Morgunblaðið - 24.07.2010, Qupperneq 40

LAUGARDAGUR 24. JÚLÍ 205. DAGUR ÁRSINS 2010
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 590 ÁSKRIFT 3890 HELGARÁSKRIFT 2400 PDF Á MBL.IS 2200
VEÐUR » 8 www.mbl.is
»MEST LESIÐ Á mbl.is
1. Lögregla rannsakar erjur
2. Erfið nótt í Laugardalslaug
3. Fallist á rök Lýsingar
4. Ekki ósanngjörn lending
 Ljósmyndahópurinn Imagio varð á
dögunum í fyrsta sæti í stórri alþjóð-
legri ljósmyndasamkeppni. Sigurinn
er mikill heiður. »33
Íslenskur sigur í
alþjóðlegri keppni
 Tónlistarmað-
urinn Jóhann G.
Jóhannsson sendi
nýverið frá sér
plötuna JohannG
in English, en þar
syngja 30 íslensk-
ir söngvarar 28
lög Jóhanns á
ensku. „Ég er að
taka saman það besta,“ segir Jóhann
um breiðskífuna sem hann gefur út á
eigin spýtur. »32
Bestu söngvarar
landsins syngja lögin
 Stórtenórinn Jose Carreras mun
syngja aftur í La Scala-óperuhúsinu
10. október næstkomandi, en fjórtán
ár eru liðin síðan hann kom þar síð-
ast fram. Tilefnið eru söfnunartón-
leikar til styrktar krabbameinsrann-
sóknum, en Carreras greindist sjálfur
með hvítblæði 1997, ári eftir að hann
söng síðast í La Scala. Eft-
ir að hann greindist
setti hann á fót stofnun
sem safnar fé til
krabbameinsrannsókna
og átti meðal annars þátt
í því að koma á fót
spænskum gagnagrunni
yfir beinmergsgjafa.
Jose Carreras snýr
aftur í La Scala
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Hægur vindur og lítilsháttar væta sunnan til framan af degi, en
bjartviðri og líkur á síðdegisskúrum norðan til. Hiti 10 til 20 stig, hlýjast norðanlands.
Á sunnudag Suðaustlæg átt, 5-10 m/s og súld eða rigning með köflum sunnan- og vest-
anlands, en bjartviðri annars staðar. Hiti 12 til 22 stig, hlýjast norðaustan til.
Á mánudag Fremur hæg suðlæg og síðar breytileg átt og rigning með köflum í flestum
landshlutum, síst þó austanlands. Hiti breytist lítið.
Ásdís Hjálmsdóttir úr Ármanni er
komin til Barcelona þar sem hún mun
taka þátt í spjótkasti á Evrópumeist-
aramótinu. Hún mun keppa í und-
ankeppninni á þriðjudagskvöldið og
segist í samtali við Morgunblaðið
stefna á að komast í úrslit. Ásdís
kom beint af Demantamóti í Mónakó
sem haldið var á fimmtudagskvöldið.
»1
Ásdís er klár í slaginn á
EM í Barcelona
Fjögur lið eiga möguleika á
að komast í úrslitaleik
VISA-bikarkeppninnar í
fótbolta kvenna. Undan-
úrslitaleikirnir fara fram í
dag en Valur hefur titil að
verja. Þjálfari KA/Þórs
vonast til þess að komast
alla leið í úrslit með sitt lið.
Í Vestmannaeyjum er
spenna í loftinu þar sem
fyrstu deildar lið ÍBV tekur
á móti Stjörnunni. »4
Allt lagt undir í
undanúrslitunum
Birgir Leifur Hafþórsson úr GKG og
Ólafía Þórunn Kristinsdóttir eru í for-
ystu þegar Íslandsmótið í höggleik er
hálfnað á Kiðjabergsvelli í Grímsnesi.
Þau voru einnig í forystu eftir fyrsta
hring en forskot Birgis er nú tvö högg
og forskot Ólafíu er þrjú högg. Birgir
er þrefaldur Íslandsmeist-
ari en Ólafía hefur
aldrei orðið Íslands-
meistari í meist-
araflokki.
»3
Birgir Leifur og Ólafía
héldu forystu sinni
Gunnþórunn Jónsdóttir
gunnthorunn@mbl.is
Rey Cup-mótið hefur gengið rosa-
lega vel að sögn Guðnýjar Marinós-
dóttur, framkvæmdastjóra mótsins,
en mótið var sett 21. júlí. Mikil
ánægja ríkir meðal gesta og svo
virðist sem allir skemmti sér vel.
„Ég kíkti í skólann í gærkvöldi og
hitti ekki einn þátttakanda sem var
óánægður,“ segir Guðný en flest fót-
boltaliðin gista í skólum í Laugar-
dalnum sem skapar betri stemningu
á mótinu og þjappar hópunum sam-
an. „Ég talaði við stelpur úr Víkingi
og þeim fannst þetta bara tilheyra
að vera saman á mótinu á öllum tím-
um.“
Mikil og þétt dagskrá hefur verið
á mótinu og til að mynda var haldið
sundlaugarpartí fyrir krakkana í
Laugardalslaug á fimmtudaginn. Í
gærkvöldi var svo skemmtibolti en á
morgun verður lokahófið. Þá verður
haldin grillveisla í Fjölskyldu- og
húsdýragarðinum og feiknastórt
dansiball um kvöldið þar sem Ingó
og Veðurguðirnir leika fyrir dansi.
„Þetta er aðalunglingaballið yfir
sumartímann,“ segir Guðný.
Mótið verði enn stærra
Rey Cup-mótið er nú haldið
níunda árið í röð og hefur notið mik-
illa vinsælda meðal unglinga sem
stunda fótbolta en þátttakendur eru
13-16 ára. „Þetta er orðið að föstum
lið hérna í Reykjavíkurborg. Við
vonumst til að þetta stækki þannig
að fleiri félög komist inn,“ segir
Guðný. „Það eru níutíu lið, þar á
meðal tvö erlend lið, stúlknalið frá
Færeyjum og drengjalið frá Þýska-
landi. Flestir spila 11 manna
bolta. Þó eru þrír riðlar þar
sem eru fjögur lið í hverjum
riðli í sjö manna bolta. Það er
allt gert til þess að litlu fé-
lögin utan af landi geti verið
með.“
Mikil gleði meðal mótsgesta
 Úrslit níunda
Rey Cup-mótsins
verða á morgun
Morgunblaðið/Ernir
Kátar Stúlkurnar frá Færeyjum sögðust ánægðar með mótið og finnst gaman að vera á Íslandi. Þær hafa spilað
fjóra leiki enn sem komið er en hlakka til lokahófsins og hafa þegar farið í Kringluna og keypt kjóla fyrir tilefnið.
Kraftur Boltanum er hér sparkað af alefli en keppt er frá 8 til 19 á kvöldin.
Fanndís Ósk Björnsdóttir er á
fimmtánda ári og spilar fót-
bolta með Hetti á Egils-
stöðum. Þetta er þriðja mótið
hennar og segir hún það hafa
verið mjög skemmtilegt
hingað til. „Síðan gistum
við í Laugalækjarskóla,
með Færeyingunum,“
segir Fanndís sem ætlaði
að gera sér glaðan
dag eftir leik, kíkja í
Kringluna og fara í
bíó að sjá myndina
Shrek 3D.
Fer í bíó
í frítímanum
SKEMMTILEGT MÓT
Fanndís Ósk