Organistablaðið - 01.10.1982, Blaðsíða 9

Islenskir organistar heimsækja
Klosterneuburg
Klosterneuburg fékk óvenjulega heimsókn þann 17. júní síðastliðinn (1979)
en þá komu hingað 54 íslendingar, organistar af karl- og kvenkyni og fylgdarlið
þeirra. Hópurinn er á kynnisferðalagi um Mið-Evrópu og var hann þennan
sunnudagsmorgun við hámessu í Hofmusikkapelle (hjá Vínardrengjakórnum)
og þar á eftir við aðra hámessu í Augustinerkirche. Síðan hélt hann til
Klosterneuburg og borðaði í Gasthof Jager. Því næst var stiftið (klaustrið, sem
bærinn heitir eftir) skoðað, en með sérstöku leyfi eftirlitsmanns kanúkastiftsins,
DDr Röhring fékk fólkið að skoða ýmsa þá hluti sem alls ekki eru sýndir í
venjulegum skoðunarferðum. Prófessor K. Lerperger (organisti stiftsins) sýndi
bæði orgel kirkjunnar, en sérstaka athygli islendinganna vakti stóra orgelið
(byggt 1642, hápunktur í byggingu barock - orgela). Prófessor Lerperger hélt
ítarlegan fyrirlestur um byggingu orgelanna og spilaði síðan á bæði hljóðfærin
verk eftir Muffat, Pachhelbel, J.S. Bach og Max Reger, starfsfélögum sínum frá
hjara veraldar til óblandinnar ánægju og djúpstæðrar hrifningar. Hópurinn, semer
undir stjórn Hauks Guðlaugssonar söngmálastjóra íslensku þjóðkirkjunnar,
skoðaði síðan Schatzkammer ("fjársjóðageymsluna"), Verdun-altarið og
keisaraherbergið og dáðust allir að þessum einstæðu verðmætum. Vert er að
geta þess sérstæða atburðar, að í Marmarasalnum söng hópurinn „Þitt lof,ó
Drottinn," eftir Beethoven og íslenska þjóðsönginn, en fegurð söngsins og
einstakir eiginleikar salarins ófust stórkostlega saman. Óefað er þetta í fyrsta
skipti, sem þjóðsöngur Islendinga, ,,Ó, Guð vors lands" hljómar á þessum
sögufræga stað.
Helmut Neuman tónskáld frá Klosterneuburg þýddi alla leiðsögn fyrir gestina
á íslensku, en í þakklætisskyni afhentu þeir honum bókina „Skáldatími" eftir
íslenska nóbelsverðlaunaskáldið Halldór Kiljan Laxness, með eiginhandar-
áritun höfundar, sem er aldeilis ekki hverdagsleg gjöf.
Með söknuði slitu íslendingarnir sig frá Klosterneuburg og héldu upp á
Leopoldsberg til að skoða útsýnið þaðan, en þeir komu hingað ekki sist vegna
þeirrar kynningar sem Klosterneuburg fékk í íslenskum blöðum er
„íslandssýningin 1978" var haldin hér í Ráðhúsinu.
Fólk þetta var frá öllum landshlutum íslands og er ekki við öðru að búast en að
orðstýr Klosterneuburgar berist vítt og breytt um ísland, en allir fóru mjög
lofsamlegum orðum um þessa ánægjulegu heimsókn. Þýðing S.Ó.
Helmuth Neumann er giftur íslenskri konu, Marinu Gísladóttur úr Hafnarfirði.
Hann var tónlistarkennari og sellóleikari í Sinfoníuhljómsveit íslands um skeiö.
Hann hefur verið íslenskum tónlistarnemum í Austurríki mjög hjálplegur og haft
forgöngu um að koma þeim á framfæri þar á hljómleikum.
ORGANISTABLADH) 9