Almanak Hins íslenska þjóðvinafélags - 01.01.1979, Blaðsíða 82

HÁTfÐISDAGAR 1977-1981
Ar Páskar Sumard.fyrsti Uppstigning. Hvítasunna
1977 10. apríl 21. apríl 19. maí 29. maí
1978 26. mars 20. apríl 4. maí 14. maí
1979 15. apríl 19. apríl 24. maí 3. júní
1980 6. apríl 24. apríl 15. maí 25. maí
1981 19. apríl 23. apríl 28. maí 7. júní
TÍMAMERKI
Viða um heim eru útvarpsstöðvar sem hafa það sérstaka hlutverk
að útvarpa mjög nákvæmum tímamerkjum á öllum tímum sólar-
hringsins. Þeir sem kynnu að þurfa á slíkum merkjum að halda við
nákvæmar tímaákvarðanir geta hringt í sima 11011 í Reykjavík. Næst
þá samband við viðtæki á 60 kHz (5000 m) sem Raunvísindastofnun
Háskólans hefur sett upp í samvinnu við Símstjórann í Reykjavík
til að taka á móti sendingum frá tímamerkjastöðinni í Rugby í Englandi.
Stöð þessi sendir út són sem er rofinn (mislengi) í byrjun hverrar
sekúndu, og með sérkennilegu suði í byrjun hverrar mínútu. Tíminn
stendur á heilli mínútu (og sekúndu) um leið og sónninn hverfur, en
ekki þegar hann kemur aftur. Löng og stutt sekúndumerki eru látin
skiptast á eftir sérstöku kerfi þannig að af því megi ráða hver mínútan
er, klukkustundin og dagsetningin.
UM HEIMILDIR OG ÚTREIKNING ALMANAKSINS
Upplýsingar almanaksins um gang himinhnatta byggjast fyrst og
fremst á gögnum frá bandarísku almanaksskrifstofunni (Nautical
Almanac Office, U.S. Naval Observatory) og bresku almanaksskrif-
stofunni (H.M. Nautical Almanac Office, Royal Greenwich Observa-
tory). Útreikningar voru að mestu leyti unnir með tölvum Reikni-
stofnunar Háskólans. Flóðtöflurnar voru reiknaðar í haffræðistofnun-
inni (Institute of Oceanographic Sciences) í Birkenhead fyrir miili-
göngu Sjómælinga íslands. Veðurstofan lét vinsamlega í té gögn til
grundvallar fróðleiknum á bls. 72-73.
LÖG UM ALMANÖK
Samkvæmt lögum nr. 25, 27. júní 1921, hefur Háskóli íslands einka-
rétt til að gefa út og selja eða afhenda með öðrum hætti almanök og
dagatöl á íslandi. Nánari greinargerð er að finna í almanaki fyrir 1966.
Eftirprentun úr almanaki þessu án skriflegrar heimildar
er stranglega bönnuð
(80)