Morgunblaðið - 01.06.2010, Blaðsíða 32

32 MenningFÓLK
MORGUNBLAÐIÐ ÞRIÐJUDAGUR 1. JÚNÍ 2010
 Þann 22. júní nk. verður sýnt
beint frá tónleikum metalsveit-
anna Metallicu, Slayer, Amthrax
og MegaDeath í Sambíóunum.
Tónleikarnir fara fram í Búlgaríu
en miðasala á sýninguna hófst í
gær. Hér er um stórviðburð að
ræða fyrir flösuþeytara allra
landa og forvitnilegt að sjá hvort
flösunni verður þeytt í bíósal.
Tónleikunum verður varpað
um gervihnött en þeir eru haldn-
ir í höfuðborg Búlgaríu, Sofiu.
Tónleikarnir verða sýndir í
beinni útsendingu í yfir 450
bandarískum kvikmyndahúsum,
svo dæmi sé nefnt. Sveitirnar
fjórar hafa aldrei komið saman á
tónleikum áður.
Tónleikar fjögurra risa í
beinni í Sambíóunum
 Listahátíð í Reykjavík lýkur á
laugardaginn með Óperuveislu
Kristins Sigmundssonar, Sinfón-
íuhljómsveitar Íslands og Óp-
erukórs Reykjavíkur. Fram að því
verður nóg um að vera og ljós-
myndasýningar víða um höf-
uðborgarsvæðið munu standa
lengur og sumar hverjar til vet-
urs. Í dag lýkur sýningu á verkum
Davids Byrne, Moral Dilemmas, í
upplýsingaskiltum víða um borg-
ina. Tónleikar Benna Hemm
Hemm, Alasdairs Roberts og Blás-
arasveitar Reykjavíkur verða
haldnir 3. júní og Njúton og
bandaríski strengjakvartettinn
The Formalist Quartet frumflytja
á Íslandi Vortex Temporum eftir
tónskáldið Gérard Grisey 4. júní.
Upplýsingar um hátíðina má finna
á listahatid.is.
Síðasta vika Listahá-
tíðar í Reykjavík
Helgi Snær Sigurðsson
helgisnaer@mbl.is
Alla, fullu nafni Aðalheiður Borg-
þórsdóttir, kynnir sig sem „mömmu
LungA“, þegar blaðamaður slær á
þráðinn til hennar. Alla er stjórn-
andi þessarar listahátíðar unga
fólksins á Austurlandi sem haldin er
um miðjan júlí ár hvert á Seyðisfirði.
Fyrsta hátíðin var haldin fyrir tíu
árum og verður haldið upp á afmælið
á hátíðinni í ár en hún fer fram 12.-
18. júlí.
-Hefur orðið mikil breyting á há-
tíðinni frá því sú fyrsta var haldin?
„Já, það hefur ýmislegt breyst
náttúrlega. Bæði hvað margir taka
þátt í listasmiðjunum og mikill fjöldi
kemur á listahátíðina. Hún hefur öll
bólgnað út, á alla kanta, það eru
miklu fleiri viðburðir, tónleikarnir
orðnir mjög stórir. Þannig að það
má segja að hún hafi bara bólgnað
út,“ segir Alla.
Tónhryðjuverksmiðja
-Er dagskráin fullmótuð?
„Hún er svona að mótast, já, er
nokkuð langt komin,“ segir Alla.
Boðið verði upp á listasmiðjur í leik-
list, tónlist, dansi og myndlist. Sem
dæmi nefnir hún hlæjandi að boðið
verði upp á „tónhryðjuverksmiðju“.
Umsjónarmenn hennar eru Davíð
Þór Jónsson og Helgi Svavarsson.
Þekktir listamenn stýra smiðjunum,
m.a. Ilmur Kristjánsdóttir leiklist-
arsmiðju og Halldór Bragason, Dóri
Braga, blússmiðju. Þátttakendur í
listasmiðjunum þurfa að vera orðnir
16 ára og ekki eldri en 25 ára. Engin
önnur skilyrði eru sett fyrir þátttöku
í smiðjunum, engar kröfur gerðar til
listkunnáttu. „Aðalmarkmiðið er að
efla áhuga á menningu og listum,
það hefur alltaf verið aðalmarkmiðið
með þessari hátíð,“ segir Alla.
-Hafa einhverjir hópar úr þessum
listasmiðjum haldið áfram listrænu
starfi, svo þú vitir til?
„Við þekkjum mýmörg dæmi um
það að krakkar hafa ákveðið að fara í
einhverja listgrein í kjölfarið. Mér er
minnisstætt t.d. að sirkuslistafólk
var hérna með smiðjur í mörg ár og
það fór einmitt ein stúlka, Birta
Benónýsdóttir, í sirkuslistaskóla í
beinu framhaldi af því að vera hér.
Og auðvitað veit ég um mörg fleiri
dæmi.“
-Það grípur þig kannski móðurleg
tilfinning þegar þú verður vitni að
slíku? Nú veit ég ekki hvað þú ert
gömul eða hvort þú ert móðir …
„Jú, jú, ég er móðir,“ segir Alla og
hlær. Hugmyndin að hátíðinni teng-
ist líka móðurhlutverkinu, dóttur
hennar hafi ekki þótt mikið um að
vera á Seyðisfirði þegar hún var á
táningsaldri, fyrir um tíu árum. „Það
er oft erfitt að vera unglingur og
finnast ekki nóg að gert,“ bendir
Alla á og blaðamaður getur tekið
undir það. „Við erum mjög stolt af
þessari hátíð því hún hefur vissulega
haft áhrif á krakkana sem hafa tekið
þátt. Þau koma hingað og eru saman
í viku og kynnast krökkum frá ýms-
um löndum.“ Spurð út í fjölda gesta
á hátíðinni segist Alla halda að um 3-
4000 manns sæki hana þá viku sem
hún stendur yfir í júlí, en það er
býsna mikið í ljósi þess að bæjar-
búar eru aðeins um 700. Í tilefni af
afmælinu verður fatahönnunarsýn-
ing hátíðarinnar afar glæsileg, tíu
hönnuðir munu sýna hönnun sína 15.
júlí og tveir fá þeirra fá viðurkenn-
ingu frá Hönnunarsjóði Auroru.
Hjaltalín meðal hljómsveita
Og ekki má gleyma tónleikahaldi.
Á föstudeginum verða það listamenn
á vegum Kimi Records sem halda
tónleika: Kimono, Sudden Weather
Change, Stafrænn Hákon og Quad-
ruplos. Á laugardeginum hefjast
tónleikar kl. 16 en á þeim koma fram
Óli Ofur, dj flugvél og geimskip,
Oculus, Muted og Cassette á litla
sviðinu svokallaða en kl. 20 hefjast
stóru tónleikarnir, með Helmus und
Dalli, Miri, Seabear, Hjaltalín og
Bloodgroup. Uppskeruhátíð lista-
smiðjanna verður haldin á laugar-
deginum og það verður því mikið líf
og fjör í bænum.
Afrakstur hins skapandi starfs Ungt fólk á uppskeruhátíð LungA árið 2007 sýnir gestum afrakstur starfs í ónefndri listasmiðju.
LungA bólgnar út
 Listahátíð unga fólksins á Austurlandi fagnar tíu ára afmæli í júlí  Ungt fólk
nemur af þekktum listamönnum í listasmiðjum og sýnir afraksturinn
Það er nóg að gera hjá hljómsveitinni Limited Copy um þessar
mundir. Sveitin spilar electro-hiphop-dubstep-tónlist af evr-
ópskum meiði og telur þá Þorbjörn Einar Guðmundsson, Elías
Mar og Garðar Eyfjörð, en þeir vinna undir listamannsnöfn-
unum Basic B, El Forte og Kilo. Þann 1. apríl síðastliðinn kom
út á vegum kappanna smáskífan „Posted Up“ á vefnum gogo-
yoko og að sögn Þorbjarnar hefur hún vakið nokkra at-
hygli.
„Hún hefur gengið mjög vel. Við vorum til dæmis á topp-
lista á beatport.com,“ segir Basic B, en Beatport er ein
stærsta vefverslunin sem sérhæfir sig í electro-tónlist. Á skíf-
unni er að finna fjölda remixa eftir erlenda tónlistarmenn sem
flestir eiga rætur sínar að rekja til Ungverjalands, Ítalíu og
Portúgal, en það var listamaður frá Kólumbíu, José Dom-
ingo Betancur Gómez, sem hannaði plötuumslagið. Þor-
björn segir þá félagana hafi kynnst samverkamönnum
sínum hér og þar í gegnum árin, en einhverjir þeirra eru
á samningi hjá sama dreifingarfyrirtæki og Limited Copy, sem
staðsett er í Flórída.
Meðal þeirra verkefna sem sveitin vinnur að þessa dagana er
plata með Haffa Haff, en Þorbjörn hannar umslagið ásamt því að
hafa unnið nokkur lög með Haffa. Hann remixaði einnig lagið
„Viltu dick?“ með Sykri og Blaz Roca, sem hljómar nú á
skemmtistöðum borgarinnar og er væntanlegt í verslanir. Og
samstarf við hljómsveitina Diktu er í vinnslu, en til stendur
að remixa fyrir þá lagið „Thank You“.
„Svo erum við að vinna breiðskífu núna sem við stefnum á
að gefa út í sumar eða haust. Og jafnvel bíður okkar tónleika-
ferð erlendis,“ segir Þorbjörn. Mjög spennandi verkefni gæti
einnig leynst handan við hornið en hann segir hugsanlegt að
lag sé væntanlegt með Limited Copy og Wizard Sleeve, sem
gerðu garðinn frægan með laginu „Riverside“ með Sidney
Samson.
holmfridur@mbl.is
Fólk
 Út er komin ný plata með gleði-
sveitinni Ljótu hálfvitunum. Plat-
an heitir ekki neitt, líkt og tvær
fyrri plötur hljómsveitarinnar og
mun einnig vera mjög svipuð hinum
í útliti. Plötuna nýju prýðir nektar-
mynd (eða nektarteikning) af hálf-
vitunum. Eitt lag af plötunni er
komið í spilun á útvarpsstöðvum og
heitir það „Gott kvöld“. Í því er
sungið um samkvæmi sem fer úr
böndunum. Ljótu hálfvitarnir eru
níu en á plötunni er að auki þriggja
manna brasssveit, gestatrommarar
og söngkona að norðan, Halla Mar-
ín Hafþórsdóttir. Þá kemur KK
einnig við sögu í tveimur lögum.
Plötunni verður fylgt eftir með
tónleikahaldi. Fyrstu útgáfu-
tónleikarnir verða haldnir í Ís-
lensku óperunni 5. júní.
Nafnlaus plata með
nöktum hálfvitum
Forsaga hátíðarinnar er sú, skv.
vefsíðu hennar, að ungt fólk á
Seyðisfirði var óánægt með þá af-
þreyingu sem var í boði í bænum.
„Það eina sem boðið var upp á voru
böll og djamm, sem var í sjálfu sér í
lagi en orðið svolítið tilbreyting-
arlaust. Til varð hópur sem ákvað
að skapa eitthvað nýtt og koma á
fót listahátíð fyrir ungt fólk. Í
hópnum voru Stefán Benedikt,
Halldóra Malin, Ólafur Ágústsson
og Björt Sigfinnsdóttir. Þau unnu
með Aðalheiði Borgþórsdóttur,
ferða- og menningarmálafulltrúa
Seyðisfjarðarkaupstaðar, að þróun
hátíðarinnar. Vinna þurfti hug og
hjörtu ungmenna, selja styrktarað-
ilum hugmyndina og það þurfti að
fá góða leiðbeinendur til þess að
stýra listasmiðjunum. Í hugum
margra var orðið „list“ fráhrind-
andi, hugarfarsbreyting þurfti því
að eiga sér stað. Eitt aðalmarkmið
hátíðarinnar skyldi vera að vekja
áhuga á menningu og listum og
eyða þessum fordómum sem virt-
ust almennt vera uppi,“ segir á vef-
síðu LungA, lunga.is. Á fyrstu há-
tíðinni hafi um 20 ungmenni tekið
þátt í listasmiðjum og þá hafi oft
verið erfitt að fá fólk til að taka
þátt í þeim og erfitt að fjármagna
hátíðina. Í gegnum árin hafi LungA
þó þróast og stækkað og sé nú
einn markverðasti listviðburður
ársins hér á landi af þeim sem ætl-
aðir eru ungu fólki.
Lítið var í boði fyrir ungt fólk
HVERNIG VARÐ LUNGA TIL?
Vinna með Wizard Sleeve og remixa Thank You