SunnudagsMogginn - 13.12.2009, Síða 42

42 13. desember 2009
Þ
ann 3. desember hófst aðdragandi uppskeru
kvikmyndagerðarmanna í Vesturheimi og þessa
dagana eru tilnefningar til hinna fjölbreytileg-
ustu verðlauna beggja vegna Atlantshafsins að
hrannast upp á yfirborðið.
Í ár var það Up in the Air, gamansöm ádeila um sam-
drátt fyrirtækja, sem varð hlutskörpust hjá meðlimum
NBR sem tilkynna fyrstir væntanlega sigurvegara. Mynd-
inni sem barst þetta tromp upp í hendurnar, leikstýrir
Jason Reitman, sem á að baki aldeilis framúrskarandi og
persónuleg verk á borð við Juno og Thank You for Smok-
ing og er í fremstu röð þeirra ungu kvikmyndagerð-
armanna sem hvað mestar vonir eru bundnar við í dag.
Up in the Air fjallar um niðurskurðarmanninn Ryan
Bingham (George Clooney), sem fer á milli fyrirtækja með
skurðarhnífinn á lofti og saxar á starfsmannafjöldann á
báða bóga. Heldur nöturlegt líf og niðurdrepandi og hann
fer að velta fyrir sér hvað hann geti gert til að drukkna
ekki í einmanaleikanum.
Up in the Air var óumdeilanlega mynd kvöldsins því
auk þess að vera besta mynd ársins var Clooney tilkynnt
að hann hlyti verðlaun fyrir bestan leik í aðalkarl-
hlutverki. Mun reyndar deila þeim með Morgan Freeman
sem er sagður fara á kostum í Invictus, sem þjóð-
arleiðtoginn Nelson Mandela. Up In the Air krækti einnig í
verðlaun til handa Ann Kendric, fyrir bestu frammistöðu
leikkonu í aukahlutverki og þeir Reitman og Sheldon
Turner munu þiggja verðlaunin fyrir besta handritið
byggt á áður birtu efni – á afhendingarhátíð NBR í New
York þ. 12. jan., n.k.
NBR hefur dálæti á Clint Eastwood og heiðraði hann
eina ferðina enn sem leikstjóra ársins fyrir Invictus.
Margir eru þeirrar skoðunar að hinn roskni harðjaxl og
hæfileikamaður, sem kemst á níræðisaldur að ári, hafi
jafnvel aldrei gert betur á sínum ótrúlega glæsta ferli en
með þessu hádramatíska og pólitíska verki um samein-
inguna sem Mandela kom á í S.-Afríku árið 1995. Eastwo-
od var kjörinn besti leikarinn í fyrra fyrir Gran Torino og
myndirnar hans, Mystic River frá 2003 og Letters From
Iwo Jima (́06), voru báðar valdar bestu myndir ársins af
NBR.
Carey Mulligan var tilkynnt besta leikkona ársins fyrir
afburðaleik sem breskur táningur á 7. áratugnum, sem
verður ástfangin af sér eldri manni í An Education.
Woody Harrelson var útnefndur sigurvegari í flokki bestu
aukaleikara 2009 fyrir The Messenger og Coen-bræður,
Joel og Ethan, hrreppa verðlaun fyrir besta, frumsamda
handritið (A Serious Man) Karlleikarinn sem var kynntur
sem „uppgötvun ársins“, er enginn annar en Jeremy
Renner, sem er minnisstæður úr The Hurt Locker og
sömu verðlaun féllu hlut leikkonunnar Gabourey Sudibe
fyrir frammistöðu hennar í Precious.
Fyrr í vikunni vann The Hurt Locker The Gotham In-
dependent Award og Precious og The Last Station hreins-
uðu Spirit-verðlaunin, sem veitt eru fyrir óháða kvik-
myndagerð.
Af öðrum, væntanlegum sigurvegurum sem voru
kynntir af NBR, má nefna að The Prophet (England) er
besta, erlenda mynd ársins; The Cove besta heimild-
armyndin og Up besta teiknimyndin.
Tími tilnefninganna hefst síðan af fullum krafti núna
um helgima þegar American Film Institute, Los Angeles
Film Critics Assn., og New York Film Critics Circle, til-
kynna um sína sigurvegara auk þess sem greint verður frá
tilnefningum til Golden Globe verðlaunanna. Rúsínan í
pylsuendanum, Óskarsverðlaunatilnefningarnar, verða
kynntar um miðjan janúar.
Hvaða samtök eru NBR?
National Board of Review of Motion Pictures, eða NBR,
eins og þau eru yfirleitt kölluð, voru stofnuð í New York
upp úr aldamótunum 1900, og eru því aðeins örlítið yngri
en sjálf kvikmyndasagan. 1929 urðu þau fyrstu samtökin
til að velja 10 bestu myndir ársins frá enskumælandi
löndum og þá bestu, erlendu. Þessari hefð hefur NBR við-
haldið síðan, en samtökin samanstanda af 110 manna
kjarna sem fá senda kjörseðla og hafa kosningarétt. Þessi
hópur samanstendur af valinkunnum fræði-, áhuga-,
kvikmyndagerðar- og námsmönnum í New York. Síðan
er það hlutskipti þekktrar endurskoðunarskrifstofu að
fara yfir kjörseðlana og tilkynna um sigurvegarana.
Carey Mulligan var til-
kynnt besta leikkona árs-
ins fyrir afburðaleik sem
breskur táningur á 7. ára-
tugnum, í An Education.
Verð-
launaver-
tíðin
að hefjast
Í vikunni voru kynnt fyrstu
veigamiklu tilnefningar og
kvikmyndaverðlaun ársins og
þar með ábendingar um vænt-
anlega Óskars- og Golden Globe
verðlaunahafa.
Sæbjörn Valdimarsson
saebjorn@heimsnet.is
 Clint Eastwood var heiðraður
sem leikstjóra ársins fyrir Invictus
og eru margir þeirrar skoðunar að
hann hafi jafnvel aldrei gert betur.
 Karlleikarinn sem kynntur var
sem „uppgötvun ársins“, er Je-
remy Renner, sem er minn-
isstæður úr The Hurt Locker.
 Up in the Air, fjallar um nið-
urskurðarmanninn Ryan Bingham
sem fer á milli fyrirtækja með
skurðarhnífinn á lofti og saxar á
starfsmannafjöldann. Heldur nöt-
urlegt líf og niðurdrepandi og hann
fer að velta fyrir sér hvað hann
geti gert til að drukkna ekki í ein-
mannaleikanum.
Mississippi Burning er ein minnisstæðasta klassíkin í kvikmyndasögunni sem
tekur á kynþáttabaráttunni. Þegar þrír þeldökkir jafnréttisbaráttumenn hverfa
sporlaust í Mississippi árið 1964 eru tveir ólíkir alríkislögreglumenn sendir í
málið. Þungskýjaður þriller um miðaldamyrkur það sem ríkti í Suðurríkjunum á
sjöunda áratugnum (og er víst enn viðloðandi) og grípur Parker til allra ráða til
þess að ýta við samvisku áhorfandans. Fær eftirminnilega hjálp frá sam-
starfsmönnum sínum; tökumanninum Biziou (Óskarsverðlaun), stórleikaranum
Hackman og fram á sjónarsviðið stígur athyglisverð leikkona, Frances
McDormand, sem átti eftir að gera garðinn frægan. Lee Ermey, Willem Dafoe
og Brad Dourif eru einnig eftirminnilegir. Grimm, undanbragðalaus og áhrifarík
mynd sem á jafnan fullt erindi við áhorfendur. Leikstjóri: Alan Parker.
bbbbb
saebjorn@heimsnet.is
Átök í Mississippi
Kvikmyndaklassík Mississippi Burning (’88)
Hackman og Defoe í
hlutverkum sínum.
Sunnudagur 13.12. RUV kl. 21.05 For-
vitnileg mynd af bandarísk/mexíkóskum
toga sem hefur hesthúsað slatta af minni
háttar verðlaunum. Aðalpersónan fótbolta-
stjarna sem er að fara að skrifa undir stóra
samninginn þegar óvæntir atburðir setja
strik í reikninginn. Leikstjóri : Alejandro Go-
mez Monteverde. Aðalleikarar: Eduardo Ve-
rástegui, Tammy Blanchard, Manny Perez.
Krossgötur –
Bella (2006)
Laugardagur 12.12. RUV kl. 21.20 Sögur frá Narníu
– Ljónið, nornin og fataskápurinn Ævintýramynd fyrir
alla fjölskylduna, byggð á þekktri sögu eftir C.S. Lew-
is. Fjögur börn fara í gegnum fataskáp inn í æv-
intýraheiminn Narníu, en það er engin tilviljun því
þeirra bíður mikilvægt hlutskipti. Sveipuð æv-
intýraljóma, vel framleidd og gerð með Teldu Swinton,
Liam Neeson og Jim Broadbent. Leikstjóri: Andrew
Adamsin.  ½
Myndir vikunnar í sjónvarpi
The Chronicles Of Narnia:
The Lion, the Witch and
the Wardrobe (2005)
Kvikmyndir