Ægir - 01.02.2002, Blaðsíða 18

18
„Það er rétt að við höfum gert
180 milljóna króna samning um
að setja upp verksmiðju til
vinnslu á nílarkarfa í Uganda.
Samningurinn felur í sér að við
leggjum fram ráðgjöf um hönnun
verksmiðjunnar og vinnsluferil-
inn, en auk þess útvegum við all-
an tækjabúnað inn í verksmiðj-
una, loftræstikerfi, frysta, kæli-
kerfi og fleira,“ segir Ellert Berg
Guðjónsson, markaðsstjóri hjá
Póls hf.
„Þetta verkefni kom þannig til
að við fengum fyrirspurn um
nokkrar vogir og flokkara og síð-
an leiddi eitt af öðru. Óskað var
eftir því að við gerðum tilboð í
vinnslulínuna og síðan kom
einnig fyrirspurn um frystikerfi,
loftræstingu og fleira. Við vinn-
um þetta með Frostmarki ehf.,
sem sér um frystikerfið, Blikk-
smiðurinn hf. hefur loftræsting-
una með höndum og Formax hf.
sér um vinnslulínuna. Nú þegar
er búið að senda hluta vinnslulín-
unnar og vigtarkerfisins til Ug-
anda, en kæli-, frysti- og loft-
ræstibúnaðurinn er ennþá í fram-
leiðslu og við reiknum með að
hann verði sendur út í maí. Miðað
er við að gangsetja verksmiðjuna í
september nk. og því er ljóst að í
sumar verða hérlendir iðnaðar-
menn og verkfræðingar við upp-
setningu hennar í Uganda,“ segir
Ellert Berg.
Ótrúlegur vöxtur
Vöxtur Póls hf., sem er með
framleiðslu og þróun á Ísafirði en
markaðsskrifstofu í Reykjavík,
hefur verið eftirtektarverður á
undanförnum árum. Á árinu
2000 var veltuaukningin 47%,
42% á síðasta ári og í ár stefnir í
að aukning í veltu nemi allt að
30%. Af þessum tölum má ráða
að starfsemi Póls hefur vaxið
ótrúlega á skömmum tíma.
„Ástæðan fyrir þessu er fyrst og
fremst sú að við komum með nýja
skömmtunarvog á markaðinn árið
1999 sem er fyrir pökkun á upp-
sjávarfiski, síld og makríl. Þessi
nýjung, sem hefur að baki sér að-
ferðafræði sem við höfum þróað,
hefur gengið mjög vel og get ég
nefnt að í Noregi hefur hún náð
70% markaðshlutdeild á þessum
markaði og í Skotlandi er svipað
uppi á teningnum. Við höfum á
undanförnum árum lagt mikið
upp úr því að kynna þessa vöru
og sú vinna hefur verið að skila
sér.“
Fyrsta rafeindavogin
árið 1978
Póls er gamalgróið fyrirtæki og
má rekja sögu þess allt aftur til
ársins 1978 þegar það smíðaði
fyrstu íslensku rafeindavogina.
Nú starfa 27 starfsmenn hjá Póls,
þar af þrír í markaðsmálunum í
Reykjavík og 24 í framleiðslu- og
þróun á Ísafirði.
Á undanförnum árum hefur
meirihluti framleiðslu Póls farið á
erlendan markað. „Árið 1999
seldum við um 40% framleiðsl-
unnar hér innanlands, tæp 20%
árið 2000 og 6-7% á síðasta ári,
Mikill vöxtur í starfsemi Póls hf. á undanförnum árum:
Sömdu um uppsetningu
verksmiðju í Uganda
T Æ K N I