Íslenskt mál og almenn málfræði - 01.01.1985, Side 209

Ritdómar
207
Það flækti að vísu málið allverulega ef tekið væri tillit til málsögunnar í heild eins
og gert er í OM (þar sem m.a. eru nefndar margar fornar beygingarmyndir). Væri
slíkri beygingarlýsingu ætlað hagnýtt gildi væri eðlilegra og um leið skýrara að
einskorða hana við nútímamál, en eftir sem áður væri hægt að geta eldri mynda í
lýsingu einstakra orða. Slík framsetning væri til þess fallin að skerpa og auka Iýs-
ingu nútímamáls í bókinni.
Eins og vikið hefur verið að hér að framan hlýtur það að teljast einn höfuðágalli OM
hversu illa orðaforði og orðafar nútímamáls nýtur sín í bókinni, og þrátt fyrir drjúga
áherslu á orðafari liðins tíma er ljóst að bókinni er ekki ætlað að veita nema takmark-
aða innsýn í orðaforða fyrri alda. Ekki skal um það dæmt að hvaða leyti hægt er að
bæta úr þessu með því að auka enn við efni og orðaforða OM. En hvað sem því líður
er orðið tímabært að samin verði almenn orðabók um íslenskt nútímamál, og hand-
hæg orðabók um íslenskt mál fyrri alda yrði mörgum kærkomin.
RITASKRÁ
Jón Hilmar Jónsson. 1982. Um vísiorð í íslensku og viðskeytið -na. íslenskt mál
4:221-262.
— . 1985. Ritdómur um Ensk-islenska orðabók eftir Sören Sörenson. Skirnir
159:287-297.
Lyons, John. 1977. Semanlics. 1 —2. Cambridge University Press, Cambridge.
Ullmann, Stephen. 1970. Semantics. Blackwell, Oxford.
Zgusta, Ladislav. 1971. Manualof Lexicography. Mouton, The Hague.
Jón Hilmar Jónsson
Orðabók Háskóians,
Reykjavík