Akranes - 01.04.1944, Blaðsíða 4

40
AKRANES
HEIMA OG HEIMAN
Ómar sönglist unaðsrík“.
Sunnudaginn 16. apríl sl. kom Barna-
kór Borgarness hingað og söng hér í Bíó-
höllinni.
Atburður þessi mun af fæstum talinn
meðal stórtíðinda, en á mig hafði þessi
skamma ánægjustund þau áhrif, að ég
get ekki stillt mig um að minnast á
þetta örfáum orðum opinberlega í þakk-
lætisskyni við hina ungu gesti og söng-
stjórann, enda þótt ég viti að þakkar-
gjörðin verði fátæklegri en ég hefði ósk-
að að hún gæti orðið.
Eg er lítt söngfróður og þessi fáu orð
eiga því ekki að verða listrænn dómur
um glæsilega meðferð kórsins á við-
fangsefnum sínum. í því sambandi vil
ég aðeins geta þess, að mér heyrðist kór-
inn í engu standa að baki hinum beztu
barnakórum, sem ég hefi heyrt til í út-
varpinu. Það sem kom mér til að skrifa
þessar línur er umhugsunin um það, hve
mikla menningarstarfsemi herra Björg-
vin Jörgensson leysir af hendi fyrir
Borgfirðinga með því að samræma hugi
barnanna og einbeita þeim að sameigin-
legu markmiði. Sameina hina tiltölulega
veiku skerfi þessara ungu einstaklinga
til þess að þeir myndi svo sterka heild,
sem þeir gerðu með fullkominni örygg-
istilfinningu án nokkurrar þvingunar og
oft með svífandi léttleika. Það er unaðs-
legt að heyra söng líða og óma af vör-
um ungra barna frjálsan eins og vorblæ
fjallanna. Finna, að þau sjálf elska söng-
inn og sjá að þau syngja vegna söngsins
og fyrir þann mann, sem hefur kennt
þeim að syngja.
Það er sagt að lengi búi hver að fyrstu
gerð, og ég trúi ekki öðru en að áhrif-
anna af þessari starfsemi barnanna eigi
eftir að gæta í lífi þeirra, þegar þau
komast á þroskaaldur. Sálir barna eru
eins og ung, veik blóm. Blómin dafna
og verða fögur, þegar ylur og birta leika
um þau, og þeir menn, sem í starfi sínu
kenna börnunum að þekkja og skilja og
bera virðingu fyrir einhverri hinni feg-
urstu fegurð, sem til er, eiga skilið mik-
ið þakklæti samtíðarmanna sinna fyrir
það framtíðargagn, sem af starfi þeirra
leiðir.
Þess vegna samgleðst ég hinum ungu
meðlimum Barnakórs Borgarness vegna
lánssemi þeirra, að hafa fengið stjórn-
anda, sem gerir miklar kröfur og veit
hverjar leiðir hann á að fara til þess að
fá þær uppfylltar eftir óskum sínum.
Eg óska söngstjóranum til hamingju
með glæsilegan árangur af starfi, sem
mér skilst að hafi krafist geysimikils
tíma og mikillar þolinmæði af hans
hálfu, og mér er sérstök ánægja að geta
þess, að ég hefi ennþá ekki heyrt neinn
minnast á þessa söngskemmtun án þess
að lýsa hrifningu sinni á henni.
Vonandi líður ekki mjög langt þang-
að til þessir ungu og kurteislegu söng-
gestir láta aftur til sín heyra hér, og
það er einnig vonandi, að einhver ann-
ar Akurnesingur en Björgvin geti áður
en langt líður reynst æskulýð Akranes-
kaupstaðar svo drjúgur liðsmaður í-
göfgandi og þroskandi starfsemi á þessu
sviði, sem hann hefur reynst Borgfirð-
ingum.
Guðm. Jónsson.
Talslöð og miðunarstöð ú Akranesi.
I hinu eftirminnilega ofviðri þann 12.
febrúar s. 1. var skipshöfninni af m.b.
Björn II. og fjórum mönnum af m.b.
Ægir frá Gerðum bjargað frá druknun.
Það má m. a. þakka því að talstöðvar
bátanna voru í góðu lagi og þá ekki síð-
ur því að bátarnir sigldu í samfloti. —
Sjómenn ættu vel að muna eftir að hag-
nýta sér þá reynslu er þessi dagur færði
mönnum.
Hér við flóann vantar þrennt tilfinn-
anlega: Talstöð og miðunarstöð, bæði á
Akranes og Garðskaga, og að skjótt sé
brugðið við úr landi — af þeim sem
slysavörnum stjórna — þegar slík ofsa-
veður eru fyrirsjáanleg. Að send séu út
stór og sjóhæf skip til aðstoðar.
Talstöð og miðunarstöð á Akranesi
væri mikið öryggistæki fyrir alla sjófar-
endur við Faxaflóa. Hér skal aðeins
nefnt dæmi. Umgetinn óveðursdag voru
fjórir bátar (sá fimmti sökk) villtir fram
undir myrkur og gátu ekki hreyft sig
vegna grunnbrots, og hættunnar af
Hraununum annars vegar og skerjagarð-
inum á Mýrum hins vegar. Við, sem í
landi vorum fylgdumst eftir mætti með
því sem fram fór. Báðum við Slysa-
varnafélagið að útvega þeim miðun, sem
ekki var fáanleg, sökum þess að tæki
voru ekki fyrir hendi. Allt fór vel í
þetta sinn, að því er þessa menn snerti.
Skip, sem sigla fyrir Snæfellsnes á
leið til Reykjavíkur mundu hafa mikil
not og öryggi af miðunarstöð á Akra-
nesi, þar sem leiðin milli Hrauna og
Mýra, í stefnu fyrir Akranes, er að dómi
sjómanna dýpsta og bezta leiðin, ef rétt
er farin.
Það er ekki ósjaldan, sém síminn er
bilaður héðan til Reykjavíkur.
í slíkum veðrum geta bátar sjaldan
lagst hér að bryggju vegna hafnleysis,
og er þá ekki hægt um vik með tilkynn-
ingar. Það virðist því allmikið kæru-
leysi að hafa hér ekki talstöð til öryggis
sjófarendum, þó að eki væri til notkun-
ar nema undir slíkum kringumstæðum.
Úti um víða veröld eru þessi tæki nú
notuð til tortímingar mannslífa og sóun-
ar hvers konar verðmæta. Við þyrftum
að afla okkur slíkra tækja til öryggis og
aðstoðar mönnum við hættuleg störf í
þágu alþjóðar.
Gamli vitinnn hér væri tilvalinn stað-
ur fyrir slík tæki sem þessi. Einnig
mætti hafa þar sterkan ljóskastara og
önnur öryggistæki, t. d. björgunartæki
og öndunartæki, — sem hér ætti einnig
að vera til. — Þannig gæti gamli vitinn
ekki einasta verið minnisvarði Akranes-
sjómanna fyrr og síðar, heldur einnig
á þennan hátt eins konar björgunarstöð.
Þótt sjómenn gleymi fljótt fárviðrun-
um og séu oft um of kærulausir um sinn
og hvers annars hag, ættum vér, sem í
landi erum, að muna eftir skyldum vor-
um, og nú m. a. með því að stuðla að
því að slík tæki sem hér hefur verið
minnst á komi strax í sumar.
J. Þ.
Kvenjélug Akurnesinga
hélt aðalfund sinn fimmtudaginn 30.
marz s. 1. Á fundinum voru birtir reikn-
ingar félagsins, ásamt reikningum sjóða
þeirra, er félagið hefur safnað til á liðn-
um árum og vinnur enn að að auka, en
það er sjúkraskýlissjóður og húsmæðra-
skólasjóður.
Um síðustu áramót nam sjúkraskýlis-
sjóður félagsins kr. 51.880.93. Er þar
með talin fasteign sjóðsins, sem mun þó
lágt reiknuð.
Um sama leyti var húsmæðraskóla-
sjóður kr. 21.701.52. Eru þar með taldar
kr. 3000,00 úr hrepps og bæjarsjóði. En
á sínum tíma hét hreppsnefnd Ytri-
Akraneshrepps kr. 10.000.00, er greidd-
ar yrðu á 10 árum til skólabyggingar
hér. Frá því um síðustu áramót hefur
sjóðnum bætzt nokkurt fé. Auk þess
fékk alþingismaður Pétur Ottesen því
framgengt á síðasta alþingi, að á þessu
ári mun ríkissjóður leggja fram krónur
110.000.00 til væntanlegs húsmæðra-
skóla hér. Virðist því auðsætt, að kaup-
staðarbúar sjálfir megi eigi láta á sér
standa með að safna fé í þessu skyni.
Á fundi kvenfélagsins var áformað að
stofna til hlutaveltu fyrir sjúkraskýlis-
sjóð mjög bráðlega. Væntir félagið þess,
að Akurnesingar stuðli að því að hluta-
velta þessi gefi hinn bezta arð, svo og
aðrar þær framkvæmdir, er félagið kann
að hafa með höndum til eflingar sjóðn-
um.
Mun félagið og beita sér fyrir ýmsu
til eflingar fyrir húsmæðraskólasjóð,
auk þess sem það væntir þess, að ýmsir
góðir Akurnesingar minnist mætra
kvenna með minningargjöfum í sjóðinn.
Eru þær allar jafn velkomnar, hvort
sem þær eru stórar eða smáar.
S. Þ.