Morgunblaðið - 15.10.2011, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 15. OKTÓBER 2011
Egill Ólafsson
egol@mbl.is
Það tekur nokkra mánuði að stækka
líknardeildina í Kópavogi, en gera
þarf verulegar endurbætur á hús-
næðinu. Sumir starfsmenn hafa
áhyggjur af því að erfitt kunni að
vera að bæta við fimm nýjum rúmum
á deildinni og skapa viðunandi að-
stæður fyrir starfsfólk.
Stjórnendur Landspítalans hafa
ákveðið að loka líknardeildinni á
Landakoti og sameina hana líknar-
deildinni í Kópavogi. Það eru níu
rúm á Landakoti og átta í Kópavogi,
en við sameininguna á að fækka
rúmum um fjögur.
Valgerður Sigurðardóttir, yfir-
læknir á líknardeildinni í Kópavogi,
segir að þessi ákvörðun kalli á gagn-
gera endurskipulagningu. Ákvörð-
unin hafi verið tekin en úrvinnslan sé
eftir. Hún segir að í dag sé ekki rými
fyrir 5 nýja sjúklinga í því húsnæði
sem líknardeildin í Kópavogi er í.
Gömlu veiku fólki fjölgar
Líknardeildin í Kópavogi er í
tveimur húsum í fjögurra húsa
lengju. Rjóðrið, hvíldarheimili fyrir
langveik börn, er í einu húsi og að
hluta til í þriðja húsinu, en hluti þess
er tómur. Valgerður segist sjá fyrir
sér að reynt verði að koma þessum
fimm rúmum fyrir þar. Hún segir
ekki nægjanlegt að finna rými fyrir
sjúklingana. Það þurfi líka að vera
fyrir hendi rými fyrir starfsfólkið.
Þetta húsnæði er að verða hálfrar
aldar gamalt og Valgerður segir að
það þurfi að gera á því miklar end-
urbætur til að hægt sé að nota það
undir líknardeild. Fjölsmiðjan notaði
húsnæðið síðast. „Ég get ekki séð
annað en að þetta sé einhverra mán-
aða verkefni.“
Líknardeildin á Landakoti hefur
einbeitt sér að því að sinna öldruðum
sem eru mikið veikir. Valgerður seg-
ir að þó að líknardeildin í Kópavogi
hafi sinnt fólki á öllum aldri sé það
nýtt verkefni að taka yfir þá þjón-
ustu sem sinnt hefur verið á Landa-
koti. „Það er alveg ljóst að þessi
breyting felur í sér skerðingu á þjón-
ustu. Það er verið að fækka rúmum,
en við reynum að finna leiðir í þess-
ari stöðu. Vandinn er líka sá að sam-
félagið hefur ekki heldur byggt upp
þjónustu utan spítalanna. Fólki sem
er komið á tíræðisaldur er alltaf að
fjölga og maður spyr sig, hvar þetta
aldraða fólk eigi að vera ef það fer
ekki inn á spítalana. Það er erfitt að
halda þessu háaldraða fólki heima
lengi vegna þess að það á kannski
háaldraðan maka. Við erum með svo
fjölþætta sjúkdóma, minnissjúk-
dóma og fleira, sem gerir það að
verkum að erfitt er að halda fólkinu
mjög veiku heima.“
Gera þarf miklar endurbæt-
ur á húsnæði líknardeildar
Morgunblaðið/Sigurgeir S.
Líknardeild Ákveðið hefur verið að loka líknardeildinni á Landakoti og sameina hana líknardeildinni í Kópavogi.
 Það mun taka nokkra mánuði að gera húsnæði líknardeildar í Kópavogi klárt
Þó að álag á
starfsfólk Land-
spítala hafi auk-
ist mikið á síð-
ustu árum hefur
það ekki leitt til
meiri veikinda
hjá starfsfólki.
Þetta segir Erna
Einarsdóttir,
framkvæmda-
stjóri mann-
auðssviðs Landspítala.
Veikindi voru 6,4% árið 2008,
6,5% árið 2009, 6,5% 2010 og 6,3%
það sem af er þessu ári.
Erna segir að í starfsumhverf-
iskönnun sem Landspítalinn lét
gera í fyrravetur hafi starfsmenn
verið spurðir hvort þeir fyndu fyr-
ir þreytu í starfi. Margir hefði
merkt við það. „Það er óumdeil-
anlegt að það er mikið álag á
fólki, en það kemur ekki fram í
veikindatölum.“
Forstjóri Landspítalans hefur
talað um að starfsfólkið hafi staðið
sig vel á þrengingartímum.
„Starfsfólkið hefur staðið sig frá-
bærlega. Fólk sýnir æðruleysi þó
að enn sé verið að skera niður hjá
spítalanum,“ segir Erna.
Elsa B. Friðfinnsdóttir, formað-
ur Félags hjúkrunarfræðinga, seg-
ir í grein sem hún skrifaði í Morg-
unblaðið í vikunni að 70%
hjúkrunarfræðinga hefðu í könn-
uninni sagt að álag væri mikið eða
mjög mikið. Hún segir einnig að
veikindi hjúkrunarfræðinga séu nú
tíðari en annarra stétta á spít-
alanum.
Ekki aukning í veik-
indum starfsfólks
Erna
Einarsdóttir
Heildarafli úr norsk-íslenska síld-
arstofninum verður 833 þúsund
tonn árið 2012 samkvæmt sam-
komulagi sem náðist á fundi strand-
ríkja um stjórnun á veiði úr stofn-
inum sem lauk í Lundúnum í gær.
Er það sextán prósenta lækkun á
milli ára.
Samkvæmt samkomulaginu verð-
ur íslenskum skipum heimilt að
veiða 120.868 tonn úr síldarstofn-
inum á næsta ári að því er kemur
fram í fréttatilkynningu frá sjáv-
arútvegsráðuneytinu.
Samkomulag um
síldarstofninn
Egill Ólafsson
egol@mbl.is
Landspítalinn hefur á síðustu 10 ár-
um tekið ákvörðun um að loka fimm
sjúkrastofnunum, þ.e. Gunnarsholti,
Arnarholti, Vífilsstöðum, rétt-
argeðdeildinni á Sogni og St. Jós-
efsspítala. Spítalinn hefur skilað eða
ætlar að skila þessu húsnæði til
Fasteigna ríkisins.
Á Gunnarsholti var rekið vist-
heimili fyrir vímuefnasjúklinga, en
því var lokað og hefur hluti húsnæð-
isins verið rifinn enda var það orðið
lélegt. Á Arnarholti var rekin deild
fyrir sjúklinga sem voru flestir
haldnir af langt gengnum geð-
sjúkdómum, geðklofa eða þunglyndi
eða bjuggu við andlega fötlun af öðr-
um ástæðum. Fasteignir ríkissjóðs
tóku við húsnæðinu í Arnarholti þeg-
ar deildinni var lokað.
Skilar til Fasteigna ríkissjóðs
Landspítalinn var með starfsemi á
Vífilsstöðum til 2002, en fram á síð-
asta ár rak Hrafnista þar öldr-
unardeild. Fasteignir ríkissjóðs eiga
spítalann, en fyrirhugað er að leigja
hluta húsnæðisins til hjúkr-
unarheimilisins Holtsbúðar.
Landspítali áformar að loka síð-
ustu deildinni á St. Jósefsspítala 1.
desember en sá fyrrnefndi hefur
verið með þann síðarnefnda á leigu
frá Fasteignum ríkissjóðs. Sama á
við um húsnæðið á Sogni sem upp-
haflega var byggt sem barnaheimili.
Landspítalinn ætlar að flytja rétt-
argeðdeildina að Kleppi og skila
húsnæðinu á Sogni til Fasteigna rík-
issjóðs.
Ingólfur Þórisson, fram-
kvæmdastjóri rekstrarsviðs Land-
spítala, segir að gera þurfi breyt-
ingar á húsnæðinu á Kleppi. Það sé
að hluta til ónotað í dag. Auk breyt-
inga utanhúss verða gerðar breyt-
ingar inni sem m.a. miða að því að
taka hluta mötuneytis undir aðstöðu
fyrir sjúklinga. Ingólfur segir að bú-
ið sé að vinna drög að teikningum
vegna breytinga á Kleppi og vegna
breytinga á líknardeild í Kópavogi.
Sjúkrastofnanir sem hefur verið lokað
Arnarholt
St. Jósepsspítali
Vífilsstaðir
SognGunnarsholt
Reykjavík
Hveragerði
Hafnarfjörður
Kjalarnes
Garðabær
Hella
Grunnkort: Landmælingar Íslands
Selfoss
Hefur lokað 5 stofnunum
 Landspítalinn hefur á um það bil 10 árum tekið ákvörðun
um að loka fimm sjúkrastofnunum í nágrenni Reykjavíkur
Starfsfólk líknardeildar aldraðra á
Landakoti mótmælir harðlega fyr-
irhugaðri lokun á deildinni, en
starfsfólkið hefur sent öllum al-
þingismönnum bréf vegna þessa.
Skorað er á þá að draga úr nið-
urskurði gagnvart Landspítala.
„Við lýsum furðu okkar og
áhyggjum yfir þeirri ákvörðun að
skerða þessa sérhæfðu, flóknu og
viðkvæmu þjónustu sem hefur ver-
ið byggð upp sl. 10-13 ár og er það
hörð aðför að þjónustu við sjúka
aldraða einstaklinga sem hafa bú-
ið heima og hafa þunga einkenn-
abyrði. Skerðing á þessari líkn-
arþjónustu hefur keðjuverkandi
áhrif á starfsemi fjölda deilda,
eins og hjarta-, lungna- og krabba-
meinslækningadeildar en fyrst og
síðast höfum við áhyggjur af hin-
um öldruðu einstaklingum sem
eru í þörf fyrir sérhæfða einkenna-
meðferð og umönnun.“
Aðför að þjónustu við aldraða
STARFSMENN SENDU ÖLLUM ALÞINGISMÖNNUM BRÉF
AÐVENTA 4
Glæsileiki aðventunnar, töfrandi vínakrar, kastalar og skógar er meðal þess sem
umvefur okkur í þessari ljúfu aðventuferð til Þýskalands og Frakklands. Flogið verður til
Frankfurt og síðan ekið inn í Svartaskóg til Oberkirch þar sem við gistum í 5 nætur.
Förum í áhugaverðar skoðunarferðir, t.d. til Freiburgar með sínum einstaklega fallegu
jólaskreytingum og ökum um Klukkuveginn í Svartaskógi. Einnig komum við til Nancy í
Frakklandi, sem þekkt er fyrir barokkstíl sinn, til Strasbourg sem er höfuðborg Alsace
héraðsins og ökum um hina svokölluðu „Vínslóð“ Alsace, þar sem við þræðum ótal
falleg smáþorp. Síðustu 2 næturnar dveljum við í Mainz sem stendur við ána Rín.
Borgin hefur upp á margt að bjóða og skartar miðbærinn fallegum jólamarkaði sem á
sér 200 ára gamla sögu. Þar má einnig sjá einstaklega fallegan 11 metra háan
jólapíramída sem prýddur er englum, jólasveinum og þekktum hetjum úr sögu Mainz.
Fararstjóri: Kristín Jóhannsdóttir
Verð: 159.900 kr. á mann í tvíbýli. Mikið innifalið!
Innifalið: Flug, skattar, hótelgisting, morgun- og kvöldverður, allar
skoðunarferðir með rútu og íslensk fararstjórn. Spör
eh
f.
s: 570 2790www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
Hálftfæðiogallarskoðunarferðirinnifaldar
28. nóv. - 5. des.
Franskir og þýskir
aðventutöfrar