Freyr - 01.05.1979, Síða 38

aðarmálum og jafnframt bera ábyrgð á fram-
kvæmd hennar. Að stefnumörkuninni kvaðst
hann vilja vinna í sem nánustu samráði við
fulltrúa úr bændasamtökunum og stofnanir
landbúnaðarins. En auk þess væri rétt og
nauðsynlegt að hafa samráð við fulltrúa
neytenda og hlusta á raddir þeirra.
Landbúnaðarráðherra vék að fleiri málum,
m.a. fyrirhuguðum breytingum á jarðrækt-
arlögum á þann veg, að það fjármagn, sem
eftirákvæðum þeirra hefur gengið til bænda,
geti gert það áfram í jafn miklum mæli, þó að
framkvæmdir drægjust saman, eins og
vænta mætti, að gerðist á næstunni. Með því
að nota hluta af þessu fjármagni, t.d. til að
styrkja nýjar búgreinar og tilraunir með þær,
gæti landbúnaðurinn notið þessa betur en
ella.
Guðmundur Sigþórsson, deildarstjóri í
landbúnaðarráðuneytinu, ræddi um áætl-
anagerð þá, sem fyrirhuguð er og gerðar
hafa verið tillögur um, m.a. af sjömanna-
nefnd. Áætlanir um heildarframkvæmdir í
landbúnaðinum og fyrir hvert býli. Þessar
áætlanir taldi hann nauðsynlegar til þess að
hafa skipulag og stjórn á framleiðslunni í
framtíðinni.
Halldór Pálsson flutti stutt erindi um
skattamál búnaðarsambandanna.
Dómur féll nýlega í Hæstarétti í prófmáli
um aðstöðugjald, sem Akureyrarbær lagði á
Búnaðarsamband Eyjafjarðar. Málið tapað-
ist í Hæstarétti. Lög um tekju- og eignaskatt
virtust ótvíræð á þann veg, að búnaðarsam-
bönd ættu ekki að vera skattþegnar sam-
kvæmt þessum lögum. Hins vegar virtust lög
um tekjustofna sveitarfélaga vera í ósam-
ræmi við þetta, og mætti ætla, að það væru
glöp í löggjöfinni. í annan stað væri um að
ræða annað prófmál varðandi aðstöðugjald
og tekjuskatt á ræktunarsamband Mýra-
sýslu, en dóms mun fljótlega að vænta í því
máli.
Hins vegar gat Halldór þess, að ríkis-
skattanefnd hefði úrskurðað, að Búnaðar-
samband Strandamanna væri ekki skatt- eða
framtalsskylt. Þá greindi hann frá viðræðum
sínum við fjármálaráðherra um málið og las
upp bréf Búnaðarfélags íslands til hans um
málið, þar sem beðið er um úrskurð hans í
þessum skattamálum.
Helgi Jónasson gerði grein fyrir samning-
um búnaðarsambands við starfsmenn sína,
ráðunauta og frjótækna.
Miklar umræður urðu um öll málefnin, og
voru þau m. a. rædd í nefndum. Ályktanir
voru gerðar í nokrum málum.
Nýtt lyf gegn kálmaðki:
OFTANOL
í Handbók bænda 1979 er lítilega minnst
á þrjú varnarefni gegn kálmaðki, sem mest
hafa verið í notkun hérá undanförnum árum.
Af umræddum efnum hefur Agritox náð
mestri útbreiðslu, en sú gerð þess, sem hér
hefur verið fáanleg, er kyrni, sem inniheldur
7,5% af efninu trichloromat.
Framleiðslu og sölu á Agritox er nú hætt
og verður það ekki fáanlegt á komandi vori. í
stað þess kemur lyfið OFTANOL, sem nýlega
hefur fengist viðurkennt og skrásett af eitur-
efnanefnd. Oftanol er smákornótt (kyrni) og
inniheldur Isofenphos. Af framleiðanda eru
eiginleikar og áhrif talin vera mjög svipuð og
hjá Agritox.
Einnig er það notað í sama magni.
Oftanol var lítilsháttar reynt hér síðastliðið
sumar með góðum árangri.
Hættutími Oftanols er langur, t. d. 90 dagar
í NOREGI, kemur því ekki til greina að nota
lyfið við ræktun á pottarófum eftir að þær
hafa verið settar út í garðinn.
Þeim, sem kunna að kaupa Oftanol á kom-
andi vori til notkunar, er bent á að hyggja vel
að meðfylgjandi leiðbeiningum um notkun
þess og fylgja í hvívetna þeim upplýsingum
um notkun, sem þar eru skráðar.
Ö.V.H.
302
FREYR