Fréttablaðið - 14.11.2011, Side 2

14. nóvember 2011 MÁNUDAGUR2
Gildir út nóvember
Lyfjaval.is • sími 577 1160
Nicotinell er samstarfsaðili
Krabbameinsfélagsins
Nicotinell Tropical Fruit
NOREGUR Réttarhöldin yfir hryðju-
verkamanninum Anders Behring
Breivik, sem hefjast í dag, verða
opin almenningi. Fjölmiðlafólk,
aðstandendur
fórnarlamba
Breiviks og þeir
sem lifðu voða-
verkin af hafa
boðað komu
sína í réttarsal
og búist er við
miklum fjölda.
Ákvörðun
dómara um að
leyfa opin rétt-
arhöld kom Breivik á óvart, sam-
kvæmt lögfræðingum hans.
Breivik ætlar að útskýra hvers
vegna hann taldi nauðsynlegt að
fremja voðaverkin í Osló og Útey
síðasta sumar, en hann mun ekki
hafa sýnt nein merki iðrunar
eftir að hafa banað 77 manns
hinn 22. júlí síðastliðinn. - áp
Opin réttarhöld yfir Breivik:
Fær að útskýra
hryðjuverkin
LÖGREGLUMÁL Daniel Hoij, 25 ára
gamall Svíi, sem leitað var á Sól-
heimajökli, fannst látinn ofan í
sprungu laust
fyrir hádegi á
laugardag. Þá
hafði staðið yfir
leit að honum
í tvo og hálfan
sólarhring.
Foreldrar
Daniels og
bróðir sendu
í gær frá sér
þakkarávarp
vegna framlags
allra þeirra
sem komu að leitinni að Daniel.
„Við erum djúpt þakklát öllum
sem komu að björgun okkar kæra
sonar og bróður,“ segja Kajs,
Dan og Anders Hoij. Fjölskyldan
kveður ekkert hafa verið til spar-
að og öllu fórnað við leitarstarfið.
„Aðgerðin var mjög fagleg og
við hefðum ekki getað beðið um
neitt meira,“ segir meðal annars í
ávarpi fjölskyldunnar. - gar
Fjölskylda Svíans sem lést:
Afar þakklát
björgunarfólki
Ármann, hlupuð þið á vegg?
„Nei, meirihlutinn hljóp á sig.“
Ármann Kr. Ólafsson er oddviti sjálf-
stæðismanna sem fengu ekki samþykkta
í bæjarstjórn Kópavogs tillögu um að
veita maraþonhlaupara úr Breiðabliki
milljón krónu styrk til að undibúa sig fyrir
Ólympíuleika. Meirihlutinn sagði beiðnir
eiga að koma frá íþróttamönnunum
sjálfum eða félögum þeirra.
ANDERS BREIVIK
LÖGREGLUMÁL Tólf ára drengur
varð fyrir því í gær að maður
reyndi að lokka hann upp í bíl
í Grindavík. Lögreglunni var
strax gert viðvart um atvikið og
að hennar sögn bauð maðurinn
drengnum samloku ef hann sett-
ist upp í bílinn.
Drengurinn hlaup skelkaður
heim til sín. Hann gat gefið
greinargóða lýsingu á bíl manns-
ins, sem er dökkblár eða svartur
Toyota Landcruiser-jeppi.
Lögreglan hafði í gærkvöld
ekki fundið bílinn. Því er beint til
foreldra að brýna fyrir börnum
sínum að fara aldrei upp í bíl með
ókunnugum. - áp
Lögreglan leitar að jeppa:
Reyndi að tæla
dreng upp í bíl
DANIEL HOIJ
ÍTALÍA Líklegt er að Mario Monti verði næsti for-
sætisráðherra Ítalíu eftir að Silvio Berlusconi
sagði af sér á laugardag. Monti er hagfræðingur
að mennt, rektor Bocconi-háskólans í Mílanó og
fyrrverandi fulltrúi í framkvæmdastjórn Evrópu.
Víða var fagnað á götum Rómar á laugardag
er Berlusconi gekk á fund forseta Ítalíu, Giorgio
Napolitano, og baðst lausnar sem forsætisráðherra
landsins. Stuttu síðar kallaði Napolitano Monti á
sinn fund og er búist við því að hann feli honum
umboð til að mynda bráðabirgðastjórn sem fari
með völd fram að næstu þingkosningum. Monti
nýtur þó ekki stuðnings Norðurbandalagsins, sem
var í stjórn.
Brýnasta verkefni Monti verður að tryggja
framgang efnahagsaðgerða sem miða að því að
forða landinu frá greiðsluþroti, en Ítalir hafa verið
beittir þrýstingi frá Evrópusambandinu um að ná
tökum á efnahagsmálum landsins.
Fyrir helgi afgreiddi ítalska þingið efnahags-
frumvarp ríkisstjórnarinnar, sem felur í sér
niður skurð sem hljóðar upp á tæpar sextíu millj-
arða evra.
- sm
Forseti Ítalíu fékk Mario Monti í gærkvöldi umboð til að mynda nýja ríkisstjórn:
Erfið verkefni bíða nýrrar stjórnar
NÝR FORSÆTISRÁÐHERRA Mario Monti var boðaður á fund
forseta Ítalíu á laugardag og honum falið umboð til að mynda
bráðabirgðastjórn sem færi með völd til næstu þingkosninga.
NORDICPHOTOS/AFP
FÓLK „Þetta var orðin kvöð og við
eiginlega gáfumst bara upp,“ segir
Margrét Böðvarsdóttir, formaður
kirkjukórs Hvalsnessóknar sem nú
er hættur að syngja við guðsþjón-
ustur í Sandgerði.
Kirkjukórinn í Útskálasókn
í Garði hætti líka á sama tíma.
Margrét segir ástæðurnar nokkr-
ar. Fyrst og fremst hafi þó ráðið
mannekla og að meðlimir kór-
anna hafi verið orðnir langþreytt-
ir. Síðasti fasti karlsöngvarinn í
Hvalsneskórnum hafi hætt 2004 og
þar séu aðeins níu konur eftir, sem
flestar séu um fimmtugt og yfir
sjötugt. Þegar best lét hafi verið
25 manns í kórnum, þar af fimm
karlar. Í Útskálasókn sé svipuð
staða þótt þar sé einn karl í kórn-
um. Ekkert hafi gengið að fá nýja
meðlimi í kórana enda kæri sig
fæstir um þá bindingu sem felist í
því að syngja í messu aðra hverja
helgi og við aðrar athafnir.
„Kórstjórinn hefur þurft að
vera að snapa saman körlum, hann
reddaði þeim oftast nær úr Kefla-
vík,“ segir Margrét, sem segir kór-
ana tvo hafa hjálpast að og meðal
annars verið með sameiginlegan
kór fyrir jarðarfarir.
Margrét játar að það hafi verið
mikil viðbrigði þegar kórinn hætti
í október. Sjálf hafi hún verið í
tuttugu ár í kórnum og sumar
miklu lengur. „Jólin verða skrítin
en maður fer þó auðvitað í messu,“
segir Margrét, sem kveður jóla-
og aðventusálmanna einmitt hafa
verið sitt uppáhald.
Margrét segist vonast til að eitt-
hvað rætist úr söngmálum í Hvals-
nessókn. „Vonandi vekur þetta ein-
hvern til umhugsunar. Ef fleira
fólk hefði komið í kórinn hefðum
við flestar haldið áfram. Vonandi
gerist það. Það er ekki öll nótt úti
enn,“ segir hún vongóð.
Reynir Sveinsson, formaður
sóknarnefndar Hvalsneskirkju,
segir málið meðal annars tengjast
ört minnkandi tekjum sóknanna
tveggja. Ekki aðeins sé kórinn í
Hvalsnessókn hættur heldur hafi
verið nauðsynlegt að segja organ-
istanum upp. Þó sé ekki fokið í öll
skjól fyrir söngelska Sandgerðinga
þótt bæði organistinn og kórinn
séu á braut. „Við erum með mjög
fjölhæfan prest sem getur tekið í
gítar í hvaða athöfn sem er.“ Séra
Sigurður Grétar Sigurðsson er
sameiginlegur prestur fyrir sókn-
irnar tvær.
Tónlistarmálin í sóknunum
tveimur eru ekki útrædd. Til
dæmis verður málið á dagskrá
almenns safnaðarfundar í Útskála-
kirkju í kvöld. „Hvað viljum við
sjá? Kirkjukór, hljómsveit, ein-
söngvara, almennan söng, engan
söng, allt þetta, ekkert af þessu?“
er spurt í fundarboði.
gar@frettabladid.is
Kirkjukórar hætta að
syngja vegna þreytu
Meðlimir kirkjukóranna í Sandgerði og í Garði segjast orðnir svo langþreyttir
á starfinu að þeir séu hættir. Formaður sóknarnefndar í Sandgerði segir að
organistanum hafi verið sagt upp en sóknarpresturinn geti þó leikið á gítar.
SUNGIÐ Í HVALSNESKIRKJU Í apríl 1998 var engin mannekla í kirkjukór Hvalsnes-
kirkju. Síðasta karlsöngvarinn hætti hins vegar 2004 og konurnar sem nú voru eftir
orka ekki meir. MYNDIR/REYNIR SVEINSSON
HVALSNESKIRKJA Organistinn farinn og
meðlimir kirkjukórsins eru þagnaðir.
REYKJAVÍKURBORG Umboðsmaður
Alþingis vill að Reykjavíkurborg
svari því hvort leikskólastjórum hafi
verið skipað að svara ekki spurning-
um Ríkisútvarpsins um laus pláss á
leikskólum og hver hafi þá gefið þau
fyrirmæli og á hvaða grundvelli.
„Eitt af því sem umboðsmaður
Alþingis gætir að í eftirliti sínu með
starfsemi stjórnvalda er hvort lagð-
ar eru hömlur á tjáningarfrelsi opin-
berra starfsmanna eða möguleika
forstöðumanna á að veita þeim sem
þess óska upplýsingar um starfsemi
sína með tilheyrandi takmörkunum
á möguleikum almennings til upp-
lýstrar umræðu,“ segir í tilkynningu
umboðsmanns.
„Óskaði umboðsmaður eftir upp-
lýsingum um það á hvaða lagagrund-
velli synjun Reykjavíkurborgar á
beiðni fréttastofu Ríkisútvarpsins
um upplýsingar um fjölda lausra
plássa í leikskólum borgarinnar
byggðist,“ segir umboðsmaður, sem
vill afrit af samskiptum borgarinn-
ar við leikskólastjóra vegna fyrir-
spurnar RÚV.
Í grein í Fréttablaðinu á laugar-
dag sagði Jón Gnarr borgarstjóri
engar hömlur hafa verið settar á
tjáningarfrelsi leikskólastjóra.
Þeir hefðu fengið „vinsamlega
ábendingu“ frá fagstjóra skóla-
sviðs um að beina fyrirspurnum til
upplýsingadeildar til að „tryggja
samræmd svör“. - gar
Umboðsmaður Alþingis spyr hvort leikskólastjórum hafi verið bannað að svara:
Borgin skýri hömlur á tjáningarfrelsi
RÁÐHÚSIÐ Borgaryfirvöld þurfa að svara
hver skipaði leikskólastjórum að svara
ekki spurningum RÚV um laus leikskóla-
pláss. FRÉTTABLAÐIÐ/GVA
LÖGREGLUMÁL Lögreglan á höfuð-
borgarsvæðinu lýsir eftir Sævaldi
Herði Harðarsyni. Sævaldur er
31 árs.
Síðast er vitað um ferðir
Sævaldar í
Reykjavík seint
á föstudag.
Talið er að hann
sé klæddur í
dökka yfirhöfn
og bláar galla-
buxur og sé í
svörtum skóm.
Sævaldur er
185 sentimetrar
á hæð, 80 til 85
kíló. Hann er
með blá augu og stutt, dökkt hár.
Þeir sem geta gefið upplýsing-
ar um ferðir hans eru beðnir um
að hafa samband við lögregluna í
síma 444-1000. - þeb
Sást síðast seint á föstudag:
Lögreglan lýsir
eftir Sævaldi
HEILBRIGÐISMÁL Lions-hreyfingin
býður upp á ókeypis blóðsykurs-
mælingar víðs vegar um landið í
dag í tilefni af alþjóðlega sykur-
sýkisvarnardeginum.
Lions-hreyfingin segir áunna
sykursýki 2 þann sjúkdóm sem
sé í mestri sókn á Vesturlöndum
og talið sé að um 100 Íslendingar
þjáist af sjúkdómnum án þess að
vita það.
Blóðsykurmælingar fara fram
víða um land í dag og er hægt
að kynna sér málið á vef Lions-
hreyfingarinnar, lions.is. - áp
Lions gegn sykursýki:
Bjóða ókeypis
sykurmælingu
SÆVALDUR
HÖRÐUR
HARÐARSON
SPURNING DAGSINS