Morgunblaðið - 30.05.2011, Blaðsíða 10
10 DAGLEGT LÍF
MORGUNBLAÐIÐ MÁNUDAGUR 30. MAÍ 2011
Ingveldur Geirsdóttir
ingveldur@mbl.is
Þjóðlagasveitin Korka varðtil á Suðurlandi vorið 2008.Áhugahópur um menning-artengda ferðaþjónustu í
Þjórsárdal, sem kallar sig „Undir
öskunni“, fékk nokkra tónlistar-
menn af Suðurlandi til að útsetja
þjóðlög og flytja tónlist í líkingu við
þá sem iðkuð var á árdögum Ís-
landsbyggðar. Korka er afsprengi
þeirrar vinnu og kom hún fyrst fram
á Landnámsdegi í Þjóðveldisbænum
í Þjórsárdal þetta sama vor.
„Þær Magnea Gunnarsdóttir og
Birgit Myschi eru forsprakkar að
stofnun Korku. Í kringum þær
byggist þessi hópur upp en ég kem
inn í Korku 2009. Það sama ár fékk
sveitin styrk frá Menningarráði
Suðurlands til búninga- og hljóð-
færakaupa. Svo fórum við hægt og
rólega af stað,“ segir Helga Sig-
hvatsdóttir sem er annar tveggja
blokkflautuleikara Korku. Ásamt
henni eru í sveitinni; Birgit Myschi
sem leikur á gítar og kontrabassa og
sér að mestu um útsetningarnar,
Magnús Einarsson leikur á ásláttar-
hljóðfæri, Elva Dögg Valsdóttir
syngur og spilar á gítar, Guðmundur
Pálsson leikur á fiðlu og víólu, Ingi-
björg Birgisdóttir á blokkflautur og
Magnea Gunnarsdóttir syngur.
„Þetta eru sex til sjö manns
sem venjulega skipa Korku, allir af
Suðurlandi og eru þeir ýmist kenn-
Sækja í menningu
landnemanna
Þjóðlagasveitin Korka er skipuð kennurum og núverandi og fyrrverandi nem-
endum Tónlistarskóla Árnesinga. Hópurinn flytur norræn og miðevrópsk þjóðlög
og kemur fram í víkingaklæðum.
Tónleikar í Odda Frá vinstri eru: Helga Sighvatsdóttir, Birgit Myschi,
Magnea Gunnarsdóttir, Magnús Einarsson, Elva Dögg Valsdóttir, Guð-
mundur Pálsson og Ingibjörg Birgisdóttir.
Sporcle.com er hrikalega skemmti-
legur vefur með alls konar hugar-
leikum, þar sem hægt að kanna til
dæmis hvað maður þekkir mörg fylki
Bandaríkjanna, marga leikara sem
hafa fengið Óskarsverðlaun og þar
frameftir götunum.
Þarna er að finna spurningar og
leiki fyrir alla og á öllum getustigum.
Um sexþúsund leiki er að finna á síð-
unni auk margs annars.
Hægt er að sjá hvaða leikir eru vin-
sælastir og hvaða nýju leikir eru
mest spilaðar. Vinsælasti leikur síð-
unnar frá upphafi er að spreyta sig á
að þekkja fylki Bandaríkjanna, þá
kemur leikur þar sem á að þekkja
löndin í Evrópu og sá þriðji vinsælasti
er að þekkja löndin í heiminum. Not-
endur síðunnar virðast því vera hrifn-
ir af landafræði. Vinsælasti nýi leik-
urinn heitir Drug or Pokémon?
Þetta er tilvalin síða fyrir alla sem
hafa áhuga á að reyna á eigin getu.
Vefsíðan www.sporcle.com
Morgunblaðið/Árni Sæberg
Spurningar Vefsíðan er eflaust
skemmtileg fyrir Trivial Pursuit-nörda.
Skemmtilegir hugarleikir
Skannaðu kóðann
til að fara inn á
vefsíðuna.
Eitt af hverjum tíu pörum sefur í sitt
hvoru rúminu eftir fæðingu fyrsta
barnsins til að tryggja góðan nætur-
svefn. Þetta kemur fram í könnun á
svefnvenjum um 2.000 foreldra í Bret-
landi sem var gerð nýlega í tengslum
við The Baby Show. Sumir sváfu hvor í
sínu rúminu allt þar til barnið varð árs-
gamalt.
Einnig kom í ljós að foreldrar í Man-
chester fá mestan svefn, eða að með-
altali átta tíma á hverri nóttu, á meðan
foreldrar í London fá minnstan svefn,
eða að meðaltali um 3,5 klst. á nóttu.
Það sem kom fram í könnuninni var
meðal annars að:
Aðeins 64% para sofa í sama rúm-
inu á hverri nóttu eftir að hafa eignast
barn.
23% mæðra leita úrræða til að fá
góðan svefn eftir fæðingu fyrsta
barnsins.
14% viðmælenda viðurkenndu að
þeir héldu áfram að taka inn svefntöfl-
ur, alveg upp í 18 mánuði eftir fæðingu
barnsins.
48% foreldra sögðu svefnskort
hafa áhrif á hversu orkumiklir þeir
væru.
35% sögðu að nætursvefninn hefði
áhrif á samband þeirra við makann.
15% sögðu að svefn hefði áhrif á
þyngd og útlit.
2% sögðust þjást af einbeiting-
arskorti eftir lítinn svefn.
Um þrír af hverjum fimm feðrum
sinna barni sínu á nóttunni ef það er
að gráta eða annað.
Eitt af hverjum þremur pörum
skiptist á að sinna barni sínu á nótt-
unni.
Því fleiri börn sem foreldrar eiga því
meiri svefn fá þeir að meðaltali hverja
nótt. Mæður og feður með eitt barn
fengu að meðaltali fjögurra stunda
svefn á nóttu en foreldrar með tvö eða
fleiri börn fengu sex stunda svefn að
meðaltali.
Foreldrar í Manchester fengu mest-
an svefn, að meðaltali átta stundir en
foreldrar í London að meðaltali 3,5
stundir. Foreldrar í Birmingham sváfu
að meðaltali sjö stundir, hálftíma
styttra í Oxford, fimm stundir í Bristol
og fjórar stundir í Leeds.
53% foreldra leyfa börnunum sín-
um aldrei að sofa uppi í hjá sér, en eitt
af hverjum tólf foreldrum leyfir barni
sínu að sofa upp í hjá sér á hverri
nóttu til eins árs aldurs.
37% foreldra færðu börnin í sér
herbergi þegar þau voru 3 til 6 mán-
aða.
Foreldrar og börn
Reuters
Sex börn Ætli Brad Pitt og Angelina
Jolie sofi í sama rúminu?
Foreldrar sofa ekki í sama rúmi
Það er orðið árvisst að um leið og
sól hækkar á lofti leggur grilllykt-
ina yfir landið. Það er hringt í vini
og boðið í grill hvort sem það eru
fínar steikur eða pulsur. Svo liggja
allir á blístri út á palli yfir sumar-
ið, búnir að belgja sig út af grill-
mat og öðru góðgæti í góðum hópi
fjölskyldu og vina.
Íslendingar eru ekkert einir um
þetta. Breska blaðið Independent
gerir grillhefðum Breta góð skil í
nýlegri grein. Þar kemur fram að í
venjulegri grillveislu borðar hver
einstaklingur að meðaltali yfir
3000 kalóríur, fyrir konur er það
kalóríufjöldi sem ætti að borða yf-
ir einn og hálfan dag. Það er erfitt
að ráða við græðgina þegar að
grillinu kemur.
Í nýlegri breskri könnun kom
það líka í ljós að yfir 80% af pör-
um sögðu að það væri karlmaður-
inn sem sæi um grillið. Sama þótt
þeir kæmu vanalega ekki nálægt
eldhússtörfunum. Karlmenn eru
samt ekki fæddir með náttúrulega
hæfileika til að grilla, eins og með
alla aðra matreiðslu þarf að læra
hvernig á að grilla.
Grill er ekkert grín og hér eru
nokkur atriði sem vert er að hafa í
huga svo matreiðslan heppnist vel:
1 Ef notað er kolagrill er nauð-
synlegt að hafa þolinmæðina til
að bíða eftir því að kolin verði
að grárri ösku áður en matnum
er skellt á. Það er mjög mikil-
vægt.
2 Grillpinna, fisk og grænmeti er
gott að marinera í olívuolíu og
sítrónusafa rétt áður en það er
sett á grillið.
3 Ekki krydda matinn of mikið.
Tilhneiging er til að nota of
mikið salt á grillmat.
4 Ekki ofelda, sérstaklega ekki
ofelda kjöt. Ef safinn flæðir
hreinn út þegar pinna er stung-
ið í stykkið er það tilbúið.
5 Kreistið sítrónusafa (til mýk-
ingar) yfir matinn á meðan
hann eldast. Sítrónusafi í
plastflöskum er ódýrastur.
6 Fylgdu uppskriftum og ráð-
leggingum matreiðslumeist-
ara.
7 Fjárfestu í almennilegum grill-
búnaði í staðinn fyrir að kaupa
endalaust af einnota dóti.
8 Mundu að það er ekki skylda
að grilla bara kjöt, það er margt
annað í boði.
9 Ef þú notar gasgrill þarftu ekki
að vera bundinn við það að
grilla aðeins á sólardögum eða í
sumarfríinu.
10 Ekki drekka of mikið. Kokkurinn
þarf ekki að vera marineraður
ásamt matnum.
Matur
Morgunblaðið/Ómar
Grillað Það skiptir máli að vanda til verka þegar maturinn er settur á grillið.
Góð grillráð sem koma að gagni
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími
:
569 1105
kata@mbl.is
Morgunblaðið
gefur út glæsilegt
sérblað um
Tísku og förðun
föstudaginn
3. júní
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 30. maí.
Í Tísku og förðun verður fjallað
um tískuna sumarið 2011 í
förðun, snyrtingu, sólarkrem-
um og fatnaði auk umhirðu
húðarinnar, dekur og fleira.
Tíska & förðun
SÉRBLAÐ