Morgunblaðið - 24.07.2010, Page 16

16 FréttirINNLENT
MORGUNBLAÐIÐ LAUGARDAGUR 24. JÚLÍ 2010
VIÐTAL
Halldór Armand Ásgeirsson
haa@mbl.is
„Jenny darling, Jenny daaarling!“
Umhverfið er rólegt og andrúms-
loftið vinalegt inni á verkstæði niðri
við Slippinn í Reykjavík. Sæmundur
Halldórsson stálsmiður hallar sér
aftur í stól inni á kaffistofu og raular
þessa grípandi upphafslínu úr rokk-
slagaranum vinsæla sem Pétur
Kristjánsson söng inn á plötuna
Uppteknir árið1974. Sæmundur er
klæddur í vinnugalla og þurrkar olíu
af höndum sínum. Handan við hornið
heyrist glamur í verkfærum og raf-
suðu og einhvers staðar í fjarlægð-
inni er hamri lamið taktfast í stál.
„Ég hef alltaf verið rokkhundur,
alla tíð, og var trommuleikari hérna í
gamla daga,“ segir Sæmundur og
brosir. Hann fær sér sopa af sót-
svörtu kaffi úr plastbolla og blaða-
maður og ljósmyndari gera slíkt hið
sama. „Pelican var frábær hljóm-
sveit – Bjöggi Gísla algjörlega ein-
stakur á gítarinn. Svo hlusta ég alltaf
á Zeppelin og Purple, þetta er klass-
ík. En Hendrix er alltaf númer eitt.
Ég kem stundum með iPod hingað
í vinnuna og set hann í eyrun á með-
an ég er að sjóða. Það lætur tímann
líða hraðar. Svo hef ég alltaf látið son
minn hlusta á plöturnar mínar og
hann lætur mig hlusta á sínar í stað-
inn – ég er þess vegna mikið að
hlusta á Smashing Pumpkins þessa
dagana.“
„Fengum að vinna meira“
Sæmundur, sem er menntaður
stálsmiður, hélt til Noregs snemma á
níunda áratugnum til að leita sér að
atvinnu og dvaldi þar um hríð. Hann
sneri svo aftur á skattlausa árinu
1987 og segist ekki sjá eftir því.
„Nei, það var rétt ákvörðun að koma
aftur.
Maður hefur oft spurt sig hvernig
hefði verið að vera þar áfram – ef-
laust hefði maður það mun betra í
dag. En hugurinn leitar ávallt aftur
heim, þannig er það.“
Hann var búsettur rétt norðan við
Björgvin í tæplega þrjú ár og starf-
aði í vélsmiðju. „Það var skemmtileg
reynsla. Ég var svo ólmur í að fá að
vinna en „Norsarinn“ er þannig að
hann vill helst bara vinna átta tíma á
dag. Við vorum þarna tveir Íslend-
ingar og enduðum á því að fara á
fund verkstjórans og krefjast þess
að fá að vinna tvö kvöld í viku og á
laugardögum. Þá var annar starfs-
maður nýfarinn út af skrifstofunni
hans og hafði verið að krefjast þess
að vinnutíminn yrði styttur um
klukkutíma á dag!
En verkstjórinn leyfði okkur
tveimur að vinna mun meira – hann
vildi ekki missa okkur,“ segir Sæ-
mundur og hlær. Hann segir
jafnframt að þrátt fyrir lík-
indin með þjóðunum tveimur
séu Norðmenn ívið rólegra
en jafnframt formfast-
ara fólk. „Ég man þeg-
ar ég mætti þarna ein-
hvern tímann á ball
klukkan hálftólf,
örugglega í eina skiptið
á ævinni sem ég hef
mætt svona snemma,
þá voru Norsararnir
bara að fara í háttinn.
Það var ekki alveg það
sem maður var vanur!“ Snögglega er
tekið hlé á spjallinu þegar sam-
starfsmaður Sæmundar gengur inn
til að leita ráða hjá honum. „Ég vil
ekki trufla þig en ég var að spá
hvaða rafsuðu ég gæti notað í
þetta?“ Sæmundur stökk á fætur og
sveif fram á verkstæðið. „Heyrðu, ég
er með hérna eina tvö hundruð og
tuttugu fyrir þig, er hún ekki þarna
undir?“
Norðanvindurinn gleymdist
Slippurinn í Reykjavík verður
fluttur innan tveggja ára og á lóðinni
mun rísa „glæsihótel“ og kaffihús.
Efasemdasvipur er á Sæmundi. „Ég
veit það ekki. Mér finnst þetta mjög
sjarmerandi umhverfi hérna í
Slippnum.“ Hann þegir um stund og
lítur út um gluggann. Tekur upp
sígarettu og snýr henni milli fingr-
anna. Vindurinn dynur á báru-
járninu fyrir utan. „Maður er auðvit-
að hlutdrægur. Ég held samt að
menn hafi ekki alveg tekið nægilega
mið af norðanáttinni hérna þegar
þeir voru að ákveða þetta. Þú situr
ekkert hérna úti og drekkur kaffi á
daginn. Þetta er svo opið gagnvart
norðanvindinum.“
Sæmundur segir jafnframt
ástandið skelfilegt í þjóðfélaginu en
hann hafi mestar áhyggjur af unga
fólkinu. „Ég hef til dæmis áhyggjur
af minni eigin stétt. Unga fólkið fær
engan hvata til að læra þessi iðn-
störf. Ég veit ekki, kannski vilja
bara einhverjir vitleysingar eins og
ég gera þetta. Unga fólkið okkar
þarf hvata til að læra hér og vera
hér. Annars fer það bara eins og ég
gerði og kemur kannski ekki aftur.
En ég reyni að trúa því að þó unga
fólkið fari héðan, þá komi það að lok-
um sterkara og reyndara til baka.“
„Norsarinn vill vinna minna en við“
Morgunblaðið/Árni Sæberg
Slippur Sæmundur Halldórsson hefur unnið við stálsmíði bæði í Slippnum og í álverum. Hann hefur mestar áhyggjur af tækifærum unga fólksins í dag.
 Sæmundur Halldórsson stálsmiður fór ungur til Noregs í atvinnuleit en ákvað að snúa aftur heim
 „Slippurinn er sjarmerandi umhverfi“  Segir vanta meiri hvatningu fyrir unga fólkið í landinu
Heimsmeistarakeppnin í knatt-
spyrnu naut mikilla vinsælda um
víða veröld og íslenska þjóðin var
þar ekki undanskilin. Um 65% áhorf
var á úrslitaleikinn sjálfan þar sem
Spánverjar og Hollendingar öttu
kappi og fóru þeir fyrrnefndu með
verðskuldaðan sigur af hólmi.
Spánverjar tefldu fram einstak-
lega hæfileikaríku liði í keppninni og
áhorf mældist iðulega mest á leikjum
þeirra. Sá leikur í keppninni sem
næstflestir sáu var undanúrslitaleik-
ur keppninnar, Spánn - Þýskaland,
sem margir töldu fyrirfram vera
mest spennandi viðureign keppninn-
ar. Áhorf á þann leik mældist um
57,9%. 51,8% fylgdust með hinum
undanúrslitaleiknum, viðureign Hol-
lendinga við Úrúgvæja.
Þótt heimsmeistarakeppnin hafi
notið mikilla vinsælda kemst hún þó
ekki með tærnar þar sem fastir liðir
eins og Áramótaskaupið og Euro-
vision hafa hælana. 85,7% þjóðarinn-
ar horfðu á síðustu Eurovision-
keppni og 78,3% á síðasta skaup.
68,7% horfðu á Íslendinga taka
Spánverja í kennslustund í hand-
bolta í undanúrslitum á ÓL 2008 í
Peking en færri létu sig hafa það að
sjá Frakka valta yfir okkur í úrslita-
leiknum, 58,6%. Úrslitaleikurinn í
heimsmeistarakeppninni í ár mæld-
ist með minna áhorf en úrslitaleik-
urinn á Evrópumótinu fyrir tveimur
árum. Sá leikur mældist með 71,8%
áhorf. haa@mbl.is
Mikið áhorf á úrslitaleik
 Þó minna en á
úrslitaleik Evr-
ópumótsins 2008
Uppsafnað sjónvarpsáhorf hjá RUV
Eurovision 2009
Eurovision 2010
Áramótaskaup 2009
EM 2008 (Spánn - Þýskaland úrslit)
ÓL 2008 (Ísland - Spánn)
ÓL 2008 (Ísland - Frakkland)
HM 2010 (Spánn - Holland úrslit)
HM 2010 (Spánn - Þýskaland
undanúrslit)
92,3%
85,7%
78,3%
71,8%
68,7%
58,6%
68,9%
59,7%
„Ásbyrgi er minn uppáhalds-
staður á Íslandi. Það er ótrú-
lega fallegt þar,“ segir Sæ-
mundur. Hann er alinn upp í
Grundarfirði en hefur búið lengi
í Reykjavík. „Ég bý í
Breiðholtinu og líður
ákaflega vel þar.“ Hann
segir jafnframt að hann hafi
mjög gaman af vinnu sinni.
„Maður veit samt aldrei
hversu vinnudagurinn verður
langur. Stundum þarf maður að
vera að í sólarhring í einu.“
Ásbyrgi falleg-
asti staðurinn
REYNIR AÐ FERÐAST MIKIÐ
Hellidemba var á höfuðborg-
arsvæðinu í gær og leituðu flestir
skjóls fyrir veðrinu, jafnt menn sem
málleysingjar. Mávarnir, sem sum-
um finnst nóg af en öðrum finnst
skemmtilegustu fuglar, hvíldu sig
um stund á handriði og hristu drop-
ana af sér áður en haldið var í enn
eina ætisleitina.
sunna@mbl.is
Morgunblaðið/Ómar
Í vari fyrir vætunni