Vera - 01.10.1998, Blaðsíða 43

L

bandaríska viðskiptablaðinu Adweek's
Marketing Week segir frá bílakaupum
kvenna í Bandaríkjunum. Fullyrt er að
þar um slóðir hafi löngum ríkt mikil karl-
remba í bílabransanum. Þar sitji karlar að
mestu við stjórnvölinn og að til skamms tíma
hafi markaðssetning einkum miðast við karl-
kaupendur. [ Bandaríkjunum hefur líka löng-
um tíðkast að stíla allan viðskiptapóst hjóna
á eiginmanninn. Þetta skýtur skökku við í
nútíma samfélagi og er niðrandi gagnvart
konum. Einkum þegar haft er í huga að sam-
kvæmt bandarískri könnun frá árinu 1992
voru konur helmingur kaupenda nýrra bíla.
Þá er fullyrt að í 80% tilvika séu þær hafðar
með í ráðum við bílakaup. Konur voru aðeins
23% bílakaupenda árið 1970 en því er spáð
að árið 2000 verði þær orðnar 60% kaup-
enda. Tekið var fram að þetta á við um kaup
á alls konar bílum, ekki bara nettum „konu-
bílum.“ í viðskiptablaði þessu segir jafnframt
frá rannsókn á sölumennsku við bílakaup
kynjanna. Karlar og konur voru send á stúf-
ana dulbúin sem bílakaupendur til að kanna
stöðu mála. í Ijós kom að konur fengu allt
annað viðmót en karlar á bílasölum. Kon-
urnar voru ekki virtar sem alvöru kaupendur
og oft var talað niður til þeirra. Margar voru
ávarpaðar sem „vinan“ eða „ljúfan“ og ráð-
lagt að sækja eiginmanninn áður en kaupin
yrðu rædd í alvöru. Sölumenn þóttu líka oft
óþægilega ágengir í viðmóti gagnvart kon-
um.
Þá er sagt að þetta hafi sem betur fer
breyst til batnaðar undanfarið með komu
yngri kynslóðar markaðsfræðinga. Þeir hafi
áttað sig á vægi kvenkaupenda og þeim fjár-
munum sem eru í húfi. Sölumönnum hafi
verið kennt að virða konur sem kaupendur
og kvenfólk hefur í auknum mæli verið ráðið
til starfa á bílasölum.
Ósnyrtilegt umhverfi á verkstæðum og bíla-
sölum og bílaauglýsingar með konum í
kynæsandi stellingum og karlinn við stýrið,
höfða ekki til kvenviðskiptavina. Til að halda
velli í viðskiptaheiminum verða bílaframleið-
endur að markaðssetja bíla fyrir konur. Þeir
hafa ekki ráð á því að horfa fram hjá þeirri
staðreynd að þær eru nú um helmingur
kaupenda og að hlutur þeirra fer vaxandi.
þýð. VSV
Vilji og vandvirkni
í verki!
43