Almanak Hins íslenska þjóðvinafélags - 01.01.1977, Qupperneq 178
samsettu sagnirnar. Það er ekki hollt fyrir skapið. Ann-
að hvort endar það með því, að heilinn verður að steini
eða hreinasta mauki. En ekki eru persónufornöfnin eða
lýsingarorðin miklu félegri. Þeim hefði nú algjörlega átt
að sleppa úr málinu. Sie þýðir t.d. þér, það þýðir líka
yður, það þýðir hún, það þýðir hana. Það þýðir þeir,
það þýðir þá, og það þýðir bæði þœr og þau.
Hvílík bláfátækt hjá einu tungumáli, að það skuli þurfa
að iáta eitt vesalings þriggja stafa smáorð vinna á við átta
önnur orð. Þvílík vinnuharka! Svo er fram úr hófi
gremjulegt að vita aldrei, við hvað er átt af þessu öllu,
þegar sagt er sie, enda kemst ég í það skap, þegar ein-
hver ókunnugur maður segir sie við mig, að ég reyni að
læðast aftan að honum og drepa hann.
Uppfinningamaður þessa tungumáls virðist hafa gert
sér sérstakt far um að gera það eins örðugt viðfangs
og honum var unnt. Ef einhver maður er t.d. að tala
um hús: Haus, hest: Pferd eða hund: Hund, stafar hann
þessi orð, eins og ég hef sýnt, en ef hann talar um þau
í þágufalli, bætir hann við einhverju asnalegu og ónauð-
synlegu e-i, og þá eru þau orðin að Hause, Pferde og
Hunde. Fleirtalan er oft mynduð með viðbættu e-i, og
þess vegna getur nemandi, sem rétt er að byrja á þýsk-
unni, hæglega gert einn þágufallshund í ógáti að tveimur
hundum, og það getur liðið á löngu, áður en hann
kemst að hinu rétta. Eins hefur það komið fyrir margan
fátækan þýskunemanda, að hann borgaði fyrir tvo
hunda en fékk aðeins annan, því að hann hafði í fávisku
sinni keypt einn hund í þágufalli eintölu, en haldið
sjálfur, að hann væri á kafi í fleirtölunni. Undir slíkum
kringumstæðum er allt löglegt af seljandans hálfu, og
vesalingurinn má sitja eftir með sárt ennið og einn hund.
í þýsku byrja öll nafnorð á upphafsstaf. Þetta var
góð hugmynd hjá höfundi tungumálsins, og góðar hug-
myndir hjá honum eru vissulega eftirtektarverðar, þótt
ekki væri nema vegna þess, hve fáar þær eru. Já, það
er ósköp þægilegt, að nafnorðin skuli byrja á upphafs-
(176)