Ljósmæðrablaðið - 01.04.1981, Blaðsíða 13

LJÓSMÆÐRABLAÐIÐ
11
þær fara aftur út að vinna. Með því að hafa foreldrafræðslu
verður makinn þátttakandi í meðgöngunni og skilur betur andlega
og líkamlega breytingu konunnar, hann fær tækifæri til að læra
að annast barnið til jafns við hana og þar með verða tengsl for-
eldranna við barnið nánari.
Við þátttökuna í þinginu í Osló, vaknaði ég upp við vondan
draum. Hvernig stöndum við Ijósmæður að vígi gagnvart þessum
vanda? Daglega eigum við svo annríkt á deildum og hvar sem við
vinnum, að við rétt komumst yfir að sinna daglegri aðhlynningu.
Það verður svo lítill tími til að spjalla og komast í nánara sam-
band við einstaklingana, sem hjá okkur eru. Það er svo margt sem
við getum gert betur. Vantar okkur meiri sálfræðilega þekkingu?
Er hægt að auka hana í ljósmæðraskólanum? Ég vil stinga upp á
því að við komum af stað umræðum um þetta og fáum með okkur
sálfræðinga, fæðingalækna, félagsráðgjafa o.fl. Ég gæti skrifað
langt mál um allt sem var rætt á þinginu, en ég held að við gerðum
best í því að líta í kringum okkur og athuga hvort ekki eru margir
foreldrar sem eru hjálpar þurfi.
Nú eru að berast eintök af bókinni með efni þingsins til hinna
ýmsu fæðingastofnana, sem þátt tóku í könnuninni hjá Lisbeth
Brudal og er hún vel þess virði að lesa hana. Við getum þá kannski
veitt foreldrum framtíðarinnar betri þjónustu.
Stutt yfirlit um fæðingastofnanir á íslandi
flutt i Osló 24. sept. 1980, af Rannveigu Ólafsdóttur
Fæðingastofnanir:
Á íslandi eru um 4200 til 4600 fæðingar á ári. Fæðingadeild
Landspítalans er stærsta fæðingadeild landsins og þar fæddust
2174 börn á síðasta ári (1979), það er að segja 47% allra fæðinga í
landinu. Fæðingaheimili Reykjavíkur (200 m frá Fæðingadeild-
>nni) er næststærsta fæðingastofnunin og tekur á móti um 700
konum á ári. Sjúkrahúsið á Akureyri á Norður-íslandi hefur
þriðju stærstu fæðingadeildina með yfir 400 fæðingum á ári.