Eining - 01.06.1949, Blaðsíða 4

4
EINING

gabbað suma menn ævinlega, og alla
menn um stundarsakir, en þið getið ekki
blekkt og gabbað alla menn ævinlega.“
★
Eitt sinn kom Lincoln að þar, sem
lítil skólastúlka stóð á götuhorni og
treystist ekki til að fara yfir götuna, því
að regnvatnið og forin beljaði eftir göt-
unni. Telpan sneri baki að Lincoln. Hann
greip hana undir hendi sér og bar hana
yfir götuna og ætlaði að kyssa hana á
kinnina, er hann lét hana niður, en sá
þá að þetta var negrastúlka. — Ein-
kennileg tilviljun! Hann bar litlu negra-
stúlkuna yfir illfæra götuna, en átti eftir
að lyfta milljónum blökkumanna yfir for-
að og kvalakvísl þrælasölunnar og þræla-
halds. í sambandi við það mikla lausn-
arverk sagði hann eitt sinn í kappræðu
við Douglas dómara:
„Þetta er mergur málsins. Þetta er
vandamálið, sem þjóðin mun þurfa að
fást við eftir að við, Douglas dómari og
ég, höfum lokað okkar vesala munni.
Það er hin ævarandi barátta réttlætisins
gegn rangsleitninni, hvar sem er í heim-
inum. Það eru þessar tvær andstæður,
sem risið hafa hver gegn annarri frá alda
öðli, og þau átök munu halda áfram.
Annars vegar eru hin einföldu réttindi
allra manna, hins vegar hinn „guðdóm-
Iegi“ réttur konunga. Það er sama valdið
í hvaða mynd sem það birtist. Sami and-
inn, sem segir: ,,Þú skalt vinna og erfiða
og afla brauðs, en ég skal éta það.“ Al-
veg sama, hver segir þetta, hvort það er
konungurinn, sem leitast við að undir-
oka Iýð sinn og gæða sér á ávöxtum iðju
hans^ eða það er einhver kynflokkur, sem
ber í bætifláka fyrir sig, til þess. að geta
þrælkað annan kynflokk, það er allt sam-
an sami níðingshátturinn.“
★
Þannig var það. Mesti ,,humoristi“
landsins, var sterkasti alvörumaður þjóð-
arinnar, varð frægasti forseti hennar,
lausnarmaður hinna undirokuðu og kúg-
uðu, snjallasti málsvari hinna einföldu
mannréttinda, óbrigðull verjandi réttlæt-
isins og ráðvendninnar, ein glæsilegasta
fyrirmynd kynslóðanna. Slíkum manni
er gott að kynnast og gott að eiga sam-
leið með honum, en að þessu sinni verð-
um við þó að kveðja hann. En sæl er
hver þjóð, sem eignast slíka menn.
Hvern endi fær þetta?
I marzhefti Reader’s Digest eru birt
þrjú lítil landabréf af Bandaríkjunum.
Þau eru merkt ár 1929, 1938.pg 1947.
Á fyrsta landabréfinu er brúnn blettur,
sem tekur yfir tvo þriðju hluta Californiu.
Hann táknar, að það árið, 1929, voru
útgjöld samveldisstjórnar Bandaríkjanna
það, er svaraði til allra tekna tveggja
þriðju hluta allra íbúa Californiuríkis.
1 landabréfinu nr. 2, merktu 1938,
er bletturinn orðinn að ískyggilegum
skugga, sem nær þá orðið yfir 10 ríki.
Þá eru útgjöld samveldisstjórnarinnar
orðin eins og allar þjóðartekjur þessara
10 ríkja. En á þriðja landabréfinu,
merktu 1947, er skugginn kominn yfir
þessi ríki: Californiu, Washington, Ori-
gon, Nevada, Idaho, Utha, Arizona,
Montana, Wyoming, Colorado, New
Mexico, North and South Dakota, Ne-
braska, Kansas, Oklahama og um fjóra
fimmtu hluta af hinu víðlenda ríki Texas.
Yfir hér um bil 17 ríki Bandaríkjanna.
Utgjöld samveldisstjórnarinnar eru þá
orðin sem svarar þjóoartekjum allra
þessara ríkja.
Árið 1929 voru útgjöld samveldis-
stjórnarinnar 121 dollar á hverja fjöl-
skyldu Bandaríkjanna, 1938 voru þau
250 dollarar á fjölskyldu, en 1947 984
dollarar. Þegar svo bætast hér við allar
greiðslur þegnanna til sinna eigin ríkja,
er gert ráð fyrir að kostnaður hverrar
fjölskyldu í Bandaríkjunum verði um 30
af hundraði allra tekna manna í landinu.
Hver maður þarf þá að vinna tvo daga
í vikú til þess að fóðra ríkisstjórnirnar,
en fjóra daga fyrir sig og fjölskylduna.
Víðar en á fslandi er skattabyrðin
þung, og er slík þróun lítið huggunar-
efni mönnum, sem lifa vilja sjálfstæðu
lífi í lýðræðislöndum.
Frá Flateyri
Æðstitemplar stúkunnar á Flateyri,
Önundarfirði, segir gott af stúkustarfinu
þar. Hefur stúkan í vetur sem leið sýnt
sjónleikinn Pilt og stúlku, í samvinnu
við íþróttafélagið á staðnum. En í fyrra
var leikið þar Ævintýri á gönguför.
Takið eftir!
Góðir kaupendur Einingar. Þetta
tölublað verður að duga fyrir báða
mánuðina júní og júlí, og sennilega
kemur svo aðeins eitt blað út í ágúst
og september. Kaupendur tapa dálitlu
af lesmáli við þetta, en vonandi fyrir-
gefa þeir það, er þeir athuga ástæð-
una. Miðsumars eru leyfin í algleym-
ingi og prentsmiðjur lokaðar alllengi.
Erfitt er því um prentun meðan á
þeim stendur, auk þess lesa menn
minna um hásumarið en ella og eru
ýmsar gildar ástæður til þess, en síðast
má geta þess, að þetta ár verður Einingu
nokkurs konar kreppuár. Kostnaður
við blaðið hækkaði mjög mikið og þótt
verð þess hafi einnig hækkað, þá fær
blaðið lítið af þeim tekjum fyrr en
seint á árinu, og þótt það hafi dálitla
styrki, þarf nokkuð til að geta lagt út
um liálft fjórða þúsund krónur mánað-
arlega í beinan kostnað við blaðið.
Það verður því að gæta allrar var-
úðar til þess að bjargast út úr krepp-
unni. Þetta munu góðir kaupendur
blaðsins taka til greina.
Virðingarfyllst,
Pétur Sigur'Ssson.
Fyrsti maí
Veðrið fyrsta maí s. 1. var eins og sam-
komulag þjóðanna og pólitísku flokk-
anna á íslandi, rok og rigning fram eftir
degi, en fór svo mjög batnandi. Vonandi
er að svo fari og með hitt atriðið.
ABRAHAM LIIXICOLM
Þér blæddi til ólífis, — öðrum til lífs.
Hver unni þeim kúguðu betur en þú?
Þér gildi hvers manns var hans guð-borna sál,
en glópskan ei skildi þá bræðralags-trú.
Þú morgunsins yl barst í hrufóttri hönd,
í hrukkóttri ásýnd var geisli frá sól;
hver svipdráttur fastur sem felldur í stein,
en fagur; hjá þér átti smælinginn skjól.
Þig heimsbölið angraði, beygði þér bak;
hver byrði er þyngri en mannkynsins sorg?
Þú gleymdir því aldrei, — vér gleymum því enn, —
að grátnir og hungraðir reika um torg.
Þú kvistaðir hlekki, fékkst hatur í laun;
enn hræðast menn frelsisins gjallandi róm.
Þú ljósinu unnir. Enn hylla menn húm,
og hjarta síns kyrkja, í myrkrinu, blóm.
Þér blæddi til ólífis, — öðrum til lífs.
Hver unni þeim kúguðu betur en þú?
Þitt nafn blessar jafnan hver sanngöfug sál.
Hún sigrar að lokum þín bræðralags-trú.
RICHARD BECK.
*
r
♦

¥