Vera - 01.10.1998, Blaðsíða 8

Launabarátta hjúkrunarstétta
yfirvinnan hafði verið tekin inn í taxtakaupið. Við höfðum fengið upp-
lýsingar um þessar miklu hækkanir annarra launahópa og það olli
mikilli reiði á meðal hjúkrunarfræðinga, sem eðlilegt er þar sem þær
voru langt frá því að eiga nokkurn tíma möguleika á sambærilegum
hækkunum," segir Ásta.
Þær segja að samningur við lækna um sl. áramót hafi gert útslag-
ið og valdið gífurlegri reiði meðal hjúkrunarfræðinga. „Þar var samið
við lækna um þreföld laun á við hjúkrunarfræðinga sem voru á sama
stigi í skipuriti sjúkrahússins. Þessi samningur gerði hjúkrunarfræð-
inga meðvitaða um það misrétti sem þær eru beittar og þegar þær
fengu upplýsingar um hvað fleiri sambærilegar stéttir höfðu fengið
urðu þær enn ákveðnari í að ná fram rétti sínum. Þær fóru að ræða
um að eina leiðin til að ná einhverju fram væri að segja upp störfum.
Þær fylltust eldmóði og ákváðu að láta ekki bjóða sér lengur að vera
láglaunastéttin í heilbrigðisgeiranum. Félagið kom hvergi nærri þess-
ari ákvörðun, hún var tekin af hverjum hjúkrunarfræðingi fyrir sig.“
Fer lögmálið um framboð og eftirspurn að
virka?
Hvemig meta Ásta og Vigdís árangur hóþuþpsagnanna i sumar?
„Opinberlega hefur árangurinn verið metinn sem 14 til 15% launa-
hækkun yfir línuna en svo á eftir að koma í Ijós hvernig hver og ein
getur samið. Með uppsögnunum tókst einnig að þrýsta á um gerð
vinnustaðasamninga sem átti að vera löngu búið að Ijúka. Þegar
stjórnvöld sáu að hjúkrunarfræðingar fengjust ekki til vinnu með því
eingöngu að semja við hverja og eina var ákveðið að kalla félagið til
og ræða um vinnustaðasamning á Landspítalanum og Sjúkrahúsi
Reykjavíkur. Það olli sumum hjúkrunarfræðingum vonbrigðum því
þær höfðu gert sér vonir um að geta náð lengra, m.a. vegna jákvæðra
viðbragða fjölmiðla og samfélagsins um að kröfur þeirra væru rétt-
mætar. Sem dæmi má nefna að nýútskrifaðir hjúkrunarfræðingar sem
höfðu 89.000 krónur í laun gerðu sér vonir um að ná 160.000 krón-
um, sem er nær 100% launahækkun. Niðurstaðan varð sú að lægstu
laun hækkuðu úr 89.000 krónum í 106.000 og eftir 25 ára aldur
hækka þau meira. Algengt var að laun hækkuðu úr 114.000 krónum
í 137.000 krónur, eftir aldri hjúkrunarfræðinganna, og deildarstjórar
hækkuðu mest sem ekki var vanþörf á.“
Að mati Ástu og Vigdísar er mikilvægasti árangur uppsagnanna sá
að hjúkrunarfræðingum tókst að sýna stjórnvöldum og stjórnendum
heilbrigðisstofnana fram á að þær láta ekki lengur bjóða sér launa-
misrétti og að stofnanirnar ganga ekki án þeirra. „Vonandi fer lögmál-
ið um framboð og eftirspurn að virka í meira mæli á vinnumarkaði
hjúkrunarfræðinga," segja þær.
„Stöðugur skortur hefur verið á hjúkrunarfræðingum og viðbrögðin
hafa ætíð verið þau að loka deildum í stað þess að bjóða í hjúkrun-
arfræðinga og semja við þær um laun sem þær geta sætt sig við. Þar
hefur líka skort á að þær kunni að verðleggja sig og gera sanngjarn-
ar kröfur en undanfarin misseri hafa þær lært mikið í þeim efnum.
Margir stjórnendur heilþrigðisstofnana vilja frekar ganga að sann-
gjörnum launkröfum heldur en að missa reynslumikla hjúkrunarfræð-
inga og þurfa að þjálfa upp nýliða. Hjúkrunarfræðingar sem hafa tek-
ið málin í sínar hendur og gert kröfur um iaunahækkanir hafa líkt því
samningaferli við gott sjálfstyrkingarnámskeið. Þær finna styrk sinn
við að ræða um verðmæti reynslu sinnar og starfa. Vonandi þokast
þetta smám saman í rétta átt,“ segja Ásta og Vigdís að lokum.

Einnig:
• Móttaka þyrlu á slysstað
• Sálræn skyndihjálp
• Starfslok
• Námskeið fyrir barnfóstrur
Upprifjunarnámskeið í skyndihjálp
• Sumarnámskeið
Námskeiðið er opið öllum 1 5 ára og eldri. Markmiðið er að þátttakendur verði
hæfir til að veita fyrstu hjálp á slysstað. Fjallað er um grundvallarreglur (
skyndihjálp; endurlífgun, meðvitundarleysi, lost, blæðingu, sár, beinbrot,
brunasár, rafmagnsslys, kal, ofkælingu, ofhitun, bráða sjúkdóma, aðskotahluti
í hálsi, sálræna skyndihjálp, umbúðir og flutning slasaðra. Grunnnámskeiðið
er lágmark 16 kennslustundir.
Slys á börnum
Námskeiðið er öllum opið. Vakin er athygli á þeim slysum sem algengast er að
börn lendi í og hvaða fyrstu hjálp skuli veita. Einnig er fjallað um hvernig megi
hugsanlega koma ( veg fyrir sl(k slys. Námskeiðið er 8 kennslustundir.
Skráning á námskeiðin er hjá
Rauða kross deildum eða á
aðalskrifstofu Rauða kross
(slands, slmi 570 4000.
+
Rauði kross Islands
www.redcross.is
8