Morgunblaðið - 14.12.2009, Page 6

6 FréttirINNLENT
MORGUNBLAÐIÐ MÁNUDAGUR 14. DESEMBER 2009
Nóatúni 4 · Sími 520 3000
www.sminor.is
Heimilistæki, stór og
smá, ljós og símar í
miklu úrvali.
Líttu inn og gerðu
góð kaup. Við tökum
vel á móti þér.
A
T
A
R
N
A
fyrir
Sjáið jólatilboðin á
www.sminor.is
„Vinnubrögðin
við fjárlagagerð-
ina eru nátt-
úrulega hand-
ónýt,“ segir Þór
Saari, þingmað-
ur Hreyfing-
arinnar í fjár-
laganefnd. Ekki
hafi verið farið
efnislega yfir
nærri því alla liði í fjárlaga-
frumvarpinu og málið unnið á
hundavaði.
Þór segir að við úthlutun fjár-
muna undir „safnalið“ fjárlaga gæti
þingmenn margir hverjir hags-
muna síns eigin kjördæmis frekar
en að láta fagleg sjónarmið ráða
för. Það sé hrein og klár spilling.
„Það á bara að banna þingmönnum
að úthluta lægri upphæðum en t.d.
50 milljónum. Þá eiga þær upp-
hæðir sem eru yfir 50 milljónum að
fara sameiginlega fyrir alla nefnd-
ina,“ segir hann.
Úthlutun fjár til smærri verkefna
á landsbyggðinni ætti að fara í
gegnum svæðisbundna sjóði, segir
Þór. Eins og málum sé háttað í dag
deili nefndarmenn meirihlutans í
fjárlagnefnd með sér fjárhæðum og
útdeili þeim eftir geðþótta, án þess
að eftirfylgni sé með því í hvað pen-
ingarnir eru látnir fara.
Kjördæmapot og
spilling við „hand-
ónýta“ fjárlagagerð
Þór Saari
„ÞAÐ er ekki
hægt að gagn-
rýna þessa máls-
meðferð miðað
við það hvernig
fjárlög hafa ver-
ið unnin und-
anfarin ár,“ seg-
ir Guðbjartur
Hannesson, for-
maður fjár-
laganefndar.
Hann bendir á að búið sé að halda
38 fundi um fjárlögin og að fleiri
hundruð manns hafi komið fyrir
fjárlaganefnd vegna þeirra.
„Það er líka óvenjulegt við
þessa fjárlagagerð að lagt var
upp með skýrslu sem lögð var
fram í þinginu í júní og fjallaði
um jöfnuð í ríkisfjármálum árin
2009 til 2013. Hún var rædd þá og
það hefur verið unnið á grund-
velli hennar. Óvenjulegt er að
þingið sé upplýst með þessum
hætti um fjárlagagerð. Þannig að
ef eitthvað er hefur verið mun
betur staðið að þessu en þau tvö
ár sem ég hef verið í fjárlaga-
nefnd,“ segir Guðbjartur.
Fjárlögin betur unn-
in en undanfarin ár,
segir formaðurinn
Guðbjartur
Hannesson
FRÉTTASKÝRING
Eftir Hlyn Orra Stefánsson
hlynurorri@mbl.is
TEKJUÁÆTLUN hins upp-
haflega frumvarps hljóðaði upp á
469 milljarða króna, en verður
tæpum 10 milljörðum lægri sam-
kvæmt breytingartillögunum sem
lagðar voru fram fyrir helgi. Þá
verða útgjöld tæpum 4,9 millj-
örðum meiri en framvarpið gerði
ráð fyrir.
Þetta þýðir að halli á ríkissjóði
mun nema rúmum 101,7 millj-
örðum króna, sem er um 14,4
milljarða aukning frá fjárlaga-
frumvarpinu.
Talsverðar breytingar eru lagð-
ar til á framlögum til atvinnuleys-
istryggingasjóðs. Þannig er t.d.
lagt til að fjárheimild vegna at-
vinnuleysisbóta lækki um 1,5 millj-
arða þar sem ný atvinnuleysisspá
gerir ráð fyrir 9,6% atvinnuleysi á
árinu sem er prósentustigi lægra
en gert var ráð fyrir í fjárlaga-
frumvarpinu.
Í samræmi við frumvarp um að
draga úr bótarétti námsmanna og
sjálfstætt starfandi einstaklinga er
lagt til að heimildir vegna bótanna
minnki um 820 milljónir króna.
Hins vegar er lögð til 690 milljóna
króna aukaheimild til að bregðast
við vanda langtímaatvinnulausra
og atvinnulausra ungmenna.
Lagt er til að fjárheimild vegna
barnabóta hækki um milljarð, enda
hefur verið horfið frá þeim skerð-
ingum sem kynntar höfðu verið.
Í tillögunum kemur fram að
vaxtakostnaður ríkissjóðs á næsta
ári verður 5,2 milljörðum minni en
gert var ráð fyrir í fjárlagafrum-
varpinu, m.a. sökum þess að end-
urfjármögnunarþörf bankanna er
minni en talið var og að ekki verð-
ur af láni frá Rússum.
Áfram greitt fyrir refaveiðar
Meðal annarra athyglisverðra
breytingatillagna meirihlutans er
að fallið verður frá áformum í fjár-
lögum um að hætta að endurgreiða
sveitarfélögum framlag til refa-
veiðimanna.
Lagt er til að niðurgreiðsla til
lýsingar í ylrækt aukist sem nem-
ur samtals 38,5 milljónum króna,
til að koma til móts við þá hækkun
sem hefur orðið á rafmagnskostn-
aði hjá garðyrkjubændum.
Þá er lagt til að ráðstöfunarfé
ráðherra verði lækkað um 21,2
milljónir króna í 49,4 milljónir, og
að framlag til þingflokka verði
skert um 6,5 milljónir eða um 10%.
Loks kemur fram að sameiningu
sýslumannsembætta hefur verið
frestað, enda hafi þótt nauðsynlegt
að undirbúa breytingarnar betur.
Ekki hafði verið gert ráð fyrir
sparnaði vegna sameiningarinnar í
fjárlagafrumvarpinu, en ljóst þykir
að hún muni hafa talsverða hag-
ræðingu í för með sér.
Morgunblaðið/Kristinn
Innan marka Meirihlutinn segir tillögur sínar vera innan marka samstarfsáætlunar með Alþjóðagjaldeyrissjóðnum, þrátt fyrir aukinn halla ríkissjóðs.
Leggja til meiri halla
 Halli ríkissjóðs verður rúmir 100 milljarðar samkvæmt tillögum meirihlutans
 Leggja til að framlag til þingflokka rýrni og ráðstöfunarfé ráðherra lækki
Tekjur ríkissjóðs verða minni og
útgjöld meiri en gert var ráð fyrir
í fjárlagafrumvarpi sem lagt var
fram í október, verði breyting-
artillögur meirihlutans í fjár-
laganefnd að veruleika.
Meirihlutinn í fjárlaganefnd leggur
til að framlög til dóms- og fangels-
ismála hækki. Lagt er til að fjárveit-
ing til héraðsdómstóla hækki tíma-
bundið um 86 milljónir króna til að
standa undir kostnaði vegna fjölg-
unar héraðsdómara og aðstoð-
armanna þeirra. Framlög til Hæsta-
réttar hækka samkvæmt tillögunum
um 16 milljónir króna, enda eru horf-
ur á að málum vegna hruns bank-
anna muni fjölga hjá réttinum.
Samtals er lagt til að framlög til
fangelsismála hækki um tæpar 140 milljónir. Rekstrarfjárveiting til Fang-
elsismálastofnunar hækki um 107,2 milljónir vegna leigu á gistiheimilinu
Bitru við Selfoss sem nýta á til að fjölga fangarýmum um 16 til bráða-
birgða. Þá er lagt til að framlag til að styrkja meðferðarúrræði og önnur fé-
lagsleg úrræði á Litla-Hrauni hækki um 30 milljónir.
Aukin útgjöld til dóms- og fangelsismála
Hraunið Fær aukna fjárveitingu.
14,4
milljarða króna aukning
frá fjárlagafrumvarpinu
verður á halla ríkissjóðs
95
milljóna framlag er
lagt til vegna verndar
fornminja á Alþingisreit
45
milljónir fari til Húsafrið-
unarnefndar vegna 35
húsa viðsvegar um landið
1000
milljóna króna aðgreiðsla
komi frá ÁTVR, sem er tvö-
földun frá frumvarpinu
75
milljónir verði veittar til
Þjóðskjalasafns vegna
skráningar á skjalasöfnum
Meirihlutinn í fjárlaganefnd Alþingis lagði fram tillögur um breytingar á fjárlagafrumvarpinu fyrir helgi
Morgunblaðið/Ómar
„Við munum í samvinnu við þær
stofnanir sem um ræðir fara ná-
kvæmlega yfir þetta; hvað það er
sem liggur að baki þessum kostn-
aðartölum og hvað megi gera til að
ná fram frekari hagræðingu,“ segir
Álfheiður Ingadóttir heilbrigð-
isráðherra um niðurstöður starfs-
hóps á vegum heilbrigðisráðuneyt-
isins sem sagt var frá í gær.
Starfshópurinn telur að hægt sé
að spara allt að 1.400 milljónir. Ann-
ars vegar með því að færa fæðingar
og skurðaðgerðir til Landspítala frá
sjúkrahúsum á Selfossi, Reykja-
nesbæ og Akranesi. Hins vegar með
því að sjúklingar liggi á spítölum ná-
lægt heimilum sínum frekar en á
Landspítala. Álfheiður tekur þó
fram að talan miðist við reksturinn
eins og hann var árið 2008, en síðan
hafi verið dregið úr kostnaði stofn-
ananna á Kraganum um hálfan millj-
arð. „Engu að síður er þetta mik-
ilvægt tæki sem hægt er að vinna
eftir,“ segir hún um skýrsluna.
Álfheiður ítrekar þó að ekki sé
nóg að horfa á ábendingar um mögu-
lega hagræðingu; einnig verði að
taka tillit til þæginda og velferðar
sjúklinga. Út frá þeim sjónarmiðum
mæli reyndar ýmislegt einnig með
því að sjúklingar liggi á sjúkra-
húsum sem næst heimili sínu, enda
auki það þægindi sjúklinga og að-
standenda. hlynurorri@mbl.is
Geta sparað með tilfærslu
sjúklinga og aðgerða
Morgunblaðið/Kristinn
Ný fædd Mikið má spara með því að
færa fæðingar á Landspítala.
Geta hagrætt um tæpar 1.400 milljónir