Fréttablaðið - 06.12.2011, Blaðsíða 16

6. desember 2011 ÞRIÐJUDAGUR16
Elskuleg móðir, tengdamóðir og amma,
Hólmfríður Magnúsdóttir
geðlæknir
Hvassaleiti 56, Reykjavík,
sem andaðist sunnudaginn 27. nóvember, verður jarð-
sungin frá Fossvogskirkju þriðjudaginn 6. desember
kl. 15.00. Blóm og kransar eru vinsamlegast afþakk-
aðir en þeim sem vilja minnast hennar er bent á
Minningarsjóð Margrétar Oddsdóttur læknis (s: 565
2260) til styrktar skurðlækningum við brjóstakrabba-
meini við Landspítala.
Sólveig Grétarsdóttir Guðmundur A. Guðmundsson
Jóhanna Fríða Guðmundsdóttir
Grétar Örn Guðmundsson Arndís Huld Hákonardóttir
Elskulegur faðir okkar, tengdafaðir,
afi og langafi,
Sigurgeir Ingvarsson,
Geiri í Múla,
fyrrverandi kaupmaður, Selfossi.
andaðist á hjúkrunarheimilinu Ljósheimum mánu-
daginn 28. nóvember, og verður hann jarðsunginn frá
Selfosskirkju laugardaginn 10. desember klukkan 13.30
Guðmundur Birnir Sigurgeirsson Ágústa Traustadóttir
Pálmar Sölvi Sigurgeirsson Valgerður K.
Sigurðardóttir
barnabörn og barnabarnabörn.
Elsku maðurinn minn, faðir okkar,
sonur, bróðir, mágur og tengdasonur,
Sigurður Ólafsson
hagfræðingur,
Barmahlíð 55,
sem lést á heimili sínu sunnudaginn 27. nóvember,
verður jarðsunginn frá Háteigskirkju fimmtudaginn
8. desember kl. 13.00. Þeim sem vildu minnast hans er
bent á Minningarsjóð krabbameinslækningadeildar
Landspítalans.
Dóra Thorsteinsson
Matthías Sigurðsson
Hildur Sigurðardóttir
Hjördís Smith Ólafur Sigurðsson
Sverrir Ólafsson Hulda Stefánsdóttir
Björk Ólafsdóttir Hörður Már Gylfason
Geir Thorsteinsson Halldóra Æsa Aradóttir
Guðbjörg Elín Þórarinsdóttir
Eiginmaður minn, faðir okkar,
tengdafaðir og afi,
Fjölnir Stefánsson
tónskáld,
Lækjasmára 6,
andaðist fimmtudaginn 24. nóvember. Útför hans
fer fram frá Fossvogskirkju föstudaginn 9. desember
kl. 15.00. Þeim sem vildu minnast hans er bent á
Minningarsjóð Heimahlynningar LSH, s. 543 1159.
Arndís Guðmundsdóttir
Ingibjörg Fjölnisdóttir Brynjar Kvaran
Þorbera Fjölnisdóttir Karl Sesar Karlsson
Brynhildur Fjölnisdóttir Grétar Pétur Geirsson
Hlíf, Fjölnir, Stefán Björn, Arnhildur, Hrafnkell og
Arndís Anna.
Ástkær móðir mín, tengdamóðir, amma
og langamma,
Guðrún Marteinsson
O’Leary
fyrrverandi hjúkrunarforstjóri,
sem lést þriðjudaginn 29. nóvember á Droplaugar-
stöðum, verður jarðsungin frá Fossvogskirkju
fimmtudaginn 8. desember kl. 13.00.
Blóm og kransar vinsamlegast afþakkaðir en þeim
sem vilja minnast hinnar látnu er bent á FAAS – félag
aðstandenda Alzheimersjúklinga.

Katrín Guðmundsdóttir Guðni Oddsson
Guðmundur Guðnason Alma María Rögnvaldsdóttir
Eva Hrönn Guðnadóttir Þór Vilhelm Jónatansson
Marteinn Guðmundsson
Katrín Guðmundsdóttir
Elskuleg eiginkona mín og systir,
Hulda Margrét Waddell
guðfræðinemi,
sem lést á Landspítalanum við Hringbraut
fimmtudaginn 1. desember, verður jarðsungin frá
Áskirkju föstudaginn 9. desember kl. 13.00.
Örn Valsson (Gulli)
systkini og fjölskyldur.
Elskuleg móðir okkar, tengdamóðir,
amma, langamma og langalangamma,
Kristín María Gísladóttir
Reynimel 40,
lést á Hjúkrunarheimilinu Grund 2. desember.
Hún verður jarðsungin frá Neskirkju föstudaginn
9. desember klukkan 11. Þeim sem vilja minnast
hennar er bent á Minningarsjóð líknarfélagsins
Hvítabandsins, reikningsnúmer 0117-15-370548.

Þorsteinn Vilhjálmsson Sigrún Júlíusdóttir
Sigríður Vilhjálmsdóttir
Svanlaug Vilhjálmsdóttir Halldór Eiríksson
barnabörn, langömmubörn og langalangömmubörn.
timamot@frettabladid.is
„Verkefnið tók vissulega á, því mörg
okkar hafa kynnst sorginni. Á sama
tíma áttuðum við okkur á að dauðinn
er afar fjarlægur í daglegu lífi og
flest sem tengist útfararþjónustu
dálítið falið. Verkinu fylgdu því miklar
tilfinningar og víst að keramik margra
var vætt söltum tárum,“ segir Sigríður
Óðinsdóttir, nemandi í mótunardeild
Myndlistarskóla Reykjavíkur.
Á föstudag sem leið hófst sýning
á lokaverkefnum Sigríðar og ellefu
samnemenda hennar í Norræna húsinu.
Lokaverkefnið nefnist „Endanlegt rými
– andlegt rými“ og geymir margvísleg
duftker sem nemendur hönnuðu undir
jarðneskar leifar, sem og umgjörð til
varðveislu duftkerja.
Kennarar voru Anna Hallin
myndlistar maður og arkitektarnir
Hólmfríður Ósmann Jónsdóttir og
Hrefna Björg Þorsteinsdóttir, en saman
hafa þær hannað aðstöðu í Gufunes-
kirkjugarði þar sem rísa á kapella og
betri aðstaða fyrir líkbrennslu fram-
tíðar.
„Verkefnið var hugsað með raunveru-
legt notagildi í huga því á íslenskum
duftkersmarkaði eru engin íslensk duft-
ker fáanleg heldur eingöngu innflutt.
Við fórum á fund Heimis Janusar sonar,
umsjónar manns í Gufuneskirkjugarði,
sem upplýsti okkur um hagnýta hluta
duftkerjagerðar áður en við gátum
hafist handa. Þá skoðuðum við einnig
duftkers reitinn og líkbrennsluofninn
í Fossvogi, sem reyndi mikið á mann-
skapinn og sumir kusu að fara ekki á
þann stað. Flestir tóku þó á honum stóra
sínum og þótti gott eftir á að tala við
útfararstjóra um dauðann á almennum
nótum, því flestum okkar er hann fram-
andi og sveipaður dulúð, þar til hann
bankar óvænt upp á og við neyðumst
til að horfast í augu við hann,“ útskýrir
Sigríður.
Hún segir nemendurna hafa nálgast
duftkerin á ólíkan hátt og að útkoman
hafi ávallt verið persónuleg.
„Sumir höfðu í huga persónuleg kynni
við einstaklinga sem kvatt hafa jarð-
vistina á meðan aðrir veltu fyrir sér
spurningum um dauðann. Afraksturinn
er fjölbreyttur og mismunandi eins og
einstaklingarnir sjálfir, og sköpunin í
öllum tilvikum upprunnin frá mjög svo
persónulegum stað.
Sigríður segir erfiðast við verkefnið
að hafa þurft að kafa svo djúpt í andlegt
rými sjálfrar síns.
„Það var ljúfsár upplifun en á sama
tíma skemmtileg því dagsdaglega sest
fólk ekki niður með kaffibolla til að
hugleiða dauðann í þaula. Þarna gafst
því góð ástæða og tækifæri til að gera
það almennilega.“
Og hún segir að duftker mættu
sannarlega endurspegla betur þann sem
hvílir í þeim.
„Í sorgarferlinu er tæpast rými fyrir
hugsanir um form á duftkeri því þá
dvelur hugurinn hjá hinum látna. Hins
vegar er sjálfsagt mál að biðja leirkera-
smiði landsins um að útbúa duftker sem
endurspegla persónuleika þeirra sem
hafa kvatt,“ segir Sigríður.
Vert er að benda á aðra sýningu
skemur kominna nemenda mótunar-
deildar á neðri hæð Norræna hússins.
„Sýningarnar eru ágætis sýnishorn á
því frjóa og fagra starfi sem fer fram í
mótunardeild Myndlistarskóla Reykja-
víkur, og sýningin á duftkerjunum
bæði forvitnileg, falleg og vekur fólk
til umhugsunar,“ segir Sigríður.
Sýningin stendur til 11. desember. Sjá
nánar á www.norraenahusid.is.
thordis@frettabladid.is
Í UPPHAFI SKYLDI ENDINN SKOÐA: SÝNING Á DUFTKERJUM Í NORRÆNA HÚSINU
Duftker vætt söltum tárum
HIÐ ENDANLEGA RÝMI Sigríður vildi að sitt duftker væri hefðbundið í útliti. Á toppnum er
lokið unnið út frá hugmynd um hurðarhún sem er notaður til að opna fyrir hinum látna í hans
endanlega rými. Sé hugmyndin tekin út frá þeirri hugsun að einstaklingurinn fari úr þessum
heimi yfir í þann næsta er hurðarhúnninn til að opna gáttina, hvort sem hún er huglæg eða
hlutlæg. FRÉTTABLAÐIÐ/STEFÁN
MERKISATBURÐIR
1593 Yfirdómur á Alþingi er stofnaður. Hann starfaði í rúmar
tvær aldir.
1768 Alfræðiorðabókin Britannica kemur út í fyrsta sinn.
1917 Finnland lýsir yfir sjálfstæði frá Rússlandi.
1921 Írland lýsir yfir sjálfstæði frá Bretlandi.
1949 Þriðja ríkisstjórn Ólafs Thors sest að völdum og situr í
rúma þrjá mánuði.
1965 Íþróttahöllin í Laugardal er vígð.
1985 Hafskip er gert gjaldþrota. Þetta var stærsta gjaldþrotamál
á Íslandi um langan aldur.
1993 Debetkort eru tekin í notkun á Íslandi.
KRISTJÁN ELDJÁRN (1916-1982) forseti Íslands fæddist þennan dag.
„Hjá fólkinu í landinu mun hugur minn verða.“