SunnudagsMogginn - 31.01.2010, Blaðsíða 4

4 31. janúar 2010
Áhugi fyrir iPad er mikil meðal blaðaútgefenda vestanhafs og víð-
ar, enda sjá þeir það fyrir sér að hér sé loks komið tæki sem hægt
verði að nota til að selja blöð og tímarit á rafrænu sniði. Margir
hafa líka gert því skóna að með tækinu muni Apple ná að leggja
undir sig bókamarkaðinn, enda sé enginn að ná teljandi árangri á
því sviði.
Þar hittir iPad fyrir á fleti Kindle-lesarann frá Amazon, en þetta
eru svo ólík tæki að erfitt er að bera þau saman. Kindle er þannig
gert að lítið annað er hægt að gera með það en lesa bækur, en á
móti kemur að skjárinn er „lesvænn“, er ekki með baklýsingu
eins og tölvuskjár og þreytir því ekki augun, aukinheldur sem raf-
magnseyðsla er svo lítil að hægt er að lesa dögum saman á einni
hleðslu. iPad er allt öðruvísi fyrirbæri, mun meiri tölva og með
fleiri möguleika. Hún hentar líka að mörgu leyti mjög vel til að
lesa dagblöð og tímarit, getur birt litmyndir og boðið upp á ýmsa
gagnvirkni. Ekki er þó gott að lesa langan texta á baklýstum skjá
og ekki er gott að spá um það hvort Apple eigi eftir að ná árangri í
bóksölu.
Er loks kominn bjargvættur
bóka, tímarita og dagblaða?
Amazon montar sig af
metsölu á Kindle, en heykist
á því að gefa sölutölurnar upp.
Í
ljósi þess hvaða sess Apple hefur í tölvu-
sögunni þá hljóta menn að sperra eyrun
þegar fréttist að fyrirtækið hyggist kynna
nýjan varning. Margt af því sem Apple
hefur sent frá sér á síðustu árum hefur nefni-
lega haft gríðarleg áhrif á aðra framleiðendur
og skemmst að minnast þess hvernig iPod-
spilastokkurinn hristi rækilega upp í tónlistar-
iðnaðinum á sínum tíma og gerbreytti honum í
raun. Það hefur og verið á allra vörum á síðustu
mánuði að eitthvað stórt væri í vændum á
kynningu sem fyrirhuguð var um miðjan jan-
úar og þó menn hafi rennt í grun hvað væri
framundan, tablet-tölva eða spjaldtölva, þá var
spenningurinn orðinn svo mikill síðustu vik-
urnar fyrir kynninguna að sumir hentu að því
gaman – sögðu að greinilega ætti að kynna
guðlega tölvu. Fyrirbærið nýja, spjaldtölvan
iPad, var svo kynnt með viðeigandi viðhöfn í
vikunni og vakti víðast mikla hrifningu.
Best er að lýsa iPad sem spjaldtölvu, enda er
hún eins og spjald með snertiskjá. Stærðin er
ekki nema 19 cm á breidd og 24,2 cm á hæð,
eða eins og samabrotinn sunnudagsmoggi.
Þykktin er svo ekki nema rúmur 1,1 sentímetri,
og tölvan er ekki nema um 680 grömm að
þyngd.
Það segir sitt um það hverjum tækið er ætlað
að Steve Jobs, forstjóri Apple, sat mak-
indalegur í sófa þegar hann kynnti iPad, enda
sér hver í hendi sér að hér er komið apparat
sem hentar að hafa í kjöltunni í sófanum og
vafra aðeins um netið yfir þráðlaust netsam-
band, skoða ljósmyndir, svara tölvupósti,
hlusta á músík eða horfa kannski á bíómynd.
Eitt af því sem Apple býr að og á væntanlega
eftir að nýtast vel í markaðssetningu á iPad er
að allir þeir sem nota iPhone-farsíma og iPod-
spilastokka kunna þegar á iPad – ein besta lýs-
ingin á fyrirbærinu er að það er eins og stærri
gerð af iPod Touch, enda staðsetja Apple menn
það mitt á milli fartölvu og farsíma.
Eins og búast mátti við þegar Apple-búnaður
er annars vegar hafa ýmsir gagnrýnt tölvuna
nýju. Menn kvarta einna helst yfir því að ekki
sé á henni myndavél (helst vildu þeir hafa hana
skjámegin svo hægt sé að nota hana í mynd-
símtöl), ekki sé hægt nota iPad sem síma þó á
henni sé hljóðnemi (nema netsíma), að aðeins
sé hægt að nota Safari-vafrann og í raun aðeins
hægt að keyra hugbúnað frá Apple eða í gegn-
um App Store (hugbúnaðarhluta Tunes), ekki
sé Flash-stuðningur í vafranum, sérstök milli-
stykki þurfi til að tengja hana við jaðartæki og
svo má telja. Eins hafa margir kvartað yfir því
að vilji menn sítengingu sé aðeins hægt að not-
ast við 3G-símanet AT&T í Bandaríkjunum, en
það fær ekki háa einkunn hjá notendum.
Apple er ekki fyrsta fyrirtækið sem kynnir
spjaldtölvu og ekki nema nokkur ár síðan fjöl-
margir framleiðendur kynntu slíkar tölvur án
þess þó að ná teljandi árangri; þær voru dýrar
og þungar og óhentugar í notkun. Þær vélar
voru allajafna smækkaða fartölvur með snert-
iskjá, þ.e. jafnöflugar og fartölvur og ætlaðar
sem staðgenglar þeirra. iPad er allt annars eðl-
is; þær fær enginn sér iPad til að leysa af borð-
eða fartölvuna, heldur spá Apple-menn því að
notendur muni bæta tölvunni við tækjaflóru
heimilisins, eða jafnvel kaupa slíka vél í stað
þess að bæta við borð- eða fartölvu þegar fólk
er að leita að leið til að komast á netið á einfald-
an hátt en ekki að vél sem getur spila hágra-
físka tölvuleiki eða keyrt þungan viðskipta-
hugbúnað.
Framtíðin í kjöltuna
Apple
kynnti nýja
spjaldtölvu
í vikunni
Vikuspegill
Árni Matthíasson arnim@mbl.is
Blaða- og tímaritaútgefendur
horfa vonaraugum til iPad.
iPad er á stærð við
samanbrotinn
sunnudagsmogga.
Ódýrasta gerð hennar,
með 16 GB minni,
kostar um 63.000 kr.
vestanhafs, sú dýrasta
ríflega 100.000 kr.
Vélin er væntanleg
á markað eftir um
tvo mánuði.
Heimsferðir bjóða frábært sértilboð í helgarferð til Búdapest 29. apríl.
Búdapest er ein fegursta borg Evrópu og á vorin skartar hún sínu fegursta
og þá er einstakur tími til að heimsækja borgina. Bjóðum örfá herbergi á
völdum gististöðum á frábærum sértilboðum. Fararstjórar Heimsferða
gjörþekkja borgina og kynna þér sögu hennar og heillandi menningu.
Skógarhlíð 18 • sími 595 1000 • www.heimsferdir.is
Birt með fyrirvara um prentvillur. Heimsferðir áskilja sér rétt til
leiðréttinga á slíku. Ath. að verð getur breyst án fyrirvara.
Ótrúleg sértilboð - helgarferð á einstökum tíma!
Búdapest
29. apríl
frá kr. 79.900 flug og gisting
Verð frá kr. 79.900 – helgarferð
Netverð á mann, m.v. 2 í herbergi í 4 nætur á Hotel Ibis Váci út *** með morgunmat.
Aukagjald fyrir einbýli kr. 14.800. Sértilboð 29. apríl. Fjölbreytt úrval gistimöguleika í boði á
sértilboði.