Morgunblaðið - 01.06.2010, Blaðsíða 37

MORGUNBLAÐIÐ ÞRIÐJUDAGUR 1. JÚNÍ 2010
SÝND MEÐ ÍSLENSKU TALI
SÝND Í ÁLFABAKKA
OG KRINGLUNNI
Svalasta
mynd
ársins er
komin!
HHHHH
– Fbl.-Þ.Þ
HHHHH
- Empire – Chris Hewitt
HHHHH
– H.G. – Poppland Rás 2
SÝND Í ÁLFABAKKA
Föstudaginn 4. júní kl. 10:00
verður sérstök Mömmu-morgna sýning í Sambíóunum Álfabakka.
Ljóstíra, aukasæti og hæfilegur hljóðstyrkur tryggja hámarks ánægju
fyrir móður og barn/börn.
Ath. aðeins 800 kr. – kynningarverð.
FORSALA HAFIN
SÝND Í ÁLFABAKKA, KRINGLUNNI OG AKUREYRI
MILEY CYRUS LIAM HEMSWORTH AND GREG KINNEAR
HHH
- Entertainment Weekly
Byggð á sögu
Nicholas Sparks
sem færði okkur
Notebook.
Miley Cyrus er
æðisleg í sinni
nýjustu mynd
SÝND Á SELFOSSI
PRINCE OF PERSIA kl. 5:30 - 8 - 10:30 10
THE BACK-UP PLAN kl. 8 12
ROBIN HOOD kl. 10:10 12
OFURSTRÁKURINN kl. 6 m. ísl. tali L
PRINCE OF PERSIA kl. 8 - 10:30 10
THE LAST SONG kl. 8 L
IRON MAN 2 kl. 10:30 12
PRINCE OF PERSIA kl. 8 - 10:30 10
COP OUT kl. 8 - 10:20 14
/ KEFLAVÍK / SELFOSSI/ AKUREYRI
600 kr.
Tilboðið gildir
ekki á 3D
600 kr.
600 kr.
Tilboð
GILDIR EKKI Á ÍSLENSKAR, VIP OG 3D MYNDIR
600 kr.
Ádögunum endurnýjaði égkynnin við þá mögnuðubók Veröld sem var eftirStefan Zweig. Andblær
veraldar sem var, sá sem kemur
aldrei aftur nema í leiftrum þeim
sem listirnar geta haldið lifandi, er
okkur nauðsyn. Og listin er okkur
nauðsyn af því að við nærumst á ver-
öld sem var – ekki síst nú á tímum
sem eru: veröld sem hvað?
Tónlist Bohuslav Martinu er full
af ljúfsárri Weimar-angan, líkri
þeirri sem maður skynjar í bók
Zweigs. Þessi tónlist er afsprengi
frelsis og tilrauna en heldur þó ein-
kennum hins evrópska klassíska
skóla – af því að íhaldssemi í listum
er dyggð. Þessi tónlist er það sem
fyllir þessa sögu og þessa sýningu og
fylgir henni eftir svo hún megi verða
að því fallega kennslubókardæmi um
fegurð sem raun ber um vitni. Sýn-
ingin Herra Pottur og ungfrú Lok er
nefnilega innblásin kennslustund –
kennslustund sem líður án þess að
nemendurnir geri sér nokkurn tíma
grein fyrir því að þeir séu mættir í
tíma. Er hægt að biðja um eitthvað
betra?
Sviðið er eldhús í frönskum stíl,
svona eins og maður sér í bíómynd-
um frá frönskum sveitasetrum þar
sem allt er á tjá og tundri eftir settu
skipulagi, hlaðið kopar og hangandi
lauk og glóandi hellum. Sagan er
einföld og verður ekki rakin hér,
nema hvað potturinn og pottlokið
eiga í innilegu sambandi sem er
hlaðið hita og spennu. Grænmetis-
kvörnin kemst þar upp á milli um
stund og við fylgjumst með hættu-
legum stundum þrungnum erótík og
losta (við barna hæfi) og sjáum
hvernig aðrir íbúar eldhússins svo
sem kústurinn og viskastykkið
blandast í málin. Sú ógn sem kynni
að trufla lítið barn í áhorfendasal er
dempuð af þeirri staðreynd að allt
gerist þetta ævintýr í draum-
heimum. Christophe Garda, fransk-
ur leikhúsmaður, samdi söguna sem
hér er sögð út frá raddskrá Mart-
inus. Texti leiksins er kannski ekki
neitt konfekt einn og sér – bara ljúf
saga, mátulega spennandi. Einfald-
leiki hennar kallar á tónlistina og
saman mynda þau merkilega sterkt
afl.
Það er Sólveig Simha sem flytur
textann, hún er ágætur sögumaður
og nær að blása trúverðugu lífi í t.d.
pott, kúst og klút þegar hún ljær
þessum hlutum rödd sína. Sólveig er
vinaleg og hefur hlýlegan þokka sem
róar börnin og hvílir fullorðna.
Búningar, leikmynd og brúður eru
verk Katrínar Þorvaldsdóttur, öll er
sú sköpun og allt er það samspil í
einu orði sagt; lýtalaust. Katrín
nostrar við smáatriðin þannig að
lengi má dunda sér við að finna eitt-
hvað nýtt en annað kallar til manns
við fyrstu sýn – án þess þó að trana
sér fram. Ég nefni sem dæmi slauf-
una sem kústurinn ber, kústurinn er
lögregla eldhússins og slaufan er
svart/hvít köflótt; skemmtileg vísun
í sambærilegt mynstur á lög-
reglubúningunum sem við sjáum
dag hvern.
Lýsing er einföld en smekkleg,
hún endurspeglar og styður við
ástand mála í spennuþrungnu ást-
arsambandi potts og loks með rauð-
leitri birtu, eða kælir sviðið með
bláum tónum þegar hlé verður á
hraða draumsins.
Leikstjóri alls þessa er Ágústa
Skúladóttir. Leikstjórinn hefur unn-
ið verk sitt af vandvirkni og af virð-
ingu fyrir frumlegu viðfangsefninu.
Ágústa hefur næmt auga fyrir sam-
spili sviðsmyndar og texta, smáatriði
öðlast líf og húmorinn er sjaldan
langt undan. Hér fær Ágústa mörg
prik því það er vandaverk að leggja
svona sýningu, halda jafnvægi list-
formanna sem hér mætast á svo
áberandi hátt.
Ég legg ekki dóm á frammistöðu
hljóðfæraleikaranna, einfaldlega
vegna þess að ég hef ekki vit á því að
greina það hvenær flinkur músíkant
er verulega flinkur músíkant. En ég
get þó sagt með vissu að þeir sem
þarna spila eru allir flinkir – í það
minnsta.
Leikskrá mætti vera merkilegra
plagg en eitt blað – svo sem með
ágætum upplýsingum svo langt sem
þær ná – en, mig langar að vita svo
miklu meira um þetta allt saman;
mig langar að „lesa bókina“.
Ég hef fyrir satt að einn mætur
menningarfrömuður – nú fallinn frá
– hafi eitt sinn sagt um okkur Ís-
lendinga að við værum „mennt-
unarlaus skríll.“ Þá átti hann við það
að þrátt fyrir ýmsar prófgráður og
allt annað tildur vantaði hér hina
gildu menntun menningar og lista.
Það sem gerir veröld sem var að ein-
hverju áframhaldandi lífsgæða-
spursmáli. Herra Pottur og ungfrú
Lok er tilraun í þá veru að auka lífg-
æðin – án eignarhaldsfélaga og
krosseignatengsla, stóriðjufram-
kvæmda eða fjárfestingarstefnu líf-
eyrissjóðanna. Þess vegna er Herra
Pottur og ungfrú Lok ein virðing-
arverðasta uppákoma sem undirrit-
aður hefur orðið vitni að í menning-
arlífinu þetta leikhúsmisseri sem nú
er á enda.
Ég skemmti mér konunglega og
eitt af því sem hefur verið að leita á
huga minn eftir þessa „smáu“ fall-
egu leikhúsreynslu er þetta: Af
hverju er verið að kynna þessa sýn-
ingu sem barnasýningu? Þetta er
spretthörð fantasía fyrir ALLA!
Kennslustund í menningu.
Frábær kennslustund í menningu
Fyrir alla „Af hverju er verið að kynna þessa sýningu sem barnasýningu?“ spyr gagnrýnandi. Sýningin sé fyrir alla.
Þjóðleikhúsið – Kúlan
Herra Pottur og ungfrú Lok: Tón-
ævintýri fyrir börn, Bohuslav Martinu
og Christophe Garda
bbbbn
Óperatic félagið og Þjóðleikhúsið.
Á Listahátíð í Reykjavík.
Frumsýning 29. maí 2010.
Leikstjóri: Ágústa Skúladóttir.
Þýðing: Hlöðver Ellertsson.
Lýsing: Jóhann Bjarni Pálmason.
Leikmynd, brúður og búningar: Katrín
Þorvaldsdóttir.
Hljóðfæraleikarar: Ármann Helgason,
Kristín Mjöll Jakobsdóttir, Eiríkur Örn
Pálsson, Sif Tulinius, Sigurður Halldórs-
son og Ástríður Alda Sigurðardóttir.
Sögumaður og leikari: Sólveig Simha.
GUÐMUNDUR S.
BRYNJÓLFSSON
LEIKLIST
Rosie Huntington-Whiteley, nær-
fatafyrirsæta sem sýnt hefur nær-
fatnað fyrir framleiðandann Victori-
a’s Secret, mun leika í næstu
kvikmynd um Transformers, vél-
mennin sem breyta sér í farartæki
þegar þörf krefur. Huntington-
Whiteley er 23 ára gömul, var út-
nefnd „fyrirsæta ársins“ af kvenna-
blaðinu ELLE í fyrra en hefur ekki
áður reynt fyrir sér í leiklistinni.
Hún mun fara með hlutverk nýrrar
persónu í myndasyrpunni og leika á
móti hjartaknúsaranum Shia La-
Beouf. Myndin verður frumsýnd á
næsta ári. Megan Fox mun ekki
leika í Transformers 3.
Fögur Rosie Huntington-Whiteley.
Nærfatafyr-
irsæta í T3
Yfirvöld í Malaví ætla að leysa úr
haldi tvo samkynhneigða karlmenn
sem dæmdir voru til 14 ára fangels-
isvistar fyrir kynhneigð sína.
Bjargvættur mannanna er popp-
drottningin Madonna, að því er
fram kemur á vef Perez Hilton.
Madonna mun hafa heyrt af
handtöku karlmannanna og fang-
elsisdómnum og gagnrýnt yfirvöld
harðlega í kjölfarið. Forseti Malaví
frétti af atvikinu og óskaði þess að
mönnunum yrði sleppt. Eftir að
fréttir bárust um að leysa ætti
mennina úr haldi, bloggaði Ma-
donna og sagði að hún hefði alltaf
verið þeirrar trúar að ástin sigraði
allt. Yfir 30 þúsund aðdáendur
hennar hafi stutt kröfu um lausn
mannanna.
Reuters
Madonna Með dóttur sinni Mercy
James sem hún ættleiddi frá Malaví.
Bjargaði
hommum