Ljósmæðrablaðið - 01.07.1988, Page 7

LJÓSMÆÐRABLAÐIÐ
7
Barnið er sett upp á kvið móður sinnar áður en klippt er á nafla-
streng. Síðan er föður barnsins boðið að klippa á strenginn, ef allt er
með felldu. Hann baðar einnig barnið eftir fæðinguna. Konan ræður
því hvort fleiri en faðirinn og ljósmóðirin séu viðstaddir fæðinguna.
Þegar fæðingin er afstaðin er lögð rík áhersla á að fjölskyldan geti
notið stundarinnar í ró og næði. í því sambandi er spjald sett á hurðina
til að halda umgangi í lágmarki. Foreldrum er færður bakki (úr silfri)
með skrautlega smurðu brauði. Bakkinn er skreyttur með blómum og
sænska fánanum.
Hin nýorðna móðir liggur á deildinni í 5-7 daga, eða lengur ef hún
vill.
Öll börn er skoðuð af barnalækni á fyrsta sólarhring og síðan á
fimmta degi (eða íyrir heimferð).
Þess má geta að fæðingardeildin í Ystad er sú fallegasta sinnar
tegundar sem ég hef séð. Allt litaval er í fallegum og mildum litum.
Smekklegar myndir skreyta veggina. Sófar og stólar eru þægilegir.
Þá virtist allt hreint og öruggt. Allt starfsfólk var einkar alúðlegt.
Greinarhöfundur var svo heppin að sitja fyrirlestur hjá Signi Jönssen, til
hcegri á myndinni er Signi og við hliðina á henni Ulla Stina Bjömsmark,
núverandi deildarstjóri á deildinni.