Birtingur - 01.06.1962, Síða 14

10. Kristur ó krossinum, ásamt Maríu og Jóhannesi; málverk
á skinn í handriti nr. 249d fol. í Árnasafni frá því um 1320.
Á fyrsta skeiði gotneska stílsins grípur mikið tilfinningaríki
um sig í norðurálfu, ekki sízt þar sem píslarsaga Krists á
í hlut. Hugmyndir manna um, — eða betur sagt kenndir
þeirra gagnvart Kristi hafa breytzt mjög frá rómönskum
tíma; þjáningar hans eru orðnar naktar og nálægar mönnum,
túlkun krossfestingarinnar verður beisk angistarkvöl. Hér
sjáum við íslenzkt dæmi slíks skilnings: Kristur hangir á
krossmum með þyrnikórónu á niðursveigðu höfðinu; fell-
ingar klæðanna lýsa tilfinningalegri þenslu, jafnvel krosstréð
er með greinastubbum og undnum teinungum, og litir
myndarinnar eru sárbitrir.