Vilji - 01.12.1928, Blaðsíða 30

178
VILJI
Jólahugleiðing.
Jólin eru hátið Krists, en Kristur er í augum vorum
ímynd alls hins góða og fagra á jörðu hjer. Allir keppast
við að fara að dæmi hans á þeirri helgu hátíð, og margir
af því, að þeir elska jafnaðarlega það, sem gott er. Víst
er um það, að fáir eru svo andvígir þeim dygðum, er
komið geta til greina, að þeir sjái sjer ekki fært að sleppa
þeim lausum svo sem V30B hluta ársins, til þess þá að gefa
þeim eina úrlausn, svo að þær verði rólegar hina 364 dag-
ana — og er sú tilhögun heppileg.
Það má benda á dæmi sem sýna, hvað samviskan get-
ur orðið kristileg og hörundssár um jólin.
Drottinn sagði: »Halda skaltu hvíldardaginn heilagan«.
En þetta hefir hann sjálfsagt meint fyrst og fremst til
manna, sem bjuggu í heitum og frjósömum löndum og ekki
stóðu í miklum áhættum og kostnaði út af atvinnurekstr-
inum. Vjer erum hins vegar að nokkru leyti fiskiþjóð og
stundum aflabrögðin á dýrum og gjaldfrekum togurum,
enda hefi jeg heyrt, að ekki allir sjái sjer fært, að láta þá
vera aðgerðalausa á páskum og hvítasunnu og öðrum
smærri hvíldardögum — og er slíkt vonlegt. En það er
jeg viss um, að þótt hlaðfiski væri fyrir utan hafnargarð-
inn, þá mundu fáir hreyfa hönd eða fót til aflafanga á jóla-
nóttina. Jeg hefi jafnvel orðið þess var í sveit, að menn
skoði huga sinn um það, hvort rjett sje að vanhelga jóla-
daginn með skepnuhirðingu, enda er það fullkomið vafamál.
Vjer jarðarbúar getum ekki vegsamað Drottin nema
með aðstoð jarðneskra muna. Honum hafa verið bygðar
dýrlegar hallir. Þangað fara menn á jólunum — sumir í
eitt skifti fyrir öll — nema þá að þeir verði einhvern tíma
gripnir af þeirri undarlegu fýsn, að þá langi til að heyra
lof um náunga sinn við jarðarför. Auk þess verðum vjer
að reyna að hreinsa og helga híbýli vor sem best vjer get-