Almanak Hins íslenska þjóðvinafélags - 01.01.2007, Side 215

varð í 16. sæti, en 10 lög komust áfram. Grískt lag sigraði í
aðalkeppninni.
Tónlistarhúsið. Mikið var unnið að undirbúningi þess á árinu
á vegum Austurhafnar ehf. Hinn 21. september voru kynntar
niðurstöður matsnefndar. Þær voru á þann veg, að samið yrði
við Portus Group. Hann er í eigu Landsafls hf., Nýsis hf. og
íslenskra aðalverktaka hf. Arkitektar eru teiknistofa Hennings
Larsens í Danmörku og Batteríið ehf. Utlit hússins verður að
miklu leyti verk listamannsins Ólafs Elíassonar. Vladimir
Ashkenazy verður ráðgjafi um tónlistardagskrá hússins fyrstu
árin. Framkvæmdir hefjast 2006 og þeim á að ljúka 2009.
Tsunami. Mjög góður árangur varð af fjársöfnun vegna nátt-
úruhamfaranna í Austur-Asíu. Alls söfnuðust 110 milljónir
króna í söfnuninni sem bar nafnið „Neyðarhjálp úr norðri“.
22.500 manns hringdu inn með loforði um styrk.
Umdeildir tónleikar. Hinn 8. desember voru haldnir lokaðir
tónleikar fyrir elstu fastagesti Sinfóníuhljómsveitar Islands,
gesti KB-banka og forseta íslands. Mjög þekktur listamaður,
velski söngvarinn Bryn Terfel, kom fram á tónleikunum.
Umskipti í stúdentaráði. Fulltrúi Háskólalistans var í mars
kosinn formaður stúdentaráðs. Hann fékk tvö atkvæði en 18
sátu hjá, þ.e. fulltrúar Röskvu og Vöku, sem um langan aldur
hafa stjórnað stúdentaráði. Að þessu sinni fengu félögin níu
fulltrúa hvort og náðu ekki samkomulagi um stjórn ráðsins.
Verðmœtt málverk. Asgrímsmálverk var í desember selt á
uppboði hjá Gallerí Fold fyrir 4,5 milljónir króna.
Verðlaun Ásu Wright. Verðlaun úr sjóði Asu Wright fengu
dr. Jórunn Erla Eyfjörð og Helga Ögmundsdóttir læknir fyrir
krabbameinsrannsóknir.
(213)