Freyr - 01.05.1979, Blaðsíða 37

Steingrímur Hermannsson landbúnaðarráðherra ávarpar formenn búnaðarsambandanna.
Kristófer Kristjánsson, Köldukinn, formaður
Búnaðarsambands Austur-Húnavatnssýslu.
Fyrir Skagfirðinga mætti Egill Bjarnason,
ráðunautur, í fjarveru formannsins, Jónasar
Haraldssonar, Völlum. Sveinn Jónsson frá
Kálfsskinni, formaður Búnaðarsambands
Eyjafjarðar. Helgi Jónasson, Grænavatni,
formaður Búnaðarsambands Suður-Þing-
eyinga. Eggert Ólafsson, Laxárdal, formaður
Búnaðarsambands Norður-Þingeyincja,
Snæþór Sigurbjörnsson, Gilsárteigi, for-
maður Búnaðarsambands Austurlands. Fyrir
Búnaðarsamband Austur-Skaftfellinga var
ekki mætt, en formaður þess er Þorsteinn
Jóhannsson, Svínafelli. Þá var á fundi Stefán
Jasonarson í Vorsabæ, formaður Búnaðar-
sambands Suðurlands.
Auk framamalinna sátu fundinn stjórnar-
menn Búnaðarfélags íslands: Ásgeir Bjarna-
son, Einar Ólafsson og Hjörtur E. Þórarins-
son, og Halldór Pálsson, búnaðarmálastjóri.
Og sem gestir mættu frá landbúnaðar-
ráðuneytinu: Steingrímur Hermannsson,
landbúnaðarráðherra, Sveinbjörn Dagfinns-
son, ráðuneytisstjóri, og Guðmundur Sig-
þórsson, deildarstjóri.
Fundarstjóri var kjörinn Kristófer
Kristjánsson og til vara Stefán Jasonarson,
en fundarritarar Sigurður Þórólfsson og
Sveinn Jónsson.
Formaður Búnaðarfélags íslands setti
fundinn, síðan flutti Steingrímur Hermanns-
son, landbúnaðarráðherra, ávarp og ræddi
um þau málefni landbúnaðarins, sem unnið
hefur verið að eða áformað er að flytja um
lagafrumvörp á Alþingi nú á næstunni.
Hann gat þess fyrst, að tekist hefði að
greiða fyrir áramót 1300 milljónir, sem vant-
að hefði á, að útflutningsbótafé nægði á síð-
asta ári, og þannig ná lengra en fyrirheit voru
gefin um í stjórnarsáttmála.
Ráðherrann vék næst að endurskoðun á
Framleiðsluráðslögum, bæði þeim ákveðnu
breytingum, sem svongfnd sjömannanefnd
lagði til og nú er brátt að vænta, að afgreidd-
arverði á Alþingi, og einnig að þeirri heildar-
endurskoðun á lögunum, sem er í höndum
sérstakrar nefndar, sem væntanlega skilar
áliti bráðlega. Þar er reiknað með, að lagðir
verði til beinir samningar við ríkið.
Því næst gerði ráðherrann grein fyrir þeim
undirbúningi að þingsályktun um stefnu-
mörkun fyrir landbúnaðinn, sem unnið er að
á hans vegum. Hann kvað það skoðun sína,
að Alþingi ætti að marka stefnu í landbún-
FREYR
301