Freyr - 01.08.1935, Blaðsíða 6

20
r REYR
Að lokinni fjársöfnun ber að senda samskotalistana og samskotaféð til gjaldkera
og ritara nefndarinnar, Metúsalems Stefánssonar, ritstjóra, Reykjavík, og væntir
nefndin að það geti orðið fyrir næstu áramót.
Reykjavík, 13. ágúst 1935.
Virðingarfyllst,
Sigurður Sigurðsson. Steingrímur Steinþórsson.
Metúsalem Stefánsson.
Eflið garðræktina.
Hagskýrslur herma, að árið 1933 hafi
kartöfluuppskera landsmánna orðið 44
þús. tunnur, og álíka mikil varð hún árið
1934. Auk þessa er svo allmikið ræktað af
gulrófum, ýmsum káltegundum og öðru
grænmeti.
Er þessi ræktun nægileg til þess að full-
nægja þörfum okkar fyrir garðjurtir ? Nei!
Svo er ekki og vantar mikið til. Árið 1933
voru fluttar til landsins 23 þús. tn. af kar-
töflum fyrir ca. 260 þús. kr. og auk þess
allmikið af ýmsum öðrum garðjurtum.
Innfluttningur árið 1934 varð svipaður.
Það sem af er þessu ári, er búið að veita
gjaldeyrisleyfi fyrir innfluttningi á kar-
töflum, er nemur 275 þús. króna. Nú er þó
landið kartöflulaust að kalla, þar sem nýja
uppskeran, innlenda, er að litlu leyti kom-
in á markaðinn enn þá.
Svona þjóðarbúskapur er óhæfa, og er
það landbúnaðinum íslenzka lítt til sóma,
ef ekki er hægt að bæta úr þessu. Reynsla
er fengin um það, að hér má rækta kar-
töflur og ýmsar aðrar garðjurtir með góð-
um árangri í öllum byggðarlögum lands-
ins, þótt vitanlega séu allmörg býli víðs-
vegar um land, þar sem slík ræktun er
ýmsum vandkvæðum bundin. Þegar svo er
ástatt eins og nú, að við erum í vandræðum
með að selja framleiðslu okkar, og verðum
þar af leiðandi að takmarka kaup á ýms-
um nauðsynjum frá útlöndum, vegna gjald-
eyrisvandræða, þá er það ráðleysa að flytja
til landsins garðjurtir fyrir stórfé árlega.
Þetta gerist jafnhliða því, að fjöldi fólks
hefir litla eða enga atvinnu um hásumarið.
Það er ekki nægilegt að auka ræktun
garðjurta sem svarar því, er árlegum inn-
fluttningi þeirra nemur. Við þurfum að
nota grænmeti meira en nú er gert. Þetta
er hollur og ljúffengur matur. Mætti
minnka kornmatarkaup frá útlöndum til
stórra muna, ef neyzla garðjurta væri al-
mennt aukin.
Samkvæmt því, sem skýrslur sýna að
notað er af kartöflum víða erlendis til
manneldis, þyrftum við að rækta minnst
1 tn. af kartöflum á hvern íbúa landsins.
Nú nemur ræktunin ekki helmingi af
þessu. Þetta þarf að breytast á næstu
tveimur árum. Við þurfum að tvöfalda
kartöfluuppskeru okkar næsta ár. Til þess
að svo megi verða, þarf að gera ýmsar ráð-
stafanir þessu viðvíkjandi.
Fyrst þarf að fá fulla vitneskju um,
hversu mikil uppskeran verður í haust. í
því skyni er landbúnaðarráðuneytið að
senda út eyðublöð til allra hreppstjóra
landsins. Er til þess ætlast, að þeir safni
skýrslum strax í haust um uppskerumagn,
stærð garða o. fl. Þessar skýrslur eiga að
vera komnar aftur til ráðuneytisins um
miðjan október. Þegar vitað er, hve mikil