Ljósmæðrablaðið - 01.07.1988, Side 23

LJÓSMÆÐRABLAÐIÐ
23
Þýdd grein úr norska ljósmæðrablaðinu Tidsskrift for Jordmödre,
nr. 1- febrúar 1986, 92. árgangur.
Ljósmóöirin
og tæknivæðingin
Erindi flutt af Susanne Houd, ráðgefandi Ijósmóður
hjá Alþjóða heilbrigðisstofnuninni WHO.
,, Við verðum að læra að hagnýta
tœknina en ojhýta hana ekki“.
Fyrir fáum árum, jafnvel fyrir örfáum mánuðum, hefði ég notað
þetta einstæða tækifæri að vera eina ljósmóðirin og fulltrúi stéttarinnar
innan um alla þessa lækna til að segja að læknar og tækni þeirra eigi
sök á öllu hina illa sem gengið hefur yfir ljósmæður og starfsvettvang
þeirra síðustu 10 árin. En í dag mun ég ekki halda slíku fram. Ljós-
mæður — bæði í þessu landi og öðrum Evrópulöndum — eru mér
sennilega sammála um að við þurfum ekkert að óttast af hálfu
fæðingarlækna. Og þar með erum við hættar að skammast út í þá og
eru famar að kanna starfsvettvang okkar sjálfra.
Ljósmæður bera ábyrgð á þeim konum sem ganga með og fæða á
eðlilegan hátt. Og þar sem meðganga og fæðing gengur eðlilega hjá
flestum konum er ljósmóðirin þýðingarmesti starfsmaður heilsu-
gæslunnar fyrir barnshafandi konur. Hún starfar algerlega sjálfstætt,
þannig að það er næstum alltaf hún sem ákveður hvenær meðganga
eða fæðing er hætt að teljast eðlileg og stefnir í það að vera áhættusöm
eða þörf verði á læknisaðgerðum, og setur þá af stað það ferli þar sem
tækninni er oftast beitt. Hún er sá gæslumaður sam samþykkir að
tækninni sé beitt við meðgöngu og fæðingu sem á engan hátt er
afbrigðileg.
Hagnýting tækninnar.
Allir geta verið sammála um að tiltækur tækjabúnaður vegna
fæðingahjálpar er geysi gagnlegur við afbrigðilega þungun og
fæðingu, og undir slíkum kringumstæðum er gagnið meira en
áhættan. Erfiðara er að fullyrða um hvort notkun tækjabúnaðarins ,,til