Morgunblaðið - 16.04.2011, Blaðsíða 12

Innlent
MORGUNBLAÐIÐ LAUGARDAGUR 16. APRÍL 2011
Sigtryggur Sigtryggsson
sisi@mbl.is
Íslenskur bjór hefur slegið í gegn
hjá neytendum. Þetta kemur ber-
lega í ljós í samantekt ÁTVR yfir
mest selda vín og bjór árið 2010
sem birt er í nýútkomnu Vínblaði.
Af 20 söluhæstu bjórtegundunum
í 500 ml dósum voru 14 íslenskar.
Innifalið í þeirri tölu eru íslenskir
bjórar og íslensk framleiðsla undir
erlendum vörumerkjum.
Þegar listinn er skoðaður vekur
einnig athygli að fjórar söluhæstu
tegundirnar eru frá sama framleið-
andanum, Viking bruggi á Akur-
eyri.
Neytendur halda greinilega
tryggð við sína tegund því engin
breyting verður á níu efstu sæt-
unum, ef salan er borin saman við
árið 2009.
Sala áfengis dróst saman um
5,1% á milli áranna 2009 og 2010. Í
lítrum talið nemur samdrátturinn
um milljón lítrum. Samkvæmt upp-
lýsingum frá Áfengis- og tóbaks-
verslun ríkisins seldust 18.942 þús-
und lítrar af áfengi í Vínbúðunum í
fyrra. Metárið 2008 var heildarsala
áfengis 20.381 þúsund lítrar. Uppi-
staðan í sölunni er bjór, þ.e. lag-
erbjór, og skýrir minni sala á bjór
fyrst og fremst þennan samdrátt.
Hins vegar varð aukning á sölu
annarra bjórtegunda í fyrra eða um
66%. Sala á jólabjór sló t.d. öll met
fyrir síðustu jól.
Í Vínblaðinu eru birtir listar yfir
söluhæstu tegundir í öllum flokk-
um. Í flokki sterkra og brenndra
vína trónir Smornoff-vodki á toppn-
um sem fyrr og Bacardi kemur í
tveimur næstu sætum. Athygli vek-
ur að koníaksdrykkja virðist á und-
anhaldi því aðeins ein koniaksteg-
und kemst á listann yfir 20
söluhæstu vínin.
Í flokki léttvína er mest sala á
rauðvíni á flöskum. Söluhæsta teg-
undin reyndist vera Vina maipo Ca-
bernet S. Merlot frá Chile, en sú
tegund var í 14. sæti árið 2009.
Stökk upp um 203 sæti
Vínin frá Chile virðast eiga upp á
pallborðið hjá Íslendingum því það-
an koma átta af 20 söluhæstu vín-
unum. Sérstaka athygli vekur vínið
í 7. sæti á listanunm, Mamma Picc-
ini Rosi di Toscana frá Ítalíu. Þetta
vín stekkur upp um heil 203 sæti
frá árinu 2009.
Sala á hvítvínum hefur farið vax-
andi í vínbúðum ÁTVR undanfarin
ár, líklega á kostnað blandaðra
drykkja, en salan á þeim hefur nán-
ast hrunið.
Söluhæsta hvítvínið í fyrra var
Ars Vitis Riesling frá Þýskalandi. Í
öðru sæti er Rosemount GTR frá
Ástralíu. Báðar þessar tegundir eru
örlítið sæt vín en þau hafa einmitt
verið að sækja í sig veðrið á und-
anförnum árum.
Íslenski bjórinn er
langvinsælastur
 Af tuttugu söluhæstu bjórtegundum eru fjórtán íslenskar
Mest seldi bjórinn
2010
(2009)
1 Víking gylltur 1
2 Víking Lager 2
3 Víking Lite 3
4 Thule 4
5 Tuborg Green 5
6 Egils Gull 6
7 Tuborg Gull 7
8 Carlsberg 8
9 Egils Lite 9
10 Hollandia 14
11 Faxe Premium 10
12 Víking Sterkur 12
13 Saku Originaal 26
14 Heineken 11
15 Faxe Royal 13
16 Polar Beer 20
17 Egils Premium 15
18 Egils Pilsner 38
19 Egils Sterkur 16
20 Budweiser Budvar 19
Skapti Hallgrímsson
skapti@mbl.is
„Víking gylltur hefur verið á mark-
aði síðan bjórinn var leyfður á Ís-
landi 1989, og alltaf verið vinsæll.
Löwenbräu, sem var líka brugg-
aður hér fyrir norðan, var reyndar
langvinsælastur framan af, þannig
að við höfum alltaf verið í þeirri
stöðu að framleiða vinsælasta bjór-
inn,“ segir Baldur Kárason, brugg-
meistari Vífilfells á Akureyri.
„Víking gylltur hefur alltaf fallið
vel í kramið hjá bjóráhugamönnum
og salan aukist jafnt og þétt. Bæði
er bragðið einstakt og svo er hann
heldur sterkari en bjórinn almennt;
5,6%, og þrátt fyrir hækkanir á
áfengisgjöldum hefur hann haldið
sínu.“
Baldur segir íslenskan bjór al-
mennt mjög góðan. „Fjölbreytnin
hefur aukist og svo má segja að
vegna nálægðar við markaðinn sé
hann betri en erlendur bjór; á að
vera nýrri og ferskari en innfluttur
og þannig er hann bestur.“
Baldur bruggmeistari segir
áhuga hafa aukist mikið hin síðari
ár á ýmsum sérbjór, bragðmeiri og
dekkri en þeim sem kalla má venju-
legan. „En þeir vinsælustu eins og
Víking gylltur, lager, light og
Thule eru allir frekar léttir og
frískir, en með nokkuð ákveðnu
bragði. Íslendingar vilja ekki kar-
akterlausan bjór og fara eiginlega
milliveginn; vilja ekki eins bragð-
léttan bjór og Bandaríkjamenn hrí-
fast af og ekki alveg jafnbragðmik-
inn og Þjóðverjar og Tékkar vilja.“
Baldur hefur bruggað hjá Víf-
ilfelli síðan 1991 og verið við stjórn-
völinn síðan 1993. Galdurinn við
góðan bjór segir hann í fyrsta lagi
gott starfsfólk. „Hér eru starfs-
menn almennt með langan starfs-
aldur og vita því vel hvað þeir eru
að gera. Svo skiptir mjög miklu
máli að brugga eingöngu úr bestu
hráefnum og vatnið úr Hlíðarfjalli
er auðvitað gríðarlega gott.“
Baldur segir að alls staðar í
heiminum sé heimabjórinn vinsæl-
astur. Á Íslandi er innlendur bjór
með 72% markaðshlutdeild en er-
lendis sé algengt að hlutfallið sé yf-
ir 90%. „Við viljum því auðvitað sjá
hlutfallið hærra hér heima. Mér
finnst óþarfi að flytja inn erlent
vatn; yfir 90% af bjórnum er vatn,“
segir Baldur bruggmeistari Kára-
son á Akureyri.
„Íslendingar vilja ekki
karakterlausan bjór“
 Baldur brugg-
meistari á Akureyri
hefur bruggað vin-
sælasta bjórinn
Morgunblaðið/Skapti Hallgrímsson
Vinsæll Víkingur Bruggmeistarinn Baldur Kárason með vinælustu fram-
leiðsluna hjá Viking bjór, hinn gyllta Víking. Hann er söluhæstur á Íslandi.
Taíland
Balí
og Java
Bútan
18. maí – 1. júní
Pattaya
Verð frá 199.000 kr²
11. – 27. júlí
Koh Samui
Verð frá 275.000 kr²
11. – 23. október
Hua Hin
Verð frá 239.000 kr²
30. október – 20. nóvember
Phuket
Verð frá 287.500 kr²
12. – 25. nóvember
Krabi
Verð frá 267.000 kr²
Jólaferð 17. desember – 2. janúar
Hua Hin
Verð frá 388.000 kr²
Verð frá 368.000 kr²
Verð frá 687.000 kr²
14. september - 6. október
Fjölbreytt ferð um
Jakarta á Jövu og
Seminyak og Ubud á Balí.
Fjöldi skoðunarferða
innifaldar.
Íslensk fararstjórn.
11. – 23. október
Örfá sæti fáanleg.
¹ Verð per mann í tvíbýli í ferð til Pattaya 18. maí – 1. júní.
² Verð miðað við einstakling í tvíbýli.
Með fyrirvara um prentvillur. Nánari upplýsingar á www.oriental.is
www.oriental.is
Hjólað um
Laos
Verð frá 377.000 kr²
12. – 25. nóvember
Mögnuð ævintýrareisa.
NÁNAR Á
oriental.is
Ferðaskrifstofan Óríental ehf.
www.oriental.is
oriental@oriental.is
Sími 514 14 99 Ferðaskrifstofa
Leyfishafi
Ferðamálastofu
5 ÁRA
2006-2011
Verð frá 199.000 kr¹
UPPSELT
UPPSELT
ALLT
INNIFALIÐ
ÍSLENSK
FARAR-
STJÓRN
MIKIÐ
INNIFALIÐ
ÍSLENSK
FARAR-
STJÓRN