Freyr - 01.04.1981, Síða 7

Byggð og búseta í sveitum verði tryggð
Búnaðarþingi lauk sunnudaginn 1. mars og
hafði þá staðið í 14 daga. 55 mál voru tekin til
umræðu og 51 þeirra afgreitt. Ýmissa þessara
ályktana mun verða getið hér í blaðinu síðar eða
þær birtar. Þingið ræddi mikið um leiðir til að
auka fjölbreytni í atvinnulífi í sveitum og tryggja
byggð þar og búsetu.
Á Búnaðarþingi voru kosnar tvær milliþinga-
nefndir. Var annarri falið að endurskoða lög um
grænfóðurverksmiðjur, en hinni að endurskoða
lög um þingsköp Búnaðarþings.
Búnaðarþing sendi frá sér fjölmargar álykt-
anir. Má þar nefna ályktun þess efnis að stjórn
Búnaðarfélags íslands var falið að hlutast til um
það við Almannavamir ríkisins og al-
mannavarnir einstakra héraða að fyrir hendi sé
skipulögð neyðarþjónusta þegar heilar sveitir,
sveitarhlutar eða einstakir bæir einangrast með
einhverjum hætti.
Búnaðarþing samþykkti ályktun um eflingu
Jarðasjóðs til þess að sjóðurinn geti gegnt því
hlutverki sem honum er ætlað að lögum að
greiða fyrir bændum og sveitarfélögum með
eigendaskipti á jörðum. Þá samþykkti Búnaðar-
þing ályktun þar sem hvatt er til þess að Stofn-
lánadeild landbúnaðarins hefji lánveitingar út á
tækjakaup og mannvirki til æðarræktar. Búnað-
arþing skoraði á landbúnaðarráðherra að hann
hlutist til um að nýbyggingargjald, sem innheimt
hefur verið af rekstrarbyggingum landbúnað-
arins, verði endurgreitt. Samþykkt var ályktun
um fæðingarorlof bændakvenna og fái bænda-
konur greitt þriggja mánaða orlof hið fyrsta.
Eins og áður var getið verður nánar greint frá
störfum búnaðarþings í Frey síðar.
Við upphaf Búnaðarþings flutti búnaðar-
málastjóri skýrslu stjórnar Búnaðarfélags
íslands. í lokin ræddi hann um hlutverk Búnað-
arþings og ný viðhorf í leiðbeiningarþjón-
ustunni. Niðurlag skýrslunnar birtist hér á eftir:
„Ég hef alla tíð síðan ég kynntist Búnaðar-
þingi og starfsháttum þess borið virðingu fyrir
því og hefur hún vaxið með nánari kynnum,
jafnt af þætti þess í sögu íslensks Iandbúnaðar og
störfum þess síðari árin.
í fyrsta lagi er Búnaðarþing æðsta stjórn Bún-
aðarfélags íslands, þess merka félags allra ís-
lenskra bænda. Það á að vera og er fullyrði ég
takmark okkar allra — ykkar búnaðarþingsfull-
trúa og stjórnarmanna Búnaðarfélags íslands,
og okkar starfsmanna Búnaðarfélags íslands að
halda uppi reisn þess — eins og við viljum allir
reisn bændastéttarinnar sem mesta og hag henn-
ar sem bestan.
í öðru lagi er Búnaðarþing ráðagjafarþing um
málefni bændastéttarinnar og hefur um slíkt haft
ómetanleg áhrif til framfara og farsældar.
Ráðgjafarþing þóttu að vísu háð miklum tak-
mörkunum og eru það að sjálfsögðu, en bænda-
stéttin getur ekki ætlað sér sjálfdæmi í málum
sínum og ekki sett ein sín lög, fyrir sig frekar en
aðrir þjóðfélagshópar.
En því betur, sem mál eru hér könnuð, því
betur sem tillögur eru grundvallaðar og álykt-
anir rökstuddar, því meiri líkur eru fyrir því að
eftir þeim verið farið og málin nái fram að ganga.
Því er þeim tíma og fjármunum ekki illa varið,
sem fara til setu og starfa á Búnaðarþingi á með-
an það vinnur svo vel að málum sem hingað til.
Allir þekkjum við stöðu landbúnaðarins nú.
Nú er bændastéttinni margháttaður vandi á
höndum.
Ég ræði það ekki hér hve vandasamt það er að
þræða þann meðalveg í framleiðslumálum, sem
framundan er. Án þess að samdráttur leiði til
stórum verri kjara. Án þess að það leiði til hlut-
fallslegrar afturfarar. Án þess að hætta skapist á
byggðaröskun eða byggðahruni.
Ég minni hér á að hlutverk Búnaðarfélags
íslands og ráðunautaþjónustu þess við þessar
aðstæður er mikilvægt og vandasamt. Og þá ekki
síður hlutverk búnaðarsambandanna í hverju
héraði.
Ég hef orðið þess mjög áþreifa nlega var, að sú
freyr — 247