eru góður fé-
lagsskapur. Við komum þó nokkuð
saman og ég fór með þeim til Ak-
ureyrar um daginn og við áttum
saman frábæra helgi fyrir norðan.
Við heimsóttum meðal annars eina
konu sem er nýbúin að opna verk-
stæði í Borgarnesi. Það er fullt af
klæðskerum um allt land. Við erum
tæplega hundrað í félaginu og ein
þeirra, hún Selma Ragnarsdóttir
sem er bæði klæðskeri og hönnuður,
hún er með saumastofu hér í ná-
grenni við mig á Vatnsstígnum. Hún
er mikil vinkona mín og við tölum
saman á hverjum degi. Við vinnum á
ólíkum sviðum, hún hannar og saum-
ar föt og búninga fyrir ýmsar sýn-
ingar og kvikmyndir en ég er ein-
vörðungu í fatabreytingum og
viðgerðum,“ segir Árni sem er af
gamla skólanum og gefur sér góðan
tíma til að spjalla við viðskiptavini
sína, ef þeir eru þannig stemmdir.
Ég hef gaman af lífinu
Morgunblaðið/RAX
Stoltur Árni hefur fulla ástæðu til að vera ánægður með fyrirtækið sitt Skraddarann á horninu, sem gengur vel.
Árið 1982 Þessi mynd var tekin af Árna í stóru klæðskeraverksmiðjunni
sem hann átti í Færeyjum og birtist í færeyska blaðinu Sosialurin.
Ég er eins og blómi í eggi,
ég held ég yngist bara
með hverju árinu. Ég hef
gaman af lífinu og nú sem
aldrei fyrr. Ég er búinn að
læra að njóta hvers dags
af því hann kemur aldrei
aftur. Ég get ekki kvartað,
ég hef það bara gott og
skulda engum neitt.
Skraddarinn á horninu
hefur nóg að gera eftir að
kreppan skall á. Hann
hefur starfað sem klæð-
skerameistari í hálfa öld
og verður sjálfur 78 ára í
næstu viku. Ekkert farar-
snið er á honum, hann
blæs í lúðra og ætlar að
hafa opið hús í tilefni
tvöfalda afmælisins.
Eftir Kristínu Heiðu Kristinsdóttur
khk@mbl.is
„VEGNA þeirrar staðreyndar að sí-
fellt fleiri leita til Mæðrastyrks-
nefndar eftir hjálp, þá langaði okk-
ur til að gera eitthvað fallegt fyrir
jólin. Núna er þröngt í búi hjá
mörgum og kannski hafa ekki allir
efni á að kaupa vettlinga á börnin
sín, en kuldinn úti vex með hverjum
degi,“ segir Ágústa Jónsdóttir
prjónakona með meiru, en hún fékk
þá snjöllu hugmynd að bókaútgáfan
Salka og Mæðrastyrksnefnd stæðu
saman að vettlingasöfnun. „Ey-
mundssonbúðirnar eru með okkur í
þessu verkefni og þar er tekið á
móti vettlingum. Fólk getur því
komið með vettlinga í hvaða versl-
un Eymundsson sem er, hvar sem
er á landinu, nú eða þá sent þá í
pósti,“ segir Ágústa og bætir við að
átakið standi til 27. nóvember og að
allar mæðrastyrksnefndir á landinu
muni njóta góðs af.
Tók upp prjónana
eftir tíu ára hlé
Ástæða þess að Ágústa á hlut að
máli í vettlingasöfnunni er sú að
Bókaútgáfan Salka gaf út í sept-
ember vettlingabók hennar Hlýjar
hendur, þar sem er að finna 53 upp-
skriftir að fallegu vettlingamunstri.
Bókin hefur trónað efst á met-
sölulistum og af því má ljóst vera að
Ágústa er ekki ein um að hafa
áhuga á að prjóna vettlinga.
„Ég hef prjónað alveg frá því ég
var barn og aðallega peysur eftir
að ég varð fullorðin. Ég var búin að
vera í tíu ára prjónapásu þegar ég
tók mig til og fór að prjóna vett-
linga til jólagjafa handa mínum
nánustu um síðustu jól. Amma og
mamma höfðu aðallega séð um
vettlingaprjón í fjölskyldunni og
mér fannst tími til kominn að ég
gerði eitthvað í þessu.
Ég komst að því að ekki var auð-
velt að finna fallegar uppskriftir
svo ég hannaði sjálf alls konar
munstur á vettlinga. Maðurinn
minn stakk svo upp á að ég gæfi
þetta út á bók og það hefur heldur
betur sýnt sig að þörfin fyrir slíka
bók er mikil núna á þessum tímum
þegar fólk vill frekar gera hlutina
sjálft en kaupa allt tilbúið úti í búð,
enda má spara þó nokkra peninga á
því.“
Engu
barni skal
vera kalt
á fingrum
Morgunblaðið/Golli
Kuldaboli Gott er að hafa hlýtt á
höndunum þegar frostið nístir.
Greiðslujöfnun
íbúðalána
Lán Íbúðalánasjóðs verða greiðslujöfnuð frá og með 1. desember 2009
Áætluð lækkun á mánaðarlegri greiðslubyrði er allt að 17%
Afþakka þarf greiðslujöfnun fyrir 20. nóvember
Nánari upplýsingar ásamt tilkynningu um afþökkun er að finna
á vefsíðu Íbúðalánasjóðs
Borgartúni 21 | 105 Reykjavík | Sími : 569 6900, 800 6969
www.ils.is