Morgunblaðið - 12.02.2010, Side 8

FÉLAGS- og tryggingamálaráðuneytið
hefur leitað samstarfs við Velferðarsvið
Reykjavíkurborgar um móttöku flótta-
fólks frá Haítí í kjölfar jarðskjálftans
hinn 12. janúar sl., og hefur velferð-
arráð samþykkt einhljóma ósk ráðu-
neytisins. Gert er ráð fyrir að um tíu til
tuttugu manns frá Haítí komi á næstu
vikum og mánuðum til Íslands á grund-
velli fjölskyldusameiningar. Stjórn
verkefnisins verður í höndum verkefn-
isstjóra hjá Velferðarsviði Reykjavík-
urborgar og starfar hann á Þjónustu-
miðstöð miðborgar og Hlíða en þar er
þekkingarmiðstöð borgarinnar í mót-
töku innflytjenda og flóttafólks.
Flóttafólk frá Haítí
Á fullu Hrönn hljóp 10 km í Reykjavíkurmaraþoni eins og hún ætlaði sér.
Eftir Rúnar Pálmason
runarp@mbl.is
SAMTÖKIN Bætum brjóst og Ein-
stök brjóst afhentu nýlega Land-
spítalanum 14 milljóna króna rönt-
gentæki sem samtökin söfnuðu fyr-
ir á rúmlega einu ári. Svo vel gekk
söfnunin að þrjár milljónir gengu
af og var þeim ráðstafað í minning-
arsjóð Margrétar Oddsdóttur lækn-
is, sem lést úr brjóstakrabbameini
fyrir rúmlega ári.
Ein af forvígismönnum Bætum
brjóst er Hrönn Guðmundsdóttir.
Hún greindist með brjósta-
krabbamein í október 2008, þá 43
ára og gekkst undir tvær skurð-
aðgerðir og erfiða lyfjameðferð en
er búin að ná góðri heilsu aftur.
Á sínum yngri árum var Hrönn
frjálsíþróttakona og hefur ávallt
stundað hlaup af miklum móð. Þeg-
ar hún greindist setti hún sér það
markmið að hlaupa 10 km í
Reykjavíkurmaraþoninu í ágúst
2009. „Það hjálpaði mér að hafa
eitthvert takmark, eitthvað að
stefna að,“ segir Hrönn. Það hafi
sömuleiðis hjálpað henni mikið að
vera í góðu líkamlegu formi þegar
hún þurfti að takast á við veik-
indin.
Sameinuðust í söfnuninni
Eftir greininguna komst hún í
samband við konur sem höfðu
áhuga á að safna fyrir tækjabúnaði
vegna brjóstaaðgerða og saman
stofnuðu þær félagið Bætum brjóst.
Þær fengu framlög frá ýmsum fé-
lagasamtökum og einstaklingum,
m.a. hlupu 89 manns til styrktar fé-
laginu í Reykjavíkurmaraþoninu.
Þær hófu síðan samstarf við félagið
Ein-stök brjóst og saman tókst
þeim að safna 17 milljónum. Það
sem gerði útslagið var rausnarleg
gjöf frá félagasamtökum sem vilja
ekki að nafn þeirra komi fram.
Hrönn segir að söfnunin hafi
gengið ótrúlega vel og þakkar öll-
um þeim sem studdu félögin.
Söfnuðu 17 milljónum sem dugðu
fyrir röntgentæki og meira til
Auðveldar skurð-
aðgerðir vegna
brjóstakrabba-
meins og gerir
þær öruggari
Munur Fulltrúar samtakanna afhenda tækið við formlega athöfn á Landspítalanum í janúar. Hrönn er þriðja f.v.
8 FréttirINNLENT
MORGUNBLAÐIÐ FÖSTUDAGUR 12. FEBRÚAR 2010
Í DAG, föstudag, kl. 13-
17 stendur lagadeild Há-
skólans í Reykjavík fyrir
málþingi um unga kyn-
ferðisbrotamenn, í stofu
231a í Háskólanum í
Reykjavík, Ofanleiti 2.
Málþingið er haldið í
samstarfi við Blátt
áfram – forvarnarverk-
efni gegn kynferðisof-
beldi gegn börnum.
Helgi Gunnlaugsson af-
brotafræðingur er með-
al frummælenda.
Ungir kyn-
ferðisbrota-
menn
UM HELGINA verður skíðanámskeið
fyrir hreyfihamlaða haldið í Hlíðarfjalli.
Að námskeiðinu standa Íþróttasamband
fatlaðra, Vetraríþróttamiðstöðvar Ís-
lands og NSCD (National Sport Center
for disabled) í Winter Park Colorado.
Leiðbeinendur eru Beth Fox, for-
stöðumaður NSCD Winter Park, og
John Florkiewicz, forstöðumaður
heilsuræktarstöðvar NSCD.
Megináherslan á þessu námskeiði er
meðferð og notkun skíðasleða og „món-
óski“ fyrir hreyfihamlaða. Þátttak-
endur eru m.a. ungt fólk sem hefur ver-
ið í endurhæfingu á Grensásdeild eftir
slys.
Skíðanámskeið
TÆPLEGA 60
grunnskólanem-
endur á aldrinum
13-16 ára eru nú
skráðir í atvinnu-
tengt nám hjá
Vinnuskóla Reykja-
víkur. Þau eiga það
sameiginlegt að hafa ekki fundið sig í
skólakerfinu og hafa átt við námserf-
iðleika, hegðunarvandamál eða skóla-
leiða að stríða. Nemendurnir eru við
vinnu með skóla bæði í fyrirtækjum og
einnig í heimaskólum. Nemendurnir
starfa m.a. við að aðstoða í leikskólum,
bakaríum, veitingastöðum, verslunum,
bensínstöðvum, bílaverkstæðum eða
við ýmiskonar lagerstörf.
Vinnuátak gegn
skólaleiða
LÚTERSKA kirkjan
í Amsterdam hefur
sent þjóðkirkjunni
5.000 evrur sem
Hjálparstarf kirkj-
unnar mun sjá um
að koma til fólks er
þarf á aðstoð að
halda hérlendis. Í
tilkynningu frá
kirkjunni tala for-
svarsmenn gjaf-
arinnar um þetta
sem táknræna upphæð sem fylgi orðum
þeirra um samstöðu með þjóðkirkjunni og
íslenskri þjóð í þeim efnahagsþrengingum
sem hún glímir við.
Peningar frá Amst-
erdam til Íslands
Röntgentækið sem um ræðir er
notað til þegar framkvæmdur er
fleygskurður á brjóstum í stað
þess að nema brjóstin burt. Slík
tæki hafa hingað til aðeins verið
til hjá Krabbameinsfélagi Ís-
lands og því þurfti að senda
sýni þangað frá Landspít-
alanum með leigubíl. Skurð-
læknir fékk síðan upplýsingar
um niðurstöðurnar símleiðis.
Þetta jók hættu á mistökum.
Notað við fleygskurð
Hrönn náði markmiði sínu og
hljóp 10 km í Reykjavík-
urmaraþoni í ágúst 2009 á tím-
anum 43:23. Þá voru um tíu
mánuðir frá því hún greindist
með brjóstakrabbamein. Í
Gamlárshlaupi ÍR 2009 bætti
hún um betur og hljóp 10 km á
41:06 sem er persónulegt met.
Bætti persónulegt met
STUTT
KURR er meðal ýmissa forsvars-
manna íslenskra fyrirtækja sem
smíða innréttingar vegna þess að
Ríkiskaup ákváðu að útboðsgögn
vegna kaupa á nýjum innréttingum
á rannsóknarstofu í Háskóla Íslands
skyldu vera á ensku en ekki ís-
lensku. Útboðið er auglýst á Evr-
ópska efnahagssvæðinu en í um 90%
tilfella eru útboðsgögn sem fylgja
slíkum auglýsingum á íslensku þótt
auglýsingarnar séu á ensku.
Hjá Samtökum iðnaðarins feng-
ust þær upplýsingar að forsvars-
menn nokkurra fyrirtækja hefðu
haft samband vegna þessa og að út-
skýringa yrði leitað hjá Ríkis-
kaupum.
Um er að ræða útboð á innrétt-
ingum í rannsóknarstofu verkfræði-
og náttúruvísindadeildar HÍ.
Júlíus S. Ólafsson, forstjóri Ríkis-
kaupa, sagði að í þessu tilfelli hefði
verið ákveðið að útboðsgögnin yrðu
á ensku þar sem búist var við fleiri
tilboðum að utan. Þetta væru mjög
sérhæfðar innréttingar. „Um 90% af
okkar gögnum eða meira er á ís-
lensku,“ sagði hann. Verkið væri út-
boðsskylt á EES og Ríkiskaup fögn-
uðu góðum tilboðum, sama hvaðan
þau kæmu. „Við erum okkur mjög
meðvitandi um stöðu íslensks iðn-
aðar í dag og höfum ekki unnið
gegn þeim hagsmunum. En menn
verða einnig að hafa í huga hags-
muni kaupandans, ef svo ber undir.“
Ljósmynd/HÍ
Rannsaka Á stofunni fara fram
rannsóknir og kennsla.
Óánægja
út af ensku
í útboði
Langoftast á íslensku
TILFINNANLEG vöntun er á
markvissri stefnumörkun í nýsköpun
á Íslandi. Þetta segir Kolbeinn
Björnsson, stundakennari við jap-
önskudeild Háskóla Íslands og fyrrv.
framkvæmda-
stjóri Össurar á
Asíumörkuðum.
Kolbeinn stýrir
málþingi sem
haldið verður í
H.Í. á morgun í
samvinnu við jap-
anska sendiráðið
um nýsköpun á
Íslandi og í Japan.
„Eftir stríðið lá
Japan í rúst og
þeir þurftu að vinna sig upp úr þeirri
stöðu að það var ekkert til í landinu,
ekkert fjármagn, bara mannauður-
inn,“ segir hann. „Að vissu leyti má
líkja þessu við stöðuna hér á landi,
endurreisa þarf íslenskt hagkerfi líkt
og Japanir gerðu. Þeir ákváðu að
beita ríkinu á ákveðinn hátt til að
safna saman því fjármagni sem til var
og veita því inn í lífvænlegan iðnað.
Japanska iðnaðarráðuneytið er mjög
duglegt að styðja við nýjan iðnað.“
Aðalfyrirlesari á málþinginu verð-
ur doktor Seiichiro Yonekura, pró-
fessor við Hitotsubashi háskóla í
Tókýó. Hann hefur verið leiðandi í
rannsóknum á þekkingarsköpun í
Japan og hefur verið virkur ráðgjafi
um nýsköpun fyrir fjölmörg japönsk
stórfyrirtæki, s.s. Sony. Hann mun
tala um reynslu sína af nýsköpun í
Japan, en Kolbeinn segir Íslendinga
geta lært margt af þeim.
Markmiðin óljós
„Meginmunurinn á okkur og Jap-
önum er að þeir skipuleggja framtíð-
ina og framfylgja þeirri stefnu. Hér
vantar að samhæfa stofnanir og
markmið. Í Japan er mjög markviss
iðnaðaruppbygging en hérna eru
markmiðin óljós. Það er enginn að
hámarka nýsköpun fyrir Ísland í
heild sinni, en hér felast ótal tækifæri
í nýsköpun sem við gætum nýtt okk-
ur en erum ekki að gera af því að við
erum svo illa skipulögð.“
Kolbeinn nefnir áliðnaðinn sem
dæmi, Ísland sé meðal stærstu ál-
framleiðenda í heimi en aðeins sem
ódýr staðsetning fyrir álbræðslu.
„Fyrst þessi stóra fjárfesting er kom-
in til landsins, af hverju erum við ekki
að hámarka hagnaðinn, afhverju
verðum við þá ekki best í heiminum í
áliðnaði?
Málstofan er haldin á hátíðarsal
HÍ frá 12-13:30. una@mbl.is
Getum ýmislegt
lært af Japönum
Málþing um nýsköpun í Háskóla Íslands
Kolbeinn
Björnsson