Vera - 01.04.1990, Page 13

Kvennahreyfingar eru búnar að
ná þeirri fótfestu að þær verða
ekki hraktar til baka en það eru
vonbrigði að heyra meiri hluta
þeirra kvenna sem tóku þátt í
seinustu sveitarstjórnarkosning-
um lýsa því yfir að þær gefi ekki
kost á sér í annað sinn. Aðalástæð-
an er sú að allt vinnufyrirkomu-
lag er sniðið að þörfum karl-
manna enda þeirra verk. En þá er
það verðugt verkefni að reyna að
breyta og færa til betri vegar svo
bæði konur og karlar hafi aðstöðu
til að vinna saman að opinberum
málum.
Konur halda áfram að sækja
vinnu utan heimilis. Því verður
ekki snúið við. Að hafa eigin fjár-
hag er í raun að vera frjáls mann-
eskja, þurfa ekki að biðja um pen-
inga eða finnast ósjálfrátt að verði
að gera grein fyrir ráðstöfun
þeirra. Með því að vinna utan
heimilis standa konur öðrum
jafnfætis þó því miður sé s.k.
,,kvennastörf“ metin til lægri
launa og þannig er hægt að halda
konum niðri. Vonandi að það
sjónarmið að gefa foreldrum
ungra barna tækifæri að nýta sér
hlutastörf sé að ná fótfestu því að
umönnun foreldra á smábörnum
er afar mikilvæg.
í framtíðinni, að vísu í bláma
fjarlægðar, renna framboðshreyf-
ingar kvenna saman við önnur
flokkakerfi en það er langt þang-
að til. Gömlu flokkarnir hafa þeg-
ar numið þann lærdóm að það
verður að hafa konur í sæmileg-
um sætum en hvort þær hinar
sömu fái nokkru að ráða er ég
ekki eins viss um.
Ég held að barneignir verði
svipaðar og seinustu ár. En því
miður er það umhverfi sem flest
börn alast nú upp í — sérstaklega
þéttbýlið — andstætt ungviði.
Það er allt annað í sveit. Þó svo
verkefni barna hafi minnkað með
vélvæðingu þá er lengi hægt að
finna einhver verkefni og börnin
alast upp við að taka þátt í störf-
um foreldranna en eru ekki alger-
lega ókunn þeim eins og títt er um
borgarbörn.
Hvað umönnun barna varðar,
verður verkalýðshreyfingin að
koma til og setja fram þær kröfur
sem þarf vissulega að gera svo
þær konur sem vilja vinna úti geti
gert það án þess að þjást af sam-
viskubiti og finnast með réttu eða
röngu að þær séu að svíkjast um.
En í þessu tilfelli á það við sem
annars staðar, ef konur knýja ekki
á sjálfar þá breytist ekkert.
Það hefur orðið geysimikil
breyting á afstöðu karlmanna til
inniverka og barnagæslu. Margir
ungir menn annast börn sín með
prýði nú til dags og eru vel sjálf-
bjarga við heimilisstörf. Það horf-
ir allt til betri vegar og stefnir í
rétta átt.
í raun felst svo mikið efni í
þeim spurningum sem fram voru
bornar að hver og ein hefði getað
orðið nægilegt umfjöllunarefni.
Ég á ekki von á stórum stökkum
þessi 10 ár sem enn lifa af öldinni.
Er heldur ekki viss um að það
væri gott. Sígandi lukka er best er
gamalt máltæki og reyndar er svo
að breytingarnar hafa orðið ýms-
um erfiðar og vakið öryggisleysi
og óvissu hjá mörgum konum. Til
dæmis þær sem verða sjötugar og
hætta vinnu í fullum færum. Er
ekki óréttlátt að dæma þær úr leik
hvort þær vilja eða ekki? Hví ekki
að gefa þeim kost á vinnu á dag-
heimilum og leikskólum og brúa
þannig bilið sem skapast þegar
börnin sjá ekki gamalt fólk lengur
nema á elliheimilum?
En fyrst og síðast viljum við
konur vinna að og sjá þjóðfélag
þar sem hver fær sinn deildan
verð og er jafn rétthár hvort hann
er karl eða kona.
|S| BORGARBÓKASAFNIÐ ER SAFN FYRIR ALLA
Þar er uppspretta fræðslu-, menningar- og upplýsingaefnis af margs konar tagi.
I safninu er að finna bækur um hvers konar efni. Þar er einnig hægt að lesa dagblöð og til útláns er
fjöldi tímarita, innlendra og erlendra.
Myndbönd, nótur, hljómplötur og geisladiskar eru lánuð út og hægt er að hlýða á tónlist í útibúinu í
Gerðubergi.
BORGARBÓKASAFN REYKJAVÍKUR FINNUR ÞÚ í:
ÞINGHOLTSSTRÆTI 27 - lestrarsalur, skrifstofur.
ÞINGHOLTSSTRÆTI 29 a — útlánadeild, upplýsingar.
BÚSTAÐAKIRKJU — útlán, upplýsingar, bókabílar.
SÓLHEIMUM 27 — útlán, upplýsingar, ,,bókin heim".
GERÐUBERGI 3-5 — útlán, upplýsingar, tónlist.
GRANDAVEGI 47 - útlánadeild.
Afgreiðslutími Borgarbókasafns er auglýstur í dagbókum dagblaðanna.
VERIÐ VELKOMIN!
13