Morgunblaðið - 17.09.2011, Side 10

10 DAGLEGT LÍF
MORGUNBLAÐIÐ LAUGARDAGUR 17. SEPTEMBER 2011
María Ólafsdóttir
maria@mbl.is
Í
dag stundar Nói Krist-
insson meistaranám í mann-
fræði við Háskóla Íslands en
skólagangan var honum
nokkur þrautaganga framan
af.
„Ég er ekki greindur fyrr en ég
ákveð að reyna aftur að klára mennta-
skóla. Þá er ég orðinn 22 ára. Ég vissi
svo sem alveg að ég væri með ofvirkni
og athyglisbrest ég sé það alveg í föð-
ur mínum. En að fá greininguna var
mikilvæg staðfesting. Þegar ég var í
Menntaskólanum við Hamrahlíð átti
ég eigin bíl og þar sem mér fannst ekki
gaman í náminu átti ég það til að
leggja mig í bílnum mínum þangað til
mamma og pabbi voru farin í vinnuna.
Þá gat ég farið aftur heim. Í MH náði
ég bara leiklistinni enda var það eina
fagið þar sem þurfti ekki að lesa neitt
eða leggja eitthvað á minnið,“ segir
Nói. Hann lýsir röskuninni þannig að
erfitt sé að einbeita sér að einhverjum
einum hlut í einu þar sem hugurinn sé
alltaf á ferðinni. Hann standi sig til að
mynda að því að vera búinn að lesa í
klukkutíma og fletta blaðsíðu eftir
blaðsíðu en ekkert hafi farið inn því
hugurinn sé annars staðar.
Rútínan skiptir miklu
„Ég fór í Borgarholtsskóla til að
halda áfram með menntaskólanámið
og prófaði þá að fara um tíma á lyf. Þá
fékk ég að prufa hvernig væri að vera
núllstilltur. Ég hætti á þeim á innan
við ári því ég fann að þau hefðu bein
áhrif á sköpunargáfuna en þá vissi ég
hvernig var að vera rólegur og einbeita
sér og átti auðveldara með að finna
miðjuna aftur. Eftir stúdentsprófið lauk
ég BA gráðu í myndlist. Það er ekki
sérlega bóklegt nám en þar vaknaði þó
bóklegur áhugi hjá mér. Að náminu
loknu ákvað ég því að halda áfram og
skrá mig í meistaranám í mannfræði í
Háskóla Íslands. Þá þurfti ég að beita
sjálfan mig sjálfsaga, nenna að vakna
og fara að læra sjálfur. Hér er rétt að
benda á að sjálfsagi er lærður en ekki
kenndur. Um leið og það var komið í
rútínu fór þetta að verða lítið mál. Þetta
varð auðveldara þegar ég bara gerði
hlutina og pældi ekki sérstaklega í
þeim. Námið varð áhugamálið mitt og
þá varð einhvern veginn auðveldara að
einbeita sér. Ég held að aldurinn hafi
líka haft sitt að segja í mínu tilfelli en
það er mjög einstaklingsbundið hvernig
sjúkdómurinn eldist með fólki,“ segir
Nói.
Aukinn skilningur
er mikilvægastur
Nóa Kristinssyni myndlistarmanni og meistaranema í mannfræði hefur tekist vel
til við að höndla ADHD-röskun sína. Nói var ekki greindur fyrr en eftir tvítugt en
hann segir sjálfsaga mikilvægastan til að ná tökum á athyglisbrestinum. Þannig
hafi honum tekist að einbeita sér að námi og ná góðum árangri. Honum finnst
umræðan um ADHD í samfélaginu misskilin og vill sjá meira forvarnastarf.
Morgunblaðið/Árni Sæberg
Meðhöndlun Nói Kristinsson beitti sjálfan sig sjálfsaga og náði þannig góðum tökum á ADHD-röskun sinni.
Eitt af því dásamlega sem haustið
býður upp á eru réttir, bæði fjárréttir
og hrossaréttir. Fjáreigendur, hrossa-
eigendur, bændur og þeirra fólk fer í
réttir til að draga fé og hross í dilka
og er það mikil vinna en skemmtileg.
Aðrir fara í réttir til að hitta mann og
annan, syngja og gleðjast. Fyrir þá
sem eru kannski að fara í fyrsta sinn
eða eru af öðrum ástæðum lítt fróðir
um fyrirbærið og vilja ekki vera eins
og álfar út úr hól þegar þeir koma til
rétta, þá er tilvalið að kíkja inn á vef
Sauðfjársetursins og opna tengilinn
Smalamennska. Þar má lesa ýmislegt
um göngur og réttir, fræðast um
sjálfan smalann sem fer til fjalla að
sækja skepnurnar, stuðið á réttar-
veggnum og hinn eina sanna fjár-
hund, sem er ómissandi við smölun
og vitur skepna. Þeir sem vilja taka
þátt í söngnum þurfa svo að læra
nokkur ættjarðarlög.
Vefsíðan www.strandir.is/saudfjarsetur
Morgunblaðið/Helgi Bjarnason
Réttarfjör Ungir sem aldnir leggja sitt af mörkum við fjárdráttinn í réttunum.
Smalinn, fjárhundurinn og féð
Á nýrri sýningu í Safnahúsi Borgarfjarðar í Borgarnesi er tveggja Húsfellinga,
Guðrúnar Jónsdóttur og Kristleifs Þorsteinssonar, minnst. Á þessu ári eru 150
ár liðin frá fæðingu þeirra frændsystkinanna en þau tengjast bæði bænum
Húsafelli í Hálsasveit. Guðrún var þar vinnukona og Kristleifur, bóndi og fræði-
maður á Stóra Kroppi, var fæddur á Húsafelli. Af þessu tilefni hefur verið sett
upp örsýning í Safnahúsi Borgarfjarðar í Borgarnesi, þar sem ýmislegt sem
tengist Guðrúnu og Kristleifi er sýnt og sagt frá ævi þeirra og fjölskyldu. Sýn-
ingin verður höfð uppi til 13. nóvember og er tilvalið að koma þar við fyrir þá
sem verða á ferðinni en sýningin er opin frá 13-18 virka daga.
Endilega ...
... kíkið á sýningu í Borgarnesi
ljósmynd/Guðrún Vala
Borgarnes Í Safnahúsi Borgarfjarðar verður opnuð ný sýning.
Dagurinn í dag verður ótrúlega
skemmtilegur. Ég byrja á því að
vakna með fjölskyldunni í góðum
félagsskap. Svo förum við hjónin
að undirbúa okkur fyrir Hausthá-
tíð Fríkirkjunnar sem verður hér í
Hafnarfirði í dag, með því að fara
yfir það sem við ætum að flytja
fyrir fólkið, pússa raddbönd og
strengi,“ segir Esther Jökulsdóttir
söngkona sem verður ein margra
tónlistarmanna sem koma fram á
hátíðinni í dag.
„Maðurinn minn Tómas Axel
Ragnarsson ætlar að syngja með
mér og spila á gítar, Helgi Egils-
son spilar á kontrabassa og sjálf
spila ég á autohörpuna mína,“ seg-
ir Esther og bætir við að tónlist
þeirra verði kántríblússkotin.
Á frumsýningu í kvöld
„Þeir hafa sungið með mér á ár-
legum jólatónleikum Örn Arn-
arson, tenór og tónlistarstjóri
kirkjunnar, og Skarphéðinn Hjart-
arson, organisti kirkjunnar og ten-
ór. Þá syngjum við saman lögin
hennar Mahaliu Jackson.“
Esther tekur fram að sér þyki
vænt um kirkjuna sína. „Prest-
arnir Einar og Sigga eru dásam-
leg, þau eru gott fólk sem gott er
að leita til. Einar gifti okkur
Tomma og skírði bæði börnin okk-
ar.“
Að loknum söng og hausthátíð
Hvað ætlar þú að gera í dag?
Syngur með manninum
Tónelsk Esther og Tommi eru músíkölsk hjón og koma oft fram saman.
Skannaðu kóðann
til að fara inn á
vefsíðuna.
Samstöðuhópur gegn misrétti
v/kynferðisafbrotamála!
Gagnasöfnun hafin!
„Hefur barnið þitt fengið að njóta vafans?“
1. Hefur Rannsóknarlögregla fellt niður þitt mál?
2. Hefur Ríkissaksóknari fellt niður þitt mál?
3. Hefur þú orðið fyrir vonbrigðum með rannsókn
málsins?
4. Hefur þú orðið fyrir vonbrigðum gagnvart þeim lögum
er lúta að kynferðisafbrotamálum?
5. Hefur þú orðið fyrir vonbrigðum með dóminn.
6. Hefur þú orðið var/vör við að eitthvað eftirlit sé með
manni sem lokið hefur afplánun?
Hafir þú/þið svör við ofantöldum spurningum, endilega hafið
samband!
Facebook síða „Samstöðuhópur gegn misrétti..“ í skilaboð.
Skrifið mér á netfangið: kristinsn@simnet.is og/eða
Pósthólf 8915 - 108 Reykjavík - merkt: „Samstöðuhópur“
Heimasíða: www.kristinsnaefells.com
Kær kveðja, Kristín Snæfells Arnþórsdóttir
F U L L U M T R Ú N A Ð I H E I T I Ð !