Húsfreyjan - 01.01.1960, Qupperneq 20

sápu, t. d. sápuspónum, eða nýju sápu-
lausu þvottaefnunum. Ætíð ætti að hafa
vægar upplausnir og leysa þvottaefnið vel
upp. Séu notaðir sápuspænir, nægja 10 g
í eitt þvottafat. Vætið flíkina vel í þvotta-
vatninu, kreistið það í gegnum hana, hald-
ið henni sem mest niðri í vatninu, en
dragið hana ekki upp og niður til skiptis.
Núið sem minnst milli krepptra hnefanna,
fremur á flötum lófunum þá hluta, sem
óhreinastir eru. Hjaðni sápufroðan fljótt,
er það merki þess, að verkanir sápunnar
séu dvínandi, óhreinindin hafi kannske
verið meiri en svo, að hún ráði við þau,
og er þá nauðsynlegt að þvo flíkina úr
öðru sápuvatni. Það er heppilegra en að
þvo einu sinni úr sterkri upplausn. Oft
er þörf á að þvo ullarflíkur bæði á réttu
og röngu. Hvítar ullarpeysur vilja stund-
um gulna við þvott, og getur þá verið gott
að setja örlítið bórax saman við sápu-
vatnið, því til varnar.
Þá má strjúka hvítar ullarflíkur úr
vatnsefnisyfirsýringi, svokölluðu Brint-
overlite, 3% að styrkleika, þurrka síðan í
sólarbirtu til að þær bleikist. Annars er
bezt að forðast að þurrka ullarflíkur nærri
heitum ofni eða í sterku sólskini. Dökkar
ullarflíkur má einnig þvo upp úr upplausn
af kvillæjaberki með góðum árangri.
Þegar flíkin hefur verið þvegin nægi-
lega í mildu, volgu sápuvantinu, er hún
skoluð úr nokkrum volgum vötnum. Hafi
liturinn runnið úr, er gott að setja svo-
lítið edik í næstsíðasta skolvatnið, það
hreinsar og skýrir litinn.
Aldrei má vinda ullarflík þannig, að
snúið sé fast upp á hana, heldur á að
kreista vatnið eða þrýsta því varlega úr
henni. Það getur verið gott að vinda
þykka ullarflík í vindu, svo að hún þorni
fyrr. Er þá bezt að leggja hana slétta í
vinduna og einnig er gott að leggja stykki
eða t. d. óvandað handklæði utan um
hana. Þó er réttara að varast að vinda
þannig lausofnar eða lausprjónaðar flíkur.
Sé um peysur að ræða, sem hætta er á
að minnki eða aflagist í þvottinum, er
heppilegt að mæla sídd og vídd og erma-
vidd, áður en peysan er þvegin, skrifa hjá
sér málið, en leggja hana síðan á hand-
klæði eða pappír eftir þvottinn og teygja
upp í sama málið aftur. Einnig má teikna
20
Frh. Heimilisþáttar bls. 25
HÚSFREYJAN