Morgunblaðið - 08.02.2010, Blaðsíða 2

2 FréttirINNLENT
MORGUNBLAÐIÐ MÁNUDAGUR 8. FEBRÚAR 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Andra Karl
andri@mbl.is
MILDI þykir að ekki fór verr þegar
vatn flæddi inn í geymslu Nátt-
úrufræðistofnunar Íslands í Súð-
arvogi aðfaranótt sunnudags. Þakka
má það starfsmanni stofnunarinnar
sem ákvað að mæta til vinnu eld-
snemma á sunnudagsmorgni, því
hann uppgötvaði lekann og bjargaði
munum. Töluverður fjöldi gróð-
urkorta skemmdist en þau má bæta.
Talið er víst að mannlegum mistökum
sé um að kenna, en tildrögin eru í
rannsókn.
„Aðeins var um heppni að ræða,
einum starfsmanni okkar þykir svona
gaman í vinnunni að hann mætti
klukkan sjö í [gærmorgun] og upp-
götvaði þetta,“ segir Jón Gunnar Ott-
ósson, forstjóri Náttúrufræðistofn-
unar. „Ef svo hefði ekki verið hefði
flóðið sennilega haldið áfram allan
daginn.“
Lak niður með ljósum
Rafmagn var farið af húsinu þegar
starfsmaðurinn, Þorvaldur Björns-
son, kom til vinnu, en hann yfirgaf
vinnustaðinn síðdegis á laugardag.
Hann óð vatn tæplega í ökkla í niða-
myrkri og kallaði þegar til slökkvilið.
„Vatnið lak niður með ljósum og
vatnslögnum og á gólfinu var dýpið
um tveir og hálfur sentimetri,“ segir
Þorvaldur. Vatnið kom af hæðinni
fyrir ofan sem tilheyrir ekki stofn-
uninni. Talið er að runnið hafi úr
krana sem gleymdist að skrúfa fyrir.
Þorvaldur segir að það eigi eftir að
koma endanlega í ljós hversu miklar
skemmdir urðu en ljóst sé að töluvert
af kortum af gróðurkortalager stofn-
unarinnar sé ónýtt. „Það eru töluverð
verðmæti en sem betur fer bætanleg,
þar sem negatífurnar eru til.“
Jafnframt voru kassar fullir af alls
kyns sýnum í hillum geymslunnar.
„Þeir voru orðnir rennandi blautir og
farnir að síga. Hefði maður ekki kom-
ið þetta snemma er ljóst að allmargar
glerkrukkur hefðu hafnað í gólfinu,“
segir Þorvaldur og bætir við að þær
hafi m.a. innihaldið óbætanleg sýni.
Nýtt húsnæði í haust
Húsnæðismál Náttúrufræðistofn-
unar og varðveisla náttúrugripa-
safnsins hafa lengi verið til umræðu.
Safnið og stofnunin hafa verið í
bráðabirgðahúsnæði í um 40 ár og
með reglulegu millibili er því lofað að
ný húsakynni verði reist. Einnig hef-
ur vel á annan tug nefnda fjallað um
málið. Nú loksins hillir undir, og þyk-
ir víst, að hálfrar aldar bið eftir var-
anlegum heimkynnum ljúki í haust.
Morgunblaðið/Kristinn
Geymslan Þorvaldur Björnsson, starfsmaður Náttúrufræðistofnunar Íslands, hengir upp kort sem skemmdust vegna vatnslekans í geymsluhúsnæðinu.
Lá við stórtjóni vegna leka
 Grunur leikur á að gleymst hafi að skrúfa fyrir krana á hæðinni fyrir ofan geymslu Náttúrufræði-
stofnunar Íslands  Fimmta tjónið hjá stofnuninni á fimm árum  Flytur í nýtt húsnæði í haust
Eftir Silju Björk Huldudóttur
silja@mbl.is
„ÞAÐ var ekki verið að veita vísvit-
andi rangar upplýsingar. Starfsmenn
FME veittu þær upplýsingar um
fjárhag Landsbankans sem menn
töldu réttar á hverjum tíma og
byggðu það á gögnum frá bankanum
og uppgjörum hans,“ segir Jónas Fr.
Jónsson, fyrrverandi forstjóri Fjár-
málaeftirlitsins (FME), vegna ásak-
ana bankastjóra hollenska seðla-
bankans og fyrrverandi yfirmanns
hollenska bankaeftirlitsins þess efnis
að FME hafi veitt rangar upplýsing-
ar um stöðu íslensku bankanna rétt
fyrir hrun.
Minnir hann á að fleiri aðilar hafi
treyst gögnum frá Landsbankanum,
s.s. Seðlabanki Íslands vegna mats á
lausafjárstöðu og matsfyrirtækin
varðandi lánshæfismat sem hafi verið
gott fram að hruni. Jónas bendir á að
menn hafi litið svo á að full ástæða
væri til þess að treysta gögnum
bankanna, en taka þau út reglulega.
„Það var eitt af því sem skorti, því
eftirlitið var nátt-
úrlega mjög lítið
miðað við stærð
bankakerfisins,“
segir Jónas.
Bendir hann á að
slíkar úttektir
geti auk þess
seint orðið raun-
tímaeftirlit með
tölum og gögnum.
„Svo má ekki gleymast að allar for-
sendur breyttust í fjármálakerfi
heimsins um mánaðamótin septem-
ber/október. Auðvitað hefur komið í
ljós að innviðir íslensku bankanna og
margra erlendra reyndust miklu
veikari en menn héldu, því miður.“
Telur rétt að bíða skýrslu rann-
sóknarnefndar Alþingis
Spurður hvort fulltrúar íslenskra
stjórnvalda hafi óskað eftir því við
hann að hann fari utan og sitji fyrir
svörum hjá hollensku þingmanna-
nefndinni svarar Jónas því neitandi.
Spurður hvort slíkt kæmi til greina
segir Jónas að sér þyki eðlilegra að
bíða eftir skýrslu rannsóknarnefndar
Alþingis. „Enda hefur nefndin öll
gögn vegna Icesave í Hollandi og
Bretlandi á sínu borði og mun vænt-
anlega fjalla um það í skýrslu sinni. Ég
geri ráð fyrir því að hollenska þing-
mannanefndin geti aflað sér upplýs-
inga úr væntanlegri skýrslu.“
Fram hefur komið að Jónas og
fleiri starfsmenn FME hafi hitt Hol-
lendinga að máli í Amsterdam haust-
ið 2008. Spurður um tilefni og um-
ræðuefni þess fundar segir Jónas að
menn hafi rætt áhyggjur varðandi
efnahagslífið á Íslandi, starfsemi
Landsbankans og hættu á áhlaupi á
Icesave-reikningana í Hollandi og
hvað hægt væri að gera til að draga
úr því. „Eitt af því sem hafði verið
rætt og rætt var á þessum fundi var
að Landsbankinn setti upp varasjóð í
Hollandi sem hefði orðið hátt í 600
milljónir evra,“ segir Jónas og tekur
fram að tillagan hafi hins vegar aldrei
verið afgreidd af hálfu Hollendinga.
Ekki náðist í Björgvin G. Sigurðs-
son, þáverandi viðskiptaráðherra, við
vinnslu fréttarinnar.
Treystu gögnum
frá Landsbankanum
 Menn veittu ekki vísvitandi rangar upplýsingar
Jónas Fr. Jónsson
FÓLKI í Hnífsdal varð bilt við á tí-
unda tímanum í fyrrakvöld þegar
þar glumdu við sprengingar. „Þetta
voru djöfulsins læti,“ segir Finn-
bogi Hermannsson fréttamaður
sem óttaðist kjarnorkuspreng-
ingar, svo öflugir voru hvellirnir.
Lögregla kannaði málið og kom í
ljós að starfsmenn við gerð Bolung-
arvíkurganga höfðu verið að
sprengja utarlega í göngunum,
Hnífsdalsmegin. Sprengingum er
annars að mestu lokið en þær voru
stundum svo harðar að glamraði í
postulíni á hillum.
Postulíns-
hundar glömr-
uðu í Hnífsdal
Vatnslekinn í geymsluhúsi Nátt-
úrufræðistofnunar Íslands aðfara-
nótt sunnudags er langt frá því
fyrsta tjónið sem stofnunin verður
fyrir og hvergi nærri það mesta.
Fyrir utan vatnsleka í fyrra
geymsluhúsnæði stofnunarinnar
var árið 2006 sérlega slæmt. Í nóv-
ember það ár fóru ómetanleg og
óbætanleg náttúruverðmæti for-
görðum þegar eigendur frystiklefa,
sem stofnunin var með á leigu,
ákváðu að farga öllu innihaldi klef-
ans að stofnuninni óspurðri.
Var innihaldinu fargað sökum
þess að rafmagn fór af frystiklef-
anum sl. vor með þeim afleiðingum
að kjöt sem þar var geymt úldnaði.
Um miðjan desember sama ár
lak svo á þriðja hundrað lítra af
heitu vatni um sýningarsali Nátt-
úrugripasafnsins á fjórðu hæð
Hlemms 3 sem jafnframt hýsir
Náttúrufræðistofnun. Þá sprakk
hitalögn og vatn lak á milli hæða.
Var um að ræða annan heitavatns-
lekann í húsinu á þremur vikum. Í
báðum tilvikum urðu menn fljót-
lega varir við lekann og skemmdir
urðu tiltölulega litlar.
Hvert tjónið á fætur öðru undanfarin fimm ár
Morgunblaðið/ÞÖK
Þrif Heitt vatn flæddi um sýning-
arsali í desember árið 2006.
VOPNAÐ rán var framið í
Sunnubúðinni í Hlíðahverfinu
laust fyrir klukkan sjö í gær-
kvöldi. Samkvæmt upplýs-
ingum frá lögreglu höfuð-
borgarsvæðisins kom maður
inn í verslunina vopnaður
hnífi og ógnaði starfsmanni,
sem var einn í versluninni.
Ræninginn fékk afhenta
fjármuni úr sjóðvél verslunar-
innar og hafði á brott með
sér. Eftirlitsmyndavélar eru í versluninni og náðust myndir af manninum.
Þegar Morgunblaðið fór í prentun stóð leit enn yfir og vonaðist lögreglan
til að unnt yrði að klófesta hann fljótlega. andri@mbl.is
Framdi rán með hníf að vopni
Búðin Sunnubúð í Hlíðahverfi í Reykjavík.
ENGIR formlegir fundir fóru fram
vegna Icesave-málsins í gær, en
fulltrúar stjórnar og stjórnarand-
stöðu voru í tölvupóstsambandi.
Seint í gærkvöldi var reiknað með
því að boðað yrði til fundar í dag og
sagðist Sigmundur Davíð Gunn-
laugsson, formaður Framsókn-
arflokks, jafnvel vænta þess að á
þeim fundi myndi endanlega skýr-
ast hvaða erlendu sérfræðingar
gætu komið að borðinu fyrir Ís-
lands hönd fallist Bretar og Hol-
lendingar á að taka viðræður upp
að nýju. silja@mbl.is
Val manna í Ice-
save-mál gæti
skýrst í dag