Vera - 01.10.1998, Blaðsíða 9

135.000 krónur
eftir sex ára háskólanám
Jenný Inga Eiðsdóttir og Valgeröur Lísa Sig-
urðardóttir voru í fyrsta hópi Ijósmæðra sem
útskrifaðist frá Háskóla íslands í febrúar
1998. Það er í fyrsta skipti sem Ijósmæður
stjórna eigin námi undir forystu Ólafar Ástu
Ólafsdóttur. Ekki hafa útskrifast Ijósmæður
síðan vorið 1994 þegar síðustu nemendurnir
luku námi við gamla Ljósmæðraskólann.
Jenný og Valgerður eru því Ijósmæður og
hjúkrunarfræðingar með sex ára háskólanám
að baki. Eftir að hafa lokið tveggja ára námi
í Ijósmóðurfræðum, til viðbótar við fjögurra
ára hjúkrunarnám og 10 ára starfsreynslu,
voru þær settar í A - ramma sem er ætlaður
byrjendum í starfi og þeim sem vinna undir
stjórn annarra. Þær eru aö vonum mjög
ósáttar við það.
Hjúkrunarfræðimenntun er skilyrði fyrir inngöngu í nám í
Ijósmóðurfræðum og algengt er að hjúkrunarfræðingar
fari í námið eftir að hafa starfað í nokkur ár við almenna
hjúkrun. Þannig voru fjórar af átta manna hópi nýútskrifuðu Ijós-
mæðranna með 10 ára starfsreynslu sem hjúkrunarfræðingar og
orðnar 35 ára.
„Það er nánast útilokað að hjúkrunarfræðingur með svo lang-
an starfsaldur fái greitt eftir A - ramma, yfirleitt færast þær í B -
ramma eftir 5 ára starf. Eftir að hafa lokið embættisprófi í Ijós-
móðurfræðum, með þeim réttindum og ábyrgð sem Ijósmóður-
störfum fylgja, erum við mjög ósáttar við að vera metnar eins og
byrjendur," segja Jenný og Valgerður.
Þær fá greitt eftir launaflokki A - 7, sem þýðir 135.315 krónur
sé miðað við 35 ára aldur. Til samanburðar má nefna að nýút-
skrifaður hjúkrunarfræðingur undir 25 ára aldri með enga starfs-
reynslu, fer í A - 5 launaflokk og fær 123.000 krónur. Þær vilja að
sjálfsögðu að sex ára háskólanám sé metið til launa og bera sig
saman við aðrar háskólastéttir. „Þegar BHM tókst að semja um
að óunnin yfirvinna væri metin inn í taxtakaup náðist veruleg
kjarabót fyrir margar stéttir á meðan við sitjum eftir með 135.000
krónur í grunnlaun og hræðilega illa launað vaktaálag fyrir að
ganga vaktir allan sólarhringinn."
Þó að Jenný og Valgerður séu metnar eins og byrjendur bera
þær jafn mikla ábyrgð og aðrar Ijósmæður sem ekki eru vaktljós-
mæður. „Þegar ég byrjaði var mér sagt að ég gæti fengið sex
mánaða aðlögun og myndi svo hækka í launum," segir Jenný.
„Ég samþykkti það og bað um aðlögunarprógram en þegar ég
fékk það í hendur var mér jafnframt sagt að ekki yrði hægt að
fara eftir því. Sú varð líka raunin, það var bara gert í einn dag og
síðan hef ég unnið eins og hinar og borið jafn mikla ábyrgð.“
Valgerður tekur undir þetta og segir að engin sé að horfa yfir
öxl þeirra þegar þær eru að störfum. „Þegar við komum á vakt
göngum við í þau störf sem bíða. Allar Ijósmæður hafa aðgang
að vaktljósmóður ef eitthvað kemur upp á og þegar kemur að
Valgerður Lísa og Jenný áttu að baki 10 ára starf sem hjúkrunarfræðingar þegar þær
hófu Ijósmæðranám við Háskóla íslands.
fæðingu köllum við, eins og aðrar Ijósmæður, aðra okkur til aðstoðar. Eini munur-
inn er að við tökum ekki að okkur að kenna nemum fyrsta hálfa árið.“
Og Jenný bætir við: „Við höfum auðvitað ekki reynslu eldri Ijósmæðranna en við
berum sömu ábyrgð og þær. Auk þess er mjög hart að þessi nýja háskólamennt-
un sé einskis metin. f núverandi kerfi hækkum við um einn launaflokk en þeir voru
tveir áður.“
Landspítalinn rekur láglaunastefnu
Þær segja að launamálin á Landspítalanum séu í miklum ólestri eftir það umrót
sem varð þegar hjúkrunarfræðingar og Ijósmæður sögðu upp störfum og að enn
9