Ljósmæðrablaðið - 01.04.1981, Blaðsíða 12

10
LJÓSMÆÐRABLAÐIÐ
,,Þing á vegum Norðurlandaráðs um fæðingastofnanir á
Norðurlöndum haldið á Lysebu í Osló, 24. og 25. september
1980 mælist til við Norðurlandaráð:
Að það með tilliti til að styrkja stöðu fjölskyldunnaí í sam-
bandi við fæðingu barns, skipi norrænan starfshóp til að
vinna að leiðbeiningum varðandi reglur og réttindi á
fæðingastofnunum i sambandi við konuna, maka hennar /
nánustu fjölskyldu.
Að það verði gerð norræn könnun á réttindum hinnar
barnshafandi, fæðandi og nýju fjölskyldu, sérstaklega í
sambandi við tilboð og meðferð á stofnunum og í sambandi
við starfsskilyrði foreldranna.”
Þessi tilmæli voru til meðferðar á embættismannafundi í Osló
27. og 28. október 1980 og á að taka aftur upp til meðferðar í
Norrænu sósíalpólítísku nefndinni í lok apríl 1981.
Nútima fæðingahjálp er mjög góð á Norðurlöndunum og er vel
séð fyrir hinum praktísku hliðum og öryggi móður og barns, en
það er staðreynd að sálræna hliðin hefur orðið útundan, og er erf-
itt að koma henni inn í kerfið. í nútímaþjóðfélagi, þar sem
kjarnafjölskyldan er oft mjög einangruð og búsett fjarri ætt-
mennum, koma upp mörg vandamál þegar að von er á nýjum
meðlim í fjölskylduna. Með aukinni menntun kvenna og mögu-
leikum þeirra í atvinnulífinu og með verðbólgu síðustu áratuga,
þar sem hjónin eru bæði fyrirvinnur heimilisins getur barnsfæð-
ing valdið truflun. Þetta eru staðreyndirnar sem kannanirnar
byggðust á. Þær sýndu að meðganga, fæðing og fyrsta ár barnsins
veldur mörgum sálarflækjum, í sumum tilfellum mjög slæmum,
hjá foreldrunum.
Hvað er hægt að gera við þessum ósköpum? Þjóðfélagið verður
að veita þeim stuðning, með foreldrafræðslu þar sem sálfræðing-
ar, fæðingalæknar og ljósmæður starfa saman. Það þarf að gera
aðstöðuna alúðlegri á fæðingastofnunum með tilliti til maka og
barna, þannig að fjölskyldan fái möguleika á samneyti, við
fæðinguna og strax á eftir fæðingunni. Konur þurfa að eiga
möguleika á löngu fæðingarorlofi og góðri barnapössun þegar