Morgunblaðið - 31.05.2011, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 31. MAÍ 2011
Á morgun, miðvikudag, verður
Thorvaldsensbazarinn 110 ára. Það
var á 25 ára afmæli Thorvaldsens-
félagsins árið 1900 sem félags-
konur ákváðu að opna bazar. Til-
gangur Thorvaldsensbazarsins
hefur frá upphafi verið að afla fjár
til styrktar veikum börnum og þeim
sem minnst mega sín í þjóðfélaginu.
Thorvaldsensbazarinn hefur
ávallt verið til húsa á sama staðnum
í Austurstræti 4, en félagið keypti
þá húseign árið 1905. Það er gamall
siður félagsins að bjóða gestum og
gangandi upp á kaffi og pönnukök-
ur á þessum degi og eru allir vel-
komnir að koma og skoða það sem
á boðstólum er.
Morgunblaðið/Jim Smart
1930 Thorvaldsenfélagið hefur í áratugi
safnað fyrir þá sem minna mega sín.
Thorvaldsens-
bazarinn 110 ára
Í dag, þriðjudag kl. 12-13:30, boðar
SÍBS til opins fundar í Iðnó með
fulltrúum allra þingflokka á Al-
þingi. Lagðar hafa verið sex spurn-
ingar um heilbrigðis- og lyfjamál
fyrir fulltrúa þingflokkanna sem
svarað verður á fundinum. Skrif-
legum svörum fulltrúanna verður
dreift á fundinum og gefst fundar-
gestum tækifæri til að bera upp
spurningar.
Fulltrúar þingflokkanna eru:
Guðlaugur Þór Þórðarson fyrir
Sjálfstæðisflokkinn, Siv Friðleifs-
dóttir fyrir Framsóknarflokk, Jón-
ína Rós Guðmundsdóttir fyrir Sam-
fylkingu, Margrét Tryggvadóttir
fyrir Hreyfinguna, og Þuríður
Backman fyrir Vinstrihreyfinguna
- grænt framboð.
SÍBS spyr þing-
flokka um lyfjamál
Á þessu ári fagnar Japansk-
íslenska félagið 20 ára afmæli sínu
og systurfélag þess á Íslandi, Ís-
lensk-japanska félagið fagnar líka
30 ára afmæli sínu. Af því tilefni
hefur Japansk-íslenska félagið
ákveðið að færa Reykjavíkurborg
50 kirsuberjartré að gjöf sem gróð-
ursett verða í Hljómskálagarðinum.
Trén 50 tákna samanlagðan aldur
félaganna og ævarandi vináttu og
frið milli Japans og Íslands. Gróð-
ursetningarathöfnin fer fram í dag,
þriðjudag kl. 16 í Hljómskálagarð-
inum.
Kirsuberjatré
Á sunnudag sl.
hélt Áslaug Arn-
oldsdóttir, sendi-
fulltrúi Rauða
kross Íslands, til
Líbíu þar sem
hún mun starfa
sem hjúkrunar-
fræðingur með
Alþjóða Rauða
krossinum í
borginni Beng-
hazi. Þangað hefur sært fólk verið
flutt af átakasvæðum í Líbíu til að
veita því læknisaðstoð. Áslaug er
einn reyndasti sendifulltrúi Rauða
kross Íslands og hefur áralanga
reynslu af störfum á átakasvæðum.
Þá hefur utanríkisráðuneytið veitt
Rauða krossi Íslands fimm milljóna
króna styrk vegna hjálparstarfsins
í Líbíu.
Sendifulltrúi Rauða
krossins fer til Líbíu
Áslaug
Arnoldsdóttir
STUTT
VIÐTAL
Björn Jóhann Björnsson
bjb@mbl.is
Áhugi Bandaríkjamanna á íslenskum matvælum í
verslunum Whole Foods Market (WFM) hefur
stóraukist á undanförnum árum, að sögn Baldvins
Jónssonar í Washington, sem stýrt hefur kynn-
ingarverkefninu Sjálfbært Ísland. Baldvin, sem
búsettur hefur verið í Washington í fimm ár, segir
gengisþróunina vissulega hafa verið hagstæða ís-
lensku vörunum. Í heild geti verkefnið hafa skilað
sölu í Bandaríkjunum upp á sjö milljónir dollara á
síðasta ári, eða rúmar 800 milljónir króna. Stefnt
er að sölu á þessu ári upp á 8-9 milljónir dollara,
eða um einn milljarð króna.
„Ég hef mikla trú á að þetta geti vaxið. Vör-
urnar seljast alltaf betur og betur og við erum að
fá mjög jákvæða umfjöllun í bandarískum fjöl-
miðlum um gæði íslensku vörunnar, einkum í fag-
tímaritum á sviði matargerðar og ferðalaga,“ seg-
ir Baldvin, sem aðallega hefur unnið að því að
markaðssetja íslenskar matvörur í verslunum
Whole Foods, sem eru yfir 300 í Bandaríkjunum.
Þar eru eingöngu seldar hágæðamatvörur, sem
vottaður eru sem sjálfbært framleiddar.
Flug Icelandair þýðingarmikið
Nýverið stóð Baldvin fyrir kynningu í einni
verslun WFM í Washington, í tilefni af fyrsta
flugi Icelandair til höfuðborgar Bandaríkjanna,
þar sem kokkurinn góðkunni, Siggi Hall, mætti
og eldaði íslenskar afurðir ofan í viðskiptavini
verslunarinnar. Baldvin segir beint flug Ice-
landair til Washington hafa mikla þýðingu, ekki
aðeins fyrir ferðaþjónustuna heldur einnig mat-
vælafyrirtæki sem geti nú flutt beint út ferskari
vöru.
Er blaðamaður Morgunblaðsins kom við í
verslun WFM var Siggi Hall að pönnusteikja ís-
lenskan lax en einnig var skyrið á boðstólum, en
Bandaríkjamenn hafa tekið íslenska skyrinu
fagnandi. Að sögn Baldvins seljast um 20 þúsund
dósir af skyri í verslunum Whole Foods í viku
hverri. Þar er einnig til sölu smjör frá Íslandi, ost-
ar, kjöt, fiskur, vatn og súkkulaði. Vinnur Baldvin
að því stöðugt að fá fleiri matvæli frá Íslandi inn í
verslanirnar og nýjasta afurðin kemur frá fyrir-
tækinu Hafnot í Grindavík, þurrkaður þari og
þurrkuð söl sem notuð eru til matargerðar hvers-
konar.
Auk þess hefur Baldvin tekið að sér að að-
stoða önnur lönd á Norðurlöndum við að fá inni
hjá Whole Foods með sínar matvörur. Komst
hann að þeirri óvæntu staðreynd að Íslendingar
ættu fjölbreyttari matarflóru á markaði í Banda-
ríkjunum heldur en aðrar þjóðir á Norðurlöndum
til samans.
„Öll löndin á Norðurlöndum vilja komast
inn í Whole Foods og við reynum auðvitað að
hjálpa til eins og við getum. Það mun ekkert
skaða okkur, heldur styrkja stöðu Íslands í
þessum verslunum. Það er gaman að finna
það að íslenskar afurðir eigi erindi á dýrasta
markaðinn í Bandaríkjunum, og að aðr-
ir séu farnir að taka eftir því og leita til
okkar eftir stuðningi. Við getum verið
mjög stolt af því og það hefur veitt
mér mikla ánægju,“ segir Baldvin.
Aukinn áhugi á íslensk-
um vörum í Whole Foods
 Íslensk matvæli seljast vel í Bandaríkjunum  Stefnt að sölu fyrir milljarð
Morgunblaðið/Björn Jóhann
Íslenskt Siggi Hall kynnir íslenskar matvörur í Whole Foods í Washington ásamt Lauren Gordon.
Steinþór Guðbjartsson
steinthor@mbl.is
Næturfrost hefur tafið plöntun
garðyrkjubænda á Flúðum og
plönturnar taka ekki eins vel við
sér vegna kulda. Gosið í Gríms-
vötnum virðist hafa haft þau einu
áhrif að þrífa þarf geymslukassa
fyrir haustið vegna öskunnar.
Þröstur Jónsson, sem rekur
Garðyrkjustöð Sigrúnar ásamt
konu sinni Sigrúnu H. Pálsdóttur,
segir að askan úr gosinu hafi gert
mönnum lífið leitt en hún hafi horf-
ið með rigningunni sl. fimmtudag.
Hún hafi því ekki haft nein áhrif á
plönturnar enda þær smávaxnar á
þessum tíma. „Við erum hálfnuð að
planta og því kom þetta ekki að
sök,“ segir Þröstur. Hann segir
samt að framundan sé mikil vinna
við þrif á geymsluboxum fyrir kálið
vegna öskunnar. „Það verður að
þvo hvern einasta kassa.“
Mikill meirihluti allrar grænmet-
isræktunar landsins er á Flúðum og
Þröstur og Sigrún eru með stærstu
kálræktendum landsins. Þröstur
segir að útlitið sé nokkuð gott þrátt
fyrir kalt vor en plöntunin sé seinna
á ferðinni en venjulega. Norðanátt
með kulda og næturfrosti hafi verið
ríkjandi og áfram sé spáð næt-
urfrosti. Svona tíð sé ekki óþekkt
en næturfrost eftir 20. maí hafi
ekki komið síðan 1996 eða 1997.
Íslenskir garðyrkjubændur sinna
eftirspurn allt árið hvað varðar gul-
rófur, tómata og agúrkur. Þröstur
segir að hvítkálsuppskeran dugi
venjulega fram í mars og sumar
káltegundir endist lengur. Teg-
undir sem spretti á 90 til 100 dög-
um hafi almennt um sex til sjö mán-
aða geymsluþol, en erlent kál, sem
sé ræktað á 120 til 140 dögum, sé
stærra og þyngra og hafi meira
geymsluþol. Hægt sé að fá inn-
lendar gulrætur í stöðugt lengri
tíma og hægt væri að bjóða þær allt
árið með inniræktun.
Næturfrost tefur garðyrkjubændur
Morgunblaðið/G.Rúnar
Uppskera Sumarið leggst vel í Þröst Jónsson á Flúðum.
 Geymslukassar fullir af ösku eftir gosið í Grímsvötnum og þrif óumflýjanleg
 Bændur sinna eftirspurn allt árið hvað varðar gulrófur, tómata og agúrkur
Baldvin Jónsson og Siggi Hall voru af Nor-
rænu ráðherranefndinni valdir sem sendiherr-
ar „nýja norræna matarins“, ásamt tíu öðrum.
Sem slíkir undirbúa þeir nú norræna mat-
reiðsludaga í Washington í næsta mán-
uði, frá 20. til 26. júní. Vinna Norður-
landaþjóðirnar að því sameiginlega
að fá alla bestu matreiðslumeistara
sína til að koma til Washingtonborgar
og kynna sína matargerðarlist fyrir
almenningi og fjölmiðlum.
Þeir munu síðan elda á
fimm veitingahúsum í
borginni og sérstakt nor-
rænt hlaðborð verður á ár-
legri veislu í Washington
fyrir sælkera. Hefur sú
veisla jafnan hlotið mikla
athygli og umfjöllun.
Norrænir
matreiðsludagar
KYNNING Í WASHINGTON
Skyrið Íslenskt skyr selst í þúsundatali í viku
hverri í verslunum Whole Foods Market.
Þröstur Jónsson segir að lítil sem
engin nýliðun sé hjá grænmetis-
bændum á Flúðum. Vinna sé erfið
og ekki eftirsóknarverð ungu fólki
auk þess sem fólk treysti sér illa í
miklar en nauðsynlegar fjárfest-
ingar. Hann segir þetta vera
áhyggjuefni.
Lítil sem engin nýliðun
GRÆNMETISRÆKT Á ÍSLANDI
Baldvin
Jónsson með
íslenskan
ost.