Birtingur - 01.06.1968, Page 44

Harry Martinson:
Skipstj órinn
Tómas er nafn mitt, skipstjóri á skútu,
veginn um nótt af Góa hinum handsterka ræningja
úti fyrir strönd Krítar.
Við komum með farm af Sídondúkum frá Týros,
sem við höfðum vandvirknislega borið í malurt
og ilmreykt til þess að verjast myglu og fúa.
Meðan við vorum önnum kafnir undir þiljum
að handleika vörurnar og sundurgreina þær,
tókst honum með hugvitsamlegum breytingum raddar
að ginna okkur upp á pall skipsstigans,
þar sem ljóskerið lá í molum,
og þá var honum hægurinn hjá að láta menn sína
murka úr okkur lífið.
I Hades naga ég mig enn í handarbökin
vegna þess að ég skyldi ekki liafa fleiri menn
á verði uppi á þiljum,
því þá hefðum við eflaust rutt
öllum ræningjaskaranum fyrir borð,
borgið skipi okkar og komið hinum frábæru
Sídondúkum heilu og höldnu til Krítar.