Morgunblaðið - 18.07.2011, Qupperneq 6

6 FRÉTTIRInnlent
MORGUNBLAÐIÐ MÁNUDAGUR 18. JÚLÍ 2011
Mán.-fim. kl. 9-18, fös. kl. 9-18:30, lau. kl. 10-17, sun. kl. 13-17
Smáratorgi 1, 201 Kópavogi, sími 588 6090, vl@simnet.is
16 ára
Verkfæralagerinn
Garðslanga 15 mtr
kr.1.970
Sláttuorf
frá kr.4.245
Reiðhjólafestingar á kúlu
F/2-hjól kr.4.785
Sláttuvél rafmagns
frá kr. 17.999
Framlengingarsnúra
20 mtr
kr.3.995
Janus Arn Guðmundsson
janus@mbl.is
Veður var með eindæmum gott
þegar árlegt Laugavegshlaup fór
fram um helgina. Að sögn Önnu
Lilju Sigurðardóttur, verkefna-
stjóra hjá Reykjavíkurmaraþoni,
varð hinn mikli hiti til þess að
nokkrir hlauparar þurftu að fá
vökva í æð þegar þeir komu í
mark. „Sumir eru bara búnir að
yfirkeyra sig svo mikið að þeir
þurfa að fá vökva í æð frá lækni.“
Hlaupið hófst við skála Ferða-
félags Íslands í Landmannalaugum
um níuleytið á laugardagsmorgun
og lauk um kvöldmatarleytið sama
dag. Þátttakendur voru 306, 76
konur og 228 karlar. Alexandre
Vuistiner frá Sviss kom fyrstur í
mark í ár. Hann hljóp 55 kílómetra
á tímanum 4:59:21, sem er 16. besti
tíminn í 15 ára sögu hlaupsins. Í
kvennaflokki var Guðbjörg Mar-
grét Björnsdóttir í fyrsta stæti, en
hún var á tímanum 5:50:54.
Í karlaflokki var svo Örvar
Steingrímsson í öðru sæti, en hann
hljóp á 5:02:22 og Paul Sadjak í því
þriðja. Í kvennaflokki var Ósk Vil-
hjálmsdóttir í öðru á tímanum
6:01:04 og Elísabet Margeirsdóttir,
veðurfréttmaður, í því þriðja.
Elsti keppandinn var 72 ára
Einnig voru veitt verðlaun til
fyrsta hlaupara í hverjum aldurs-
flokki fyrir sig og Ingólfur Sveins-
son, 72 ára, sló þar met. Ingólfur er
jafnframt elsti maðurinn sem hefur
hlaupið Laugavegshlaupið, en þetta
mun vera í fimmta skipti sem hann
hleypur hlaupið. Hann hljóp á
8:01:32 klukkustundum.
Þrír hlauparar fengu viðurkenn-
ingu fyrir að hafa lokið fleiri en tíu
Laugavegshlaupum. Það voru þeir
Pétur Valdimarsson sem hefur lok-
ið fjórtán hlaupum, Gottskálk Frið-
geirsson sem á tólf hlaup að baki
og Höskuldur Kristvinsson sem var
að klára sitt ellefta Laugavegs-
hlaup.
Keppendur þurftu
vökva í æð eftir
Laugavegshlaupið
 Yfir þrjú hundruð keppendur tóku
þátt í hlaupinu sem lauk á laugardag
Keppendur Á áttunda tug kvenna
tók þátt í Laugavegshlaupinu í ár.
Lögreglan á
Suðurnesjum
hafði um miðjan
gærdag afskipti
af karlmanni sem
gekk um Kefla-
vík með bjór-
kúta. Þótti lög-
reglumönnum
maðurinn grun-
samlegur og reyndist hann hafa
stolið kútunum af veitingastað í
bænum. Hann var færður til
skýrslutöku og hald lagt á bjórkút-
ana. Að sögn lögreglunnar er rann-
sókn málsins lokið og var mann-
inum sleppt að lokinni skýrslutöku.
Á gangi um
Keflavík með
stolna bjórkúta
Öldunkar Maður-
inn stal tveimur.
Sigurður Bogi Sævarsson
sbs@mbl.is
„Við kúabændur þurfum hærra af-
urðaverð, bæði á mjólk og nautakjöti.
Þessa er þörf meðal annars til að
mæta hækkunum á aðföngum til bú-
rekstrar og eins vegna þess að launa-
liðar hefur nánast staðið í stað síðustu
misseri,“ segir Sigurður Loftsson í
Steinsholti í Hreppum, formaður
Landssambands kúabænda.
Sauðfjárbændur kynntu fyrir helgi
nýtt viðmiðunarverð á lamba- og
kindakjöti til bænda. Hækkar gjald-
skráin um fjórðung. Rökstuðningur
er sá að útflutningur á kjöti hafi auk-
ist og verð hækkað. Verð til bænda
hins vegar ekki endurspeglað þessa
þróun og því hækki þeir verð „í ljósi
góðri aðstæðna,“ eins og segir í til-
kynningu.
Ákvörðun sauðfjárbænda hefur
mælst misjafnlega fyrir. Gylfi Arn-
björnsson, forseti ASÍ, hvatti til þess
um helgina að neytendur sniðgengju
lambakjöt í mótmælaskyni. Það segja
sauðfjárbændur firru. Sindri Sigur-
geirsson, formaður Landssamtaka
sauðfjárbænda, telur hækkun tíma-
bæra enda hafi rekstrarkostnaður
sauðfjárbúa hækkað um 170% frá
2005.
Spurning hvað markaður þolir
Sigurður Loftsson segir eftirspurn
eftir nautakjöt mikla þessi misserin.
Upplýsingar um ásetning kálfa til
kjötframleiðslu bendi hins vegar ekki
til aukinnar framleiðslu næstu miss-
erin.
„Hækkunin á kjötverði til bænda
síðasta árið er 20 til 25% en þarf að
vera meiri. Sama má segja um mjólk-
ina, Mjólkurverð hækkaði um 4,37%
núna í júlíbyrjun, sem gera um 3,25
kr. á lítra til bænda. Í vetur fengum
við aðra hækkun viðlíka og vissulega
var þetta í áttina en þarf að vera
meira. Allur kostnaður, til dæmis verð
á áburði, fóðurbæti og fleiru, hefur
hækkað sl. tvö til þrjú ár og því hafa
hvorki verðhækkanir né gengisbreyt-
ingar mætt. Verð þarf að hækka en
allt er þetta spurning um hvað mark-
aðurinn þolir,“ segir Sigurður.
Kúabændur vilja hækkun
 Lambakjötið dýrara og nú vilja nautgripabændur fá meira fyrir mjólk og kjöt
 Nautakjötsverð hækkað síðasta árið um 25% en bændurnir segja þörf á meiru
Sigurður Bogi Sævarsson
sbs@mbl.is
Tæknimenn Vegagerðarinnar hefja
á næstu dögum vinnu við hönnun
nýrrar og varanlegrar brúar yfir
Múlakvísl. Er horft til þess að hægt
verði að bjóða verkið út snemma
hausts, svo hægt verði að smíða
brúna sjálfa í vetur þannig að hún
verði tilbúin á vordögum. Horfa
menn til þess að hentugt verði að
reisa brúna á vetrarmánuðum þegar
lítið vatn er í jökulfljótinu.
Allar forsendur við hönnun brúar-
innar taka mið af því að ný brú þoli
mikla áraun jökulhlaupa og verður
hún því öllu rammgerðari en sú brú
sem fyrir var og tók af í hlaupinu um
næstsíðustu helgi. Áætlað er að
kostnaður við byggingu nýrrar brú-
ar verði um 300 millj. kr.
Verður rammgerðari
„Við gerum ráð fyrir því að ný brú
verði á því sem næst sama stað og sú
fyrri. Gætum þá hugsanlega notað
stöpla brúarinnar sem tók af, að ein-
hverju leyti, þótt rammgerðari
verði, jafnframt því sem brúin nýja
verður væntanlega tveimur til þrem-
ur metrum hærri og öll steinsteypt.
Núna bíðum við hins vegar eftir að
fá niðurstöður útreikninga
Raunvísindastofnunar
Háskóla Íslands og
vatnamælinga Veður-
stofunnar á rúmmáli og
umfangi hlaupsins á
dögunum, enda tekur öll
hönnun mið af því,“
sagði Hreinn Har-
aldsson vega-
málastjóri.
Áætlaður kostnaður við byggingu
bráðabirgðabrúar yfir Múlakvísl er
rúmar 30 milljónir króna. Þá bætist
við annað eins, kostnaður vegna veg-
tenginga, vatnsveitu, fólksflutninga
og annars sem gera þurfti. Tókst að
halda öllum kostnaði í lágmarki með
því að nýta efni sem Vegagerðin átti;
til dæmis tré og stálbita úr brúm
sem teknar hafa verið ofan á undan-
förnum árum.
Ekki er ofmælt að aðdáun hafi
vakið að aðeins tók fjóra daga að
koma nýju brúnni upp. Allir starfs-
menn Vegagerðarinnar, sem kunna
til brúarsmíði og í náðist, voru ræst-
ir út og hófst vinnudagur þeirra að
jafnaði klukkan sjö að morgni og
stóð til klukkan tvö að nóttu. Þá voru
vinnuvélar keyrðar allan sólarhring-
inn og með þessu tókst að ljúka
verkinu jafn fljótt og raun ber vitni,
en í upphafi var talið að brúarsmíðin
gæti tekið tvær til þrjár vikur.
Sýnir hvers þjóðin er megnug
„Þetta áhlaupsverk sýnir hvers
þjóðin er megnug þegar allir leggj-
ast á árar,“ segir Ögmundur Jón-
asson innanríkisráðherra. „Þarna
voru sannir og góðir Íslendingar að
verki. Brúarvinnuflokkar, verkfræð-
ingar hönnuðir og aðrir unnu fum-
laust frá fyrstu mínútu og vega-
málastjóri sagði mér eftir að hlaupið
tók brúna, að við mættum treysta að
Vegagerðin legði nótt við dag. Það
stóðst og gott betur. Þá komu að
málum starfsmenn verktaka og eins
björgunarsveitirnar okkar sem enn
einu sinni sýndu hve frábært starf
þær vinna rétt eins og lögreglan og
almannavarnir sem stóðu sína vakt
með prýði.“
Hönnun nýrrar brú-
ar hefst næstu daga
 Þarna voru sannir Íslendingar að verki, segir ráðherrann
„Þó að brúna á Múlakvísl tæki af og aðeins væri fært yfir fljótið þannig
að bílar og fólk væri selflutt, voru áhrifin minni en ég óttaðist. Hér hefur
hvert gistirými verið fullskipað. Áhrifin hafa helst verið þau að bíða hefur
þurft lengur en ella fram á kvöld eftir hópum sem von hefur verið á. Og
ég tek fram að þetta eru að langmestu leyti erlendir ferðamenn. Íslend-
ingar eru mjög lítið á ferðinni í sumar og þar hefur hátt bensínverð sín
áhrif,“ segir Laufey Helgadóttir, ferðaþjónustubóndi á Smyrlabjörgum í
Suðursveit.
Ríki Vatnajökuls, samstarfsvettvangur ferðaþjónustu, matvæla-
framleiðenda og menningar á Suðausturlandi sendi í gær frá sér pistil
þar sem því er fagnað að búið sé að opna hringveginn með bráða-
birgðabrú. Starfsmenn Vegagerðar, lögregla, björgunarsveitir og aðrir
eigi mikið hrós skilið fyrir sín störf.
Hvert gistirými verið fullskipað
FERÐAÞJÓNUSTAN FAGNAR NÝRRI BRÚ
Laufey Helgadóttir
Morgunblaðið/Jónas Erlendsson
Fjölskyldufjör Brúin vekur athygli og ferðamönnum þykir gaman að taka myndir við mannvirki reist á mettíma.