Símablaðið - 01.01.1976, Síða 14

Álit Félagsráhs
á breytingunurrL:
Á fundi Félagsráðs F.Í.S., sem haldinn
var 26. febr. s.l. var eftirfarandi álit sam-
þykkt:
„Félagsráð F.Í.S. hefur haft til meðferð-
ar tillögur þær að breytingum á skipulagi
Pósts og síma, sem fuiltrúum félagsins
voru afhentar 11. þ.m.
Þar sem félagið hefur ekki átt aðild að
gerð þessara tillagna og að litlu leyti kunn-
ugt um rök þau, sem sett hafa verið fram
þeim til stuðnings, er mjög erfitt að gefa
viðhlítandi umsögn um þær á þessu stigi.
Félagsráð telur þó að sú grundvallar-
breyting, sem í tillögunum felst, að færa
starfsemi og stjórnun í ýmsum efnum út í
umdæmin sé eðlileg, en Umdæmi I sé of
stórt. í framhaldi af þessari grundvallar-
breytingu verði að tryggja umdæmunum
nægilegt af hæfu starfsliði til að sinna
þeim verkefnum.
Það er álit Félagsráðs, að vafasöm sé
stofnun nýrrar aðaldeildar og að auðvelt
sé að koma verkefnum þeim, sem henni
eru ætluð fyrir í öðrum deildum t.d. þannr
ig, að Starfsmannadeild, Póst- og símaskóli
og Skipulagsdeild verði í Hagdeild (ökor
nomiafd.), Þjónustudeild í Rekstursdeild.
(traffikafd.) og Fasteignadeild í Tækni-
deild. Breytingum gagnvart tæknimönnum
í hinum ýmsu umdæmum verði frestað, þar
til tæknifulltrúar hafa verið skipaði í um-
dæmunum og heyri tæknimenn undir þá.
í tillögunum kemur ekki greinálega fram
hvaða þýðingu þær hafa fyrir hina ein-
stöku starfsmenn og ekki hafa fengist skýr
svör við spurningum þar að lútandi. Fé-
lagsráð telur nauðsynlegt, að í sambandi
við skipulagsbreytingar verði öllum starfs-
mönnum gerð grein fyrir verksviði þeirra,
hverjir séu yfirmenn þeirra og frá hverjum
þeir skuli taka verkfyrirmæli.
Félagsráð leggur áherslu á, að engar
breytingar séu gerðar á stöðu einstakra
starfsmanna sem raska högum þeirra, svo
sem búsetuflutningur, tilflutningur á
vinnustað eða breytingar á verkahring, án
fulls samráðs við þá.
Þá leggur Félagsráð áherslu á, að ekki
verði rýrðir möguleikar starfsmanna frá
því sem verið hefur til að vinna sig upp í
stofnuninni með þeirri sérmenmtun sem
hún veitir og dýrmætri starfsreynslu, en
varar við ofmati á almennri langskóla-
göngu. Jafnframt leggur Félagsráð áherslu
á, að ekki verði lagðar niður stöður án
samráðs við félagið og að nýjar stöður sem
skapast vegna skipulagsbreytinga verði all-
ar auglýstar.
Félagsráð leggur mikla áherslu á, að fé-
lagið fái að fylgjast náið með framvindu
þessara mála og verði fullgildur aðili að
útfærslu þeirra skipulagsbreytinga sem
ákveðnar verða.“
Virðingarfyllst,
f.h. stjórnar F.Í.S.,
Ágúst Geirsson, form.,
Ólafur Eyjólfsson, ritari.
Álit nokkurra
SLmamanna
á breytingunum:
Tillögur þær að skipulagsbreytingum
Pósts og síma er kynntar hafa verið í Fé-
lagsráði, vekja óneitanlega fleiri spurn-
ingar, en hægt er að lesa svör við í þeim
drögum er fyrir okkur hafa verið lögð til
umsagnar.
Tel ég raunar forkastanleg vinnubrögð
að gefa starfsfólkinu ekki kost á að eiga
SIMABLAÐIÐ