Birtingur - 01.06.1968, Page 12

Fyrirgefið systur mínar
ég hef þrýst þögn yðar að brjósti mínu
Þar býr hún og þjáist af þjáningaperlum yðar
slær hjartakólfi
svo sárt svo nístandi hvellt
Ljónynja þeysir á bylgjum Útsævarins
Ijónynja harmkvælanna
sem gaf hafinu tár sín fyrir löngu —
Dauðinn afmáist skjótt úr augnaráðinu
Frumefnin gera uppreisn
en brumandi víddirnar
flæða strax inn með upprisu
og hið Orðlausa læknar sýkta stjörnuna —