Birtingur - 01.06.1962, Side 69

ÉVGÉNÍ ÉVTÚSJENKO:
BLOK
Évgéní Évtúsjenko er ungt skáld, tæplega þrítug-
ur — og þegar heimsfrægur. Það kemur þó ekki til af
því, að hann sé stórskáld, eða byltingarmaður í formi.
Fyrir vestrænan smekk er hann jafnvel ofurlítið gam-
aldags. En það er létt yfir honum og hann hefur hlotið
miklar vinsældir í heimalandi sínu, einkum meðal
æskufólks. Þess skal getið, að síðasta bók hans kom þar
út í 100.000 eintökum. Vestantjalds hefur það einkum
rutt honum brautina, að menn hafa verið að gera sér
vonir um að hann væri eitthvað á móti kommúnisma,
sem þó mun ekki raunin. En sum kvæði hans hafa
vakið miklar deilur í Sovét. T. d. kvæðið „Babí Jar“
um fjöldaaftökur gyðmga í Úkraínu í síðasta stríði.
Skömmu eftir lát Stalíns skrifaði rússneskur bók-
Þegar um Blok ég sit og hugsa,
þegar mig lengir eftir honum.
koma mér ekki Ijóð í hug.
en léttivagninn, Néva, brúin.
Og ofar næturradda kliði
meitluð ásýnd farþegans —
baugar undir augum feikna
og svarti lafafrakkinn hans.
Á móti fljúga ljós og skuggar,
á brautum molna stjörnurnar,
og eitthvað meira en óró spennir
vaxfingra grönnu flétturnar.
Og sem í myrkum, dularfullum
forspjallsóði sýnin flýr —
í þoku máist dynur vagnsins,
götusteinninn, Blok og ský . . .
(1957).
menntafræðingur, V. Pomérantsév, fræga grein um
sovétbókmenntir undangenginna ára. Greinin hét „Um
hreinskilni í bókmenntunum". Það var fyrst og fremst
hreinskilnin, frumleikinn og persónuleikinn sem Pom-
érantsév saknaði í bókmenntum Stalín-tímans. Pom-
érantsév tók þarna á aumum bletti og varð fyrir heift-
úðugum árásum, en margir þeirra höfunda sem fram
komu i „hlákunni" reyndu að fylgja stefnu hans í
verki. í Ijóðlistinni er Évtúsjenko án efa einn helzti
fulltrúi þessarar nýju dirfsku, og hann hefur haldið
sínu striki síðan, þrátt fyrir bakslagið sem fylgdi
„hlákunni", eins og marka má af kvæði hans um
arftaka Stalíns nú nýlega.
G. K.