Morgunblaðið - 15.09.2010, Síða 12

12 FRÉTTIRInnlent
MORGUNBLAÐIÐ MIÐVIKUDAGUR 15. SEPTEMBER 2010
Dagana 20.-24. september verða
Jafnréttisdagar haldnir í Háskóla
Íslands annað árið í röð. Líkt og í
fyrra verður dagskráin afar fjöl-
breytt og verður fjallað um jafn-
rétti í víðum skilningi og frá mis-
munandi sjónarhornum. Að
dögunum standa fjölmargir aðilar
innan Háskólans sem tengjast jafn-
réttismálum, rannsóknastofnanir,
námsbrautir, ýmis hagsmunafélög
nemenda, jafnréttisnefndir innan
skólans og fleiri aðilar, auk aðila
utan skólans.
Jafnréttisdagar í HÍ
Morgunblaðið/Kristinn
Leikskólinn Brekkuborg í Graf-
arvogi og umhverfis- og samgöngu-
svið Reykjavíkurborgar hafa gert
með sér grenndargarðssamning um
samstarf og nýtingu grennd-
arsvæðis.
Samkomulagið felur í sér að
Brekkuborg hefur frjálsan aðgang
að afmörkuðu svæði í borgarland-
inu og ber um leið ábyrgð á um-
gengni þar. Markmiðið er að skapa
vettvang fyrir umhverfisfræðslu
þar sem unnið er að sjálfbærri þró-
un um nýtingu svæðisins sem nefnt
er Leynilundur. Starfsfólk leikskól-
ans hefur notið leiðsagnar Nátt-
úruskóla Reykjavíkur. Markmiðið
með útivist í Brekkuborg er m.a. að
efla alhliða þroska barnanna og að
börnin læri að bera virðingu fyrir
náttúrunni og umhverfinu.
„Samningurinn veitir okkur við-
urkenningu á því starfi sem við höf-
um unnið hér í Brekkuborg, m.a. á
þeirri umhverfismennt og vistfræði
sem við höfum kennt börnunum,“
segir Jóhanna Kristjánsdóttir að-
stoðarleikstjóri á Brekkuborg.
Í Leynilundi Börnin á Brekkuborg voru stillt og prúð í heimsókninni í Leynilund.
Leikskólabörn læra umhverfismennt
í nýrri útikennslustofu í Leynilundi
Útvarp KRfm 98,3 fagnar þeim
áfanga að senda út sína 300. út-
sendingu á fimmtudag en þá er
leikur við Breiðablik á KR-velli.
KR-ingar hafa haldið úti þessari
starfsemi af mikilli elju. Útvarps-
stjóri er Höskuldur Höskuldsson.
KR-útvarpið var stofnað 1999 og
er á sínu tólfta starfsári. Útvarpið
sendir út á öllum leikdögum meist-
araflokks karla í knattspyrnu.
„Margir af kunnustu fréttamönn-
um og blaðamönnum þjóðarinnar
hafa komið að útvarpinu frá stofn-
un þess og einnig hafa margir stig-
ið sín fyrstu skref í útvarpinu og
hafið störf á öðrum miðlum í lýs-
ingum. Það eru t.d. Heimir Guð-
jónsson, Andri Sigþórsson, Guð-
mundur Benediktsson, Willum Þór
Þórsson, Pétur Pétursson og Krist-
inn Kjærnested,“ segir í tilkynn-
ingu frá KR-ingum. Það má segja
að öll árin hafi KR-útvarpið beðið
eftir að Bjarni Felixson kæmi til
starfa og rættist sú ósk í sumar.
Hann hefur lýst flestum leikjum
KR-útvarpsins á þessu sumri.
Morgunblaðið/Árni Sæberg
Bjarni Fel Hinn landskunni útvarpsmaður
hefur gengið til liðs við KR-útvarpið.
KR-útvarpið lýsir
frá 300. leiknum
Ljósið efnir til hátíðartónleika í Háskólabíói þann 22.
september nk. Tónleikarnir eru lokahnykkurinn á fjöl-
breyttu afmælisári félagsins. Fjöldi þekktra tónlistar-
manna kemur fram á tónleikunum og leggur um leið
góðu málefni lið.
Sjálfseignarstofnunin Ljósið var stofnuð af hópi
fólks sem vildi efla endurhæfingu fyrir krabbameins-
greinda og auka stuðning við aðstandendur þeirra.
Markmið starfseminnar er að veita sérhæfðan stuðn-
ing, byggja upp líkamlegt og andlegt þrek og efla lífs-
gæði þeirra sem leita til Ljóssins. Ljósið er til húsa að
Langholtsvegi 43, Reykjavík, þar sem áður var útibú
Landsbankans.
Á síðasta ári sóttu 700 manns þjónustu í Ljósið.
Miðarnir eru seldir hjá Ljósinu og á heimasíðu Ljóssins www.ljosid.is.
Hátíðartónleikar Ljóssins í lok september
Diddú kemur fram á
tónleikum Ljóssins.
Fyrsta rannsóknarkvöld Félags ís-
lenskra fræða á þessu haustmisseri
verður haldið á morgun, fimmtu-
dag kl. 20.00, í húsi Sögufélagsins,
Fischersundi 3. Þar flytur Carolyne
Larrington fyrirlestur sem hún
nefnir „Family Drama in the Heroic
Poems of the Edda: Atlakviða and
Atlamál“. Allir eru velkomnir.
Carolyne Larrington er kennari
og fræðimaður við St. John’s Col-
lege, Oxford-háskóla. Hún lauk
doktorsprófi frá sama háskóla en
doktorsritgerð hennar fjallaði um
um forn-norræn og fornensk speki-
ljóð. Áhugasvið hennar spannar
m.a. goðafræði, kvenpersónur og
riddarabókmenntir.
Fjölskyldusögur
og hetjukvæði
STUTT
ÚR BÆJARLÍFINU
Ómar Garðarsson
Vestmannaeyjar
Sennilega hefur fáa Eyjamenn
órað fyrir þeirri breytingu sem
varð með tilkomu Landeyjahafnar
sem opnuð var 21. júlí í sumar. Sjá
mátti á götum þegar Herjólfur
kom úr sinni fyrstu ferð á morgn-
ana. Allt í einu var Vestmanna-
eyjabær, sem hefur þótt heldur
dauflegur í ágúst, orðinn iðandi af
lífi frá því Herjólfur kemur úr
sinni fyrstu ferð á morgnana þang-
að til hann fer síðustu ferð dagsins
í Landeyjahöfn. Þetta sýndi að
Vestmannaeyjar eru komnar í al-
faraleið.
  
Það er því talsvert reiðarslag
þegar höfnin lokaðist vegna sand-
burðar en nú eru Eyjamenn búnir
að sjá hvaða þýðingu þessi nýi
möguleiki í samgöngum hefur fyrir
Vestmannaeyjar. Í dag er siglt til
Þorlákshafnar en vonir standa til
að sanddælingu ljúki einhvern
næstu daga og Herjólfur hefji
áætlunarferðir í Landeyjahöfn.
Sigling þangað tekur hálftíma á
móti þremur tímum í Þorlákshöfn.
  
Það þarf ekki að eyða mörg-
um orðum í að tíunda áhrifin sem
Landeyjahöfn hafði á bæjarfélagið
í heild. Vestmannaeyjar voru allt í
einu er komnar á kortið svo um
munaði, bæði hjá erlendum og inn-
lendum ferðamönnum. Hafa hátt í
80.000 farþegar tekið sér far með
skipinu á fyrstu vikunum sem sam-
svarar því að fjórði hver Íslend-
ingur hefði siglt með Herjólfi þess-
ar vikur frá því Landeyjahöfn var
opnuð.
  
Nýtt útisvæði við sundlaugina
var tekið í notkun í sumar og er
mál manna að hvergi hér á landi sé
að finna glæsilegra sundlaug-
arsvæði og hefur það reynst hafa
aðdráttarafl fyrir innlenda ferða-
menn sem streymdu hingað til að
skreppa í sund með börnin. Nokk-
uð sem engan hefði órað fyrir, fyr-
ir ekki svo löngu síðan.
  
Nú styttist í að ný Þórunn
Sveinsdóttir VE, sem er verið að
smíða fyrir Ós ehf. í Vest-
mannaeyjum, verði afhent í Dan-
mörku en stefnt er að því að hún
komi til heimahafnar í Vest-
mannaeyjum fyrir jól.
„Manni sýnist þetta ganga
ágætlega þó endapunkturinn á af-
hendingu sé ekki endanlega kom-
inn,“ sagði Sigurjón Óskarsson, út-
gerðarmaður, sem er úti til að
fylgjast með smíðinni. „Samkvæmt
samningi á Þórunn að afhendast
21. nóvember,“ sagði Sigurjón.
Vestmannaeyjar í alfaraleið
Morgunblaðið/Ómar Garðarsson
Á fleygiferð Útisvæðið við sundlaugina þykir hið glæsilegasta.
Rúnar Pálmason
runarp@mbl.is
Gönguátakið Esjan að hausti – alveg
fram að jólum hófst í gær þegar 23
manna hópur undir leiðsögn Þórðar
Inga Marelssonar gekk á Þverfells-
horn í Esjunni. Þetta var fyrsta fjall-
gangan á Esjuna af 22 sem Þórður
leiðir í vetur, fyrir hönd Ferðafélags
Íslands.
Þórður er einlægur aðdáandi
Esjunnar. Hann hefur gengið ótal
sinnum á fjallið og eftir því sem ferð-
unum fjölgar líkar honum betur við
fjallið. „Þetta er eins og með hjóna-
bandið, eftir því sem maður kynnist
makanum betur eykst hamingjan,“
segir hann.
Allir vita að Esjan er falleg en
Þórður segir að margir átti sig ekki
á því hversu fjölbreytt fjallið er og
hversu margar leiðir liggja upp á
það. Fyrir um þremur árum hafi
hann tekið upp á því að fara nokkr-
um sinnum í röð á Esjuna, stundum
fimm eða tíu daga í röð, og þá fundið
á eigin skinni hversu margbreytileg
Esjan er. Upp úr því fór hugmyndin
að gönguátaki á Esjuna að þróast
með honum.
Göngudagskrána má sjá á vef
Ferðafélagsins, fi.is, og þar er líka
hægt að skrá sig til þátttöku. Af því
hversu margir áfangastaðir og fjalls-
toppar eru tilgreindir í dagskránni
sést vel að Esjan er ekki bara einfalt
fjall heldur mikill fjallbálkur.
Þórður minnir á að fjölbreyti-
leiki Esjunnar liggi ekki aðeins í
landslaginu heldur ekki síður í veð-
urfarinu og árstíðarbreytingum.
Esjan bjóði allaf upp á eitthvað nýtt.
Ekki þarf að vera í neinu ofur-
formi til að taka þátt í fjallgöng-
unum heldur er átakið fyrir alla sem
eru í þokkalegu formi. Víst er að
þrekið og sjálfstraustið eykst með
hverri ferð. „Það vaknar alltaf ein-
hver íþrótta- eða útivistarmaður í
fólki við að ganga á Esjuna,“ segir
Þórður. Eftir fyrstu 2-3 ferðirnar
fari fólk undantekningarlítið að
ræða um hvort ekki verði bráðum
tímabært fyrir það að ganga á
Hvannadalshnúk.
Esjan verður aldrei
eins í 22 fjallgöngum
Morgunblaðið/Kristinn
Hamingjusamur Þórður Ingi Marelsson í fylkingarbrjósti á leiðinni upp á Þverfellshorn í garranum í gærkvöldi.
 Átakið Esjan að hausti – alveg fram að jólum hófst í gær
 Hamingjusamari eftir því sem þeir kynnast Esjunni betur
Stjörnubjart?
» Sá sem tekur þátt í fjall-
göngunum þarf að vera með
gott höfuðljós, þótt Þórður
geri reyndar ráð fyrir að yf-
irleitt verði stjörnubjartur him-
inn með norðurljósasýningu af
bestu gerð.
» Gengið er á þriðjudögum
og ýmist á laugardögum eða
sunnudögum til 4. desember.