Fréttablaðið - 06.12.2011, Blaðsíða 32

6. desember 2011 ÞRIÐJUDAGUR24
sport@frettabladid.is
Lágmúla - Laugavegi - Garðatorgi - Smáralind - Smáratorgi - Borgarnesi - Grundarfirði - Stykkishólmi - Búðardal - Patreksfirði - Ísafirði - Bolungarvík - Blönduósi - Hvammstanga
Skagaströnd - Sauðárkróki - Húsavík - Kópaskeri - Raufarhöfn - Þórshöfn - Egilsstöðum - Seyðisfirði - Neskaupstað - Eskifirði - Reyðarfirði - Fáskrúðsfirði - Höfn - Laugarási - Selfossi - Grindavík - Keflavík
– Lifið heil
www.lyfja.is
Jólin eru tími til að gefa.
Í Lyfju finnurðu úrval af gjafavöru í pakkana til þeirra
sem þér þykir vænst um. Við erum aldrei langt undan.
Mundu eftir jólahandbók Lyfju.
Kannski er jólagjöfin í Lyfju
RAKEL DÖGG BRAGADÓTTIR mun hætta í atvinnumennsku hjá norska handboltaliðinu Levanger.
Rakel sleit krossband í hægra hné rétt fyrir HM í Brasilíu og mun hún fara í aðgerð í janúar. Rakel mun flytja til
Íslands og vonast hún til þess að geta leikið með íslensku félagsliði næsta haust.
HANDBOLTI Þorgerður Anna
Atladóttir, vinstri skytta úr Val,
hefur ekki leikið stórt hlutverk á
þessu heimsmeistaramóti fram til
þessa. Hún lék í nokkrar mínútur
í síðari hálfleiknum gegn Angóla
og þar með náði hún þeim áfanga
að feta í fótspor föður síns og
bróður sem hafa báðir leikið með
A-landsliði Íslands í lokakeppni
heimsmeistaramóts.
Þorgerður er dóttir Atla
Hilmarssonar, þjálfara
Akureyrar liðsins, og Arnór
bróðir hennar hefur verið lykil-
maður í íslenska landsliðinu
undan farin ár. „Þetta er mjög
gaman og það sem alla handbolta-
menn dreymir um. Ég er í því
hlutverki að vera á varamanna-
bekknum og verð bara að vinna
úr því með jákvæðu hugarfari.
Vera klár þegar kallið kemur.
Ég leita til pabba og Arnórs ef
ég þarf á því að halda. Þeir eru
alltaf að gefa mér einhver góð ráð
sem hafa yfirleitt nýst mér vel,“
sagði Þorgerður Anna. - seth
Þorgerður Anna Atladóttir:
Verð klár þegar
kallið kemur
KLÁR Í SLAGINN Þorgerður Anna bíður
eftir stóra tækifærinu. FRÉTTABLAÐIÐ/PJETUR
HANDBOLTI Stelpurnar okkar eiga
erfiða leiki gegn Noregi í kvöld
og svo Þýskalandi á morgun sem
gætu haft mikið að segja um
möguleika Íslands á að komast
áfram í 16 liða úrslit keppninnar.
Ísland hefði með sigri á Angóla
á sunnudagskvöld komið sér í efsta
sæti A-riðils með fullt hús stiga
eftir tvo leiki en liðið tapaði og
er nú í næstneðsta sæti riðilsins.
Ísland er með tvö stig, rétt eins og
Noregur, Þýskaland og Svartfjalla-
land. Angóla er með fjögur stig í
efsta sæti en Kínverjar í neðsta
með ekkert.
Fjögur efstu liðin komast áfram
í 16 liða úrslit keppninnar. Ísland
á enn þrjá leiki eftir í riðlinum
og því getur margt gerst. Ísland
mætir í næstu tveimur leikjum
sterkum andstæðingum – Noregi
og Þýskalandi. Líklegt verður
að teljast að Ísland þurfi að fá
eitthvað úr þeim leikjum til að
eiga enn möguleika á sæti í 16
liða úrslitunum áður en kemur að
leiknum gegn Kína á föstudags-
kvöldið.
Ástæðan fyrir því er að ef Ísland
og Angóla verða á endanum jöfn að
stigum mun árangur í innbyrðis-
viðureignum ráða því hvort lið
verður ofar í töflunni. Miðað við
að Kína verði í neðsta sæti gæti
það orðið til þess að Angóla endaði
í fjórða sæti riðilsins og Ísland því
fimmta.
Angóla á mjög erfiða leiki
eftir í riðlinum og gæti hæg-
lega endað með þau fjögur
stig sem liðið
er með núna.
Ef Ísland tapar
bæði fyrir Noregi
og Þýskalandi duga
tvö stig gegn Kína
ekki til að komast
upp fyrir Angóla í
töflunni.
„Ef ég gæti skipt á
leikjum myndi ég frekar vilja
vinna þennan leik [en leikinn
gegn Svartfjallalandi],“ sagði
Ágúst Þór Jóhannsson, þjálfari
íslenska landsliðsins, eftir
tapleikinn gegn Angóla. Þetta
eru þó aðeins vanga veltur
og miðað við úrslitin
fyrstu tvo keppnis-
dagana er ljóst að það
er aldrei hægt að úti-
loka óvænt úrslit í
leikjum A-riðils. - esá
Ágúst Þór Jóhannsson landsliðsþjálfari hefði frekar viljað vinna lið Angóla en Svartfellinga um helgina:
Fjögur stig duga líklega ekki til að fara áfram
ÁGÚST ÞÓR Vildi frekar
tvö stig gegn Angóla en
Svartfjallalandi.
Sigurður Elvar
Þórólfsson og
Pjetur Sigurðsson
fjalla um HM í Brasilíu
seth@frettabladid.is – pjetur@365.is
HM 2011 Það var létt yfir íslenska
kvennahandboltalandsliðinu í
gær þar sem það tók óhefðbundna
æfingu síðdegis á ströndinni
fyrir framan liðshótelið í Santos
í Brasilíu. Skokk, strandblak og
smá sjóbað var á dagskrá og var
ekki annað að sjá en að liðið væri
búið að hrista af sér tapleikinn
gegn Angóla.
Næsta verkefni Íslands í A-
riðli HM er risavaxið. Evrópu- og
Ólympíulið Noregs er mótherjinn.
Og það er ljóst að það verður
gríðarlega erfiður leikur fyrir
Ísland.
Ágúst Jóhannsson, þjálfari
íslenska liðsins, vill að lið hans
leiki aftur af eðlilegri getu líkt
og liðið gerði gegn Svartfjalla-
landi í opnunarleik HM. Ágúst
þekkir norska liðið gríðarlega vel,
enda er hann þjálfari félagsliðsins
Levanger í norsku úrvalsdeildinni.
„Noregur er líklega með besta
landslið í heimi. Evrópu- og
Ólympíu meistarar. Þetta verður
gríðarlega erfitt verkefni. Mark-
miðið er að koma liðinu aftur í
gang, ná góðum leik. Það er mikil-
vægt fyrir okkur sem lið að ná
okkur upp aftur og sýna betri
gæði en gegn Angóla. Leikmenn
voru vissulega daprir og fúlir eftir
tapleikinn gegn Angóla en það er
búið. Við ætlum að njóta þess að
vera hérna í þessari keppni og ná
þeim stöðugleika sem þarf til fyrir
svona stórmót,“ sagði Ágúst í gær.
Hrafnhildur Skúladóttir fyrir-
liði Íslands tekur í sama streng og
þjálfarinn. „Við þurfum að fækka
mistökunum í sóknarleiknum.
Ná skotum á markið í stað þess
að missa boltann – en það gerðist
mjög oft í síðasta leik. Styrkleiki
Noregs er góður varnarleikur,
markvarsla og hraðaupphlaup. Við
verðum að ná að stilla upp í vörn
gegn þeim sem oftast.
Ef það tekst þá getur allt gerst.
Norðmenn eru með mjög jafnt
lið og það er styrkleiki þeirra
líka. Okkar möguleikar liggja
í því að ná upp frábærri vörn
gegn Norðmönnum. Þeim gengur
ekki alltaf vel gegn uppstilltri
vörn. Það er ekki þeirra leikur.
Markverðirnir þeirra eru báðir
gríðarlega sterkir, Kari Grimsbø
og Katrine Lunde Haraldsen.
Línumaðurinn Heidi Løke er
þeirra helsta vopn í sóknar leiknum.
Gríðarlega sterk og við þurfum að
passa vel upp á línuspil þeirra,“
sagði Hrafnhildur Skúladóttir.
Norðmenn eru líklegir til
afreka á þessu heimsmeistara-
móti. Ekkert nema verðlaunasæti
kemur til greina. Noregur tapaði
frekar illa gegn Þjóðverjum í
fyrsta leiknum en valtaði yfir Kína
í fyrrakvöld.
Í lið Noregs vantar tvo af
reyndustu og bestu varnarmönnum
liðsins. Gro Hammerseng og Tonje
Larsen. Þær hafa verið hávöxnustu
leikmenn liðsins í gegnum tíðina og
fjarvera þeirra hefur veikt varnar-
leik norska liðsins svo um munar.
GRÍÐARLEGA ERFITT VERKEFNI
Strandblak er hluti af undirbúningnum fyrir risaverkefnið gegn Evrópu- og Ólympíumeistaraliði Noregs.
Landsliðsþjálfarinn vill að liðið nái að sýna styrk sinn á ný eftir tapleikinn gegn Angóla.
LÍF OG FJÖR Í SANTOS Ungir kepptu gegn gömlum í strandblaki og ungir höfðu betur. FRÉTTABLAÐIÐ/PJETUR
FÓTBOLTI Pepé Reina, mark-
vörður Liverpool, færði Fulham
snemmbúna jólagjöf í gær er Ful-
ham fékk sigurmark á silfurfati
frá honum.
Reina hélt þá ekki lausu skoti
Danny Murphy og Clint Dempsey
þakkaði fyrir með því að skora
eina mark leiksins.
Liverpool spilaði einum færri
síðustu 20 mínútur leiksins eftir
að Jay Spearing fékk að líta rauða
spjaldið fyrir afar litlar sakir.
Liverpool er í sjöunda sæti
deildarinnar en Fulham því
níunda. - hbg
Fulham lagði Liverpool:
Jólagjöf Reina