Ljósmæðrablaðið - 01.10.1988, Síða 51

LJÓSMÆÐRABLAÐIÐ
91
gefa vísbendingu um hvort svæðisnudd geti komið að gagni sem hluti
fæðingarhjálpar.
Tilraunin hófst 1. mars og henni verður fram haldið til 1. júlí.
Hálfs annars árs leit að fjárstuðningi til þessarar tilraunar lauk með
því að fjárveiting upp á 60.000 krónur danskar fékkst úr heilbrigðis-
sjóði heilbrigðisráðuneytisins. Með þessari fjárveitingu var unnt að
ráða svæðisnuddara og fyrir valinu varð Gabriella-Liisberg. Hún var
fyrrum læknaritari en aflaði sér síðar menntunar í svæðisnuddi.
Nám í svæðisnuddi tekur tvö ár og meðal námsgreina eru líffæra-
fræði, lífeðlisfræði og sjúkdómafræði. Náminu lýkur með próft í
greininni sem veitir þó engin frekari réttindi.
Elizabeth Feder yfirljósmóðir segir: Eftir því sem okkur tekst að
gera fæðinguna eðlilegri því betra. Og einmitt þess vegna dettur okk-
ur í hug að ýmsar nýjungar í meðferð sem litið hafa dagsins ljós kunni
að geta komið að gagni við fæðingarhjálp.