Organistablaðið - 01.10.1982, Blaðsíða 2
Páll Kristinn Pálsson
sjötugur
Páll Kr. Pálsson er fæddur í Reykjavík 30. ágúst 1912 og varö því sjötugur í
sumar.
Hann var einn af stofnendum F.Í.O., var ritari frá stofnfundi 17. júní 1951 til 1965
og var formaður frá 1965 til 1971, en þá baöst hann eindregið undan endurkosn-
ingu. Hann var kjörinn heiðursfélagi á aðalfundi F.Í.O. 31. ágúst 1981.
Páll hefur verið fulltrúi íslenskra organleikara á mörgum norrænum fundum og
leikið íslensk orgelverk á norrænum kirkjutónlistarmótum, enda spyrja norrænir
starfsbræður um hann og minnast hans frá hljómleikum og úr samstarfi fyrri ára.
Hann hefur haldið fjölmarga hljómleika og verið ötull við að kynna kirkjutónlist og
þannig mótað með kennslu sinni og hljómleikum fjöldamarga þeirra tónlistarmanna
sem nú starfa. Undirritaður minnist hlýleika hans og hvatningarorða í kennslu og
hispurslausrar gagnrýni á flutningi tónlistar.
Hann á margar vel skrifaðar greinar i Organistablaðinu og hefur unnið af ósér-
hlífni fyrir blaöið.
Fyrir hönd félaga í F.I.O. þakka ég honum mikið og gott starf í þágu félagsins og
óska honum til hamingju með afmælið.
Persónulega þakka ég vináttu og margar ánægjustundir og bið Guð að gefa hon-
um þrek til að sitja lengi enn á orgelbekknum og töfra fram það fegursta sem
þessi drottning hljóðfæranna gefur kost á.
2 ORGANISTAHLAÐIÐ
Kristján Sigtryggsson.